Næg verkefni á saumastofum Elín Albertsdóttir skrifar 11. desember 2014 11:30 Inga Ásta og samstarfsfélagar hennar á Saumsprettunni eru kát fyrir jólin, enda nóg verkefni og brjálað að gera. Mynd/GVA Mjög algengt er að konur panti brúðarkjóla á netinu. Sprenging hefur orðið í sendingum frá Kína á þessu ári. Netverslun hefur aukist mikið. Fatnaður er meðal þess sem fólk kaupir í stórum stíl en hann passar ekki alltaf. Saumastofur hafa næg verkefni við að breyta fötum. Íslendingar kaupa alls kyns hluti á netinu, ekki bara frá Kína heldur stendur heimurinn opinn í verslunarrekstri. Fyrir jólin í fyrra komu yfir þrjátíu þúsund sendingar til Íslands frá Kína. Þessi verslun hefur óneitanlega áhrif á íslenska verslun. Það sem má teljast jákvætt er að netsalan hefur aukið starfsemi póstþjónustu og saumastofa. Inga Ásta Bjarnadóttir, kjólameistari hjá Saumsprettunni, segir töluverða aukningu vera í fatabreytingum hjá fyrirtækinu. „Það eru ýmiss konar breytingar sem við fáum í hendur. Við þrengjum, víkkum, styttum eða síkkum. Fatanúmer geta verið mismunandi eftir löndum auk þess sem fólk er misjafnt í vexti. Það kemur fyrir að fólk verði fyrir miklum vonbrigðum þegar það fær flíkina og hún passar ekki. Við vitum dæmi þess að keypt hafi verið flík sem leit allt öðruvísi út en myndin á netinu sýndi,“ segir Inga.Frægi kjóllinn olli vonbrigðum „Kona kom til okkar með síðan kjól sem átti að líta út eins og fræg leikkona klæddist á rauða dreglinum í Hollywood. Þegar kjóllinn kom leit hann allt öðruvísi út og passaði engan veginn á konuna. Þá er það okkar verk að laga,“ segir Inga. „Flíkin verður dýrari með breytingunni. Hins vegar eru mörg dæmi um að hún hafi verið svo ódýr á netinu að verð á breytingunni skiptir í raun engu máli.“ Inga segir að þetta séu yfirleitt ágætis föt, enda mikið af fatnaði í íslenskum verslunum einnig framleiddur í Kína. „Stundum sendir fólk út mál af sér þegar það kaupir föt og telur að um sérsaum sé að ræða. Þannig er það ekki í raun og oft passa þessi föt ekki heldur,“ segir hún. „Við kvörtum þó ekkert yfir þessu, það er brjálað að gera hjá okkur,“ segir hún. Inga hefur starfað hjá Saumsprettunni í fimm ár. Helstu störf á stofunni eru fatabreytingar. „Fólk þarf oft líka að breyta fötum sem það kaupir hér á landi,“ segir hún.Kaupa brúðarkjóla á netinu Jóhanna Harðardóttir hjá saumastofunni Textilline tekur í sama streng. Mikið er að gera í fatabreytingum. Jóhanna segir algengt að ungar konur kaupi brúðarkjóla frá Kína fyrir 10-15 þúsund krónur sem er mjög ódýrt. „Það kom til mín kona með brúðarkjól frá Kína tveimur dögum fyrir brúðkaupið. Kjóllinn passaði engan veginn. Hann var lagaður í hvelli. Ég veit að það er mjög algengt að panta brúðarkjóla að utan. Hlutföllin í fötum frá Kína eru ekki alltaf rétt. Íslendingar eru bæði herðabreiðir og búklangir. Sjálf er ég handleggjalöng og með mjótt milli. Ég þarf því alltaf að lengja ermar á flíkum sem ég kaupi og þrengja í mitti. Mittið er ekki alltaf á réttum stað á fatnaði frá Kína,“ útskýrir Jóhanna sem rekur bæði Listasaum í Kringlunni og Textilline á Laugaveginum. „Það hefur verið mikið að gera í fatabreytingum undanfarið. Það þarf líka að breyta fötum sem fást hér á landi. Svo koma sumir með gömul föt og láta breyta þeim. Fólk pantar föt hvaðanæva frá í heiminum og stundum passa þau ekki. Amerísk númer eru til dæmis ólík þeim evrópsku. Mér finnst fötin oft koma frekar of stór en of lítil, að minnsta kosti þau sem koma til mín, maður heyrir ekkert af þeim sem passa. Það er hægt að laga og breyta öllum flíkum.“ Mest lesið One Direction sendir frá sér yfirlýsingu: „Við erum algjörlega miður okkar“ Lífið Liam Payne úr One Direction látinn Lífið Stuðningur fjölskyldunnar ekki sjálfsagður Lífið Þurfti að missa þáttinn til að átta sig á næsta skrefi Lífið „Ekki þurrt auga í salnum“ Lífið Þorvaldur Davíð og Hjálmar Örn í eina sæng Lífið Harðlega gagnrýnd fyrir að birta myndir af líki Liam Payne Lífið „Ef ég á að vera hreinskilin þá var þetta bara svæsið einelti“ Lífið Símtal í neyðarlínu varpar ljósi á atburðarásina Lífið Man ekki eftir öðru eins: Aldrei séð jafn marga falla í yfirlið yfir einni mynd Bíó og sjónvarp Fleiri fréttir One Direction sendir frá sér yfirlýsingu: „Við erum algjörlega miður okkar“ Stuðningur fjölskyldunnar ekki sjálfsagður Frumkvöðull í Detroit teknói í Gamla bíó í nóvember Þorvaldur Davíð og Hjálmar Örn í eina sæng Fjölskylda Liam Payne biður um andrými Malín Agla og Svavar eiga von á öðru barni „Ef ég á að vera hreinskilin þá var þetta bara svæsið einelti“ Símtal í neyðarlínu varpar ljósi á atburðarásina Harðlega gagnrýnd fyrir að birta myndir af líki Liam Payne Loka Sæbraut á laugardag vegna kvikmyndatöku Liljan er vinsælasta lagið á Dalvík Stjörnurnar minnast Liam Payne: „Þessar fréttir eru hrikalegar, ég er orðlaus“ „Ég myndi aldrei fara í samband með einhverjum fávita“ Liam Payne úr One Direction látinn Páll Óskar kveikti í kofanum Elskar að vera á níræðisaldri og eiga ungbarn Þurfti að missa þáttinn til að átta sig á næsta skrefi Kveiktu í dansgólfinu í Iðnó „Bullandi stífir í því að halda uppi þessu afneitunarhagkerfi sem við búum í“ „Ekki þurrt auga í salnum“ Krúttlegasti innbrotsþjófur landsins Lén skráð á laugardag ekki framboðslén Verður þér skipt út fyrir kynlífstæki? Þjóðhátíðarstemning á árshátíð Sýnar Orðið það sama og þekkt fataverslun í miðbæ Reykjavíkur Hlutverkið það erfiðasta hingað til Glamúr og glæsileiki í opnun hjá Lovísu DIMMA var flott en einhæf Almenningur um stjórnarslit: „Þetta var komið út í smá rugl“ Sjarmerandi íbúð listafólks í miðbænum Sjá meira
Mjög algengt er að konur panti brúðarkjóla á netinu. Sprenging hefur orðið í sendingum frá Kína á þessu ári. Netverslun hefur aukist mikið. Fatnaður er meðal þess sem fólk kaupir í stórum stíl en hann passar ekki alltaf. Saumastofur hafa næg verkefni við að breyta fötum. Íslendingar kaupa alls kyns hluti á netinu, ekki bara frá Kína heldur stendur heimurinn opinn í verslunarrekstri. Fyrir jólin í fyrra komu yfir þrjátíu þúsund sendingar til Íslands frá Kína. Þessi verslun hefur óneitanlega áhrif á íslenska verslun. Það sem má teljast jákvætt er að netsalan hefur aukið starfsemi póstþjónustu og saumastofa. Inga Ásta Bjarnadóttir, kjólameistari hjá Saumsprettunni, segir töluverða aukningu vera í fatabreytingum hjá fyrirtækinu. „Það eru ýmiss konar breytingar sem við fáum í hendur. Við þrengjum, víkkum, styttum eða síkkum. Fatanúmer geta verið mismunandi eftir löndum auk þess sem fólk er misjafnt í vexti. Það kemur fyrir að fólk verði fyrir miklum vonbrigðum þegar það fær flíkina og hún passar ekki. Við vitum dæmi þess að keypt hafi verið flík sem leit allt öðruvísi út en myndin á netinu sýndi,“ segir Inga.Frægi kjóllinn olli vonbrigðum „Kona kom til okkar með síðan kjól sem átti að líta út eins og fræg leikkona klæddist á rauða dreglinum í Hollywood. Þegar kjóllinn kom leit hann allt öðruvísi út og passaði engan veginn á konuna. Þá er það okkar verk að laga,“ segir Inga. „Flíkin verður dýrari með breytingunni. Hins vegar eru mörg dæmi um að hún hafi verið svo ódýr á netinu að verð á breytingunni skiptir í raun engu máli.“ Inga segir að þetta séu yfirleitt ágætis föt, enda mikið af fatnaði í íslenskum verslunum einnig framleiddur í Kína. „Stundum sendir fólk út mál af sér þegar það kaupir föt og telur að um sérsaum sé að ræða. Þannig er það ekki í raun og oft passa þessi föt ekki heldur,“ segir hún. „Við kvörtum þó ekkert yfir þessu, það er brjálað að gera hjá okkur,“ segir hún. Inga hefur starfað hjá Saumsprettunni í fimm ár. Helstu störf á stofunni eru fatabreytingar. „Fólk þarf oft líka að breyta fötum sem það kaupir hér á landi,“ segir hún.Kaupa brúðarkjóla á netinu Jóhanna Harðardóttir hjá saumastofunni Textilline tekur í sama streng. Mikið er að gera í fatabreytingum. Jóhanna segir algengt að ungar konur kaupi brúðarkjóla frá Kína fyrir 10-15 þúsund krónur sem er mjög ódýrt. „Það kom til mín kona með brúðarkjól frá Kína tveimur dögum fyrir brúðkaupið. Kjóllinn passaði engan veginn. Hann var lagaður í hvelli. Ég veit að það er mjög algengt að panta brúðarkjóla að utan. Hlutföllin í fötum frá Kína eru ekki alltaf rétt. Íslendingar eru bæði herðabreiðir og búklangir. Sjálf er ég handleggjalöng og með mjótt milli. Ég þarf því alltaf að lengja ermar á flíkum sem ég kaupi og þrengja í mitti. Mittið er ekki alltaf á réttum stað á fatnaði frá Kína,“ útskýrir Jóhanna sem rekur bæði Listasaum í Kringlunni og Textilline á Laugaveginum. „Það hefur verið mikið að gera í fatabreytingum undanfarið. Það þarf líka að breyta fötum sem fást hér á landi. Svo koma sumir með gömul föt og láta breyta þeim. Fólk pantar föt hvaðanæva frá í heiminum og stundum passa þau ekki. Amerísk númer eru til dæmis ólík þeim evrópsku. Mér finnst fötin oft koma frekar of stór en of lítil, að minnsta kosti þau sem koma til mín, maður heyrir ekkert af þeim sem passa. Það er hægt að laga og breyta öllum flíkum.“
Mest lesið One Direction sendir frá sér yfirlýsingu: „Við erum algjörlega miður okkar“ Lífið Liam Payne úr One Direction látinn Lífið Stuðningur fjölskyldunnar ekki sjálfsagður Lífið Þurfti að missa þáttinn til að átta sig á næsta skrefi Lífið „Ekki þurrt auga í salnum“ Lífið Þorvaldur Davíð og Hjálmar Örn í eina sæng Lífið Harðlega gagnrýnd fyrir að birta myndir af líki Liam Payne Lífið „Ef ég á að vera hreinskilin þá var þetta bara svæsið einelti“ Lífið Símtal í neyðarlínu varpar ljósi á atburðarásina Lífið Man ekki eftir öðru eins: Aldrei séð jafn marga falla í yfirlið yfir einni mynd Bíó og sjónvarp Fleiri fréttir One Direction sendir frá sér yfirlýsingu: „Við erum algjörlega miður okkar“ Stuðningur fjölskyldunnar ekki sjálfsagður Frumkvöðull í Detroit teknói í Gamla bíó í nóvember Þorvaldur Davíð og Hjálmar Örn í eina sæng Fjölskylda Liam Payne biður um andrými Malín Agla og Svavar eiga von á öðru barni „Ef ég á að vera hreinskilin þá var þetta bara svæsið einelti“ Símtal í neyðarlínu varpar ljósi á atburðarásina Harðlega gagnrýnd fyrir að birta myndir af líki Liam Payne Loka Sæbraut á laugardag vegna kvikmyndatöku Liljan er vinsælasta lagið á Dalvík Stjörnurnar minnast Liam Payne: „Þessar fréttir eru hrikalegar, ég er orðlaus“ „Ég myndi aldrei fara í samband með einhverjum fávita“ Liam Payne úr One Direction látinn Páll Óskar kveikti í kofanum Elskar að vera á níræðisaldri og eiga ungbarn Þurfti að missa þáttinn til að átta sig á næsta skrefi Kveiktu í dansgólfinu í Iðnó „Bullandi stífir í því að halda uppi þessu afneitunarhagkerfi sem við búum í“ „Ekki þurrt auga í salnum“ Krúttlegasti innbrotsþjófur landsins Lén skráð á laugardag ekki framboðslén Verður þér skipt út fyrir kynlífstæki? Þjóðhátíðarstemning á árshátíð Sýnar Orðið það sama og þekkt fataverslun í miðbæ Reykjavíkur Hlutverkið það erfiðasta hingað til Glamúr og glæsileiki í opnun hjá Lovísu DIMMA var flott en einhæf Almenningur um stjórnarslit: „Þetta var komið út í smá rugl“ Sjarmerandi íbúð listafólks í miðbænum Sjá meira