Færeyingar yngja upp með nýrri Airbus A320 beint úr verksmiðju Kristján Már Unnarsson skrifar 24. júní 2020 16:00 Þotan lenti á flugvellinum í Vogum í Færeyjum á föstudagskvöld. Hún hefur hlotið nafnið Tita og er með skráningarnúmerið OY-RCL. Mynd/Atlantic Airways. Færeyska flugfélagið Atlantic Airways hefur fengið afhenta nýja þotu af gerðinni Airbus A320neo. Þotan kom beint frá Airbus-verksmiðjunum í Toulouse í Frakklandi á föstudag, lenti í Kaupmannahöfn síðdegis og flaug þaðan til Voga-flugvallar í Færeyjum þar sem hún lenti á föstudagskvöld. Þotan, með skráningarnúmerið OY-RCL, hefur fengið nafnið Tita, eftir færeysku veflistakonunni Titu Vinther, sem lést í fyrra. Hún tekur 174 farþega í sæti og er leigð frá bandarísku flugvélaleigunni Air Lease Corporation. Þetta er önnur vél félagsins af A320neo-línunni en þá fyrri fékk Atlantic í fyrrasumar. Félagið hefur á móti losað sig við tvær Airbus A319 þotur. Einnig eru í flotanum tvær eldri Airbus-þotur, þriggja ára gömul A320-200 og átta ára gömul A319-100. Nýja þotan á Voga-flugvelli á föstudagskvöld. Atlantic Airways er núna með fjórar Airbus-þotur í flotanum og er meðalaldur þeirra aðeins 3,2 ár.Mynd/Atlantic Airways. Með nýju þotunni lækkar meðalaldur þotuflota Atlantic Airways niður í 3,2 ár, samkvæmt flugsíðunni Planespotters. Atlantic Airways stefnir að því að yngja enn frekar upp í þotuflotanum og reka eingöngu Airbus A320neo. Félagið á von á þeirri þriðju árið 2023 og þeirri fjórðu árið 2024. Kaup á A320 vélum í stað minni A319 véla áttu þátt í ákvörðun félagsins um að flytja Færeyjaflugið frá Reykjavíkurflugvelli til Keflavíkurflugvallar fyrir tveimur árum. Færeyska félagið er jafnt og þétt að auka tíðni flugferða eftir því sem ferðatakmörkunum kórónufaraldursins er aflétt. Það flýgur núna eina ferð á dag til Kaupmannahafnar og fjölgar þeim í tvær á dag í þessari viku. Þá er áætlunarflug þess til Billund og Álaborgar að fara af stað á ný. Íslandsflug Atlantic fór á fulla ferð 15. júní og flýgur félagið núna þrjár ferðir í viku til Keflavíkur, á mánudögum, miðvikudögum og föstudögum. Þegar íslensku forsetahjónin héldu í heimsókn til Færeyja fyrir þremur árum flugu þau með Airbus A319 þotu Atlantic, sem sjá má taka á loft og lenda í þessari frétt: Færeyjar Fréttir af flugi Airbus Keflavíkurflugvöllur Reykjavíkurflugvöllur Mest lesið Átta sagt upp hjá Arion banka Viðskipti innlent „Myndi alveg segja að hjartað í mér hafi verið í buxunum“ Atvinnulíf Icelandair hækkað um ríflega fjórðung Viðskipti innlent Hagnaður félags Björns Braga dróst verulega saman Viðskipti innlent Sátt Eimskipa við Samkeppniseftirlitið kom Samskipum ekki við Viðskipti innlent Óvíða sem flugstarfsemi er jafn stór þáttur í efnahagslífi þjóðar Viðskipti innlent Rúv tapað nærri hálfum milljarði á árinu Viðskipti innlent Spá verðbólgu undir fjórum prósentum á næsta ári Viðskipti innlent Ummæli seðlabankastjóra „skringileg“ Viðskipti innlent Icelandair fyrsta samstarfsflugfélag bandarísks risa Viðskipti innlent Fleiri fréttir Kærasta rafmyntamógúls í fangelsi vegna FTX-svikanna Stýrivextir lækkaðir í Bandaríkjunum í fyrsta sinn í fjögur ár Tupperware lýsir yfir gjaldþroti Snúa við dómnum og dæma Bonnesen í fangelsi Gera Apple að greiða tvær billjónir í skatta Skaut samstundis niður tillögur um efnahagslega björgun Evrópu Bein útsending: Apple kynnir nýjustu græjurnar Hætta steðjar að lífsgæðum Evrópubúa Volvo heykist á algjörri rafvæðingu árið 2030 Þessari rafmagnsflugvél er ætlað að flytja 90 farþega Zuckerberg harmar að hafa látið undan þrýstingi Bidens Breska stjórnin samþykkir að efla London City-flugvöll Sádar sagðir byrjaðir að skrúfa fyrir kranann Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Sjá meira
Færeyska flugfélagið Atlantic Airways hefur fengið afhenta nýja þotu af gerðinni Airbus A320neo. Þotan kom beint frá Airbus-verksmiðjunum í Toulouse í Frakklandi á föstudag, lenti í Kaupmannahöfn síðdegis og flaug þaðan til Voga-flugvallar í Færeyjum þar sem hún lenti á föstudagskvöld. Þotan, með skráningarnúmerið OY-RCL, hefur fengið nafnið Tita, eftir færeysku veflistakonunni Titu Vinther, sem lést í fyrra. Hún tekur 174 farþega í sæti og er leigð frá bandarísku flugvélaleigunni Air Lease Corporation. Þetta er önnur vél félagsins af A320neo-línunni en þá fyrri fékk Atlantic í fyrrasumar. Félagið hefur á móti losað sig við tvær Airbus A319 þotur. Einnig eru í flotanum tvær eldri Airbus-þotur, þriggja ára gömul A320-200 og átta ára gömul A319-100. Nýja þotan á Voga-flugvelli á föstudagskvöld. Atlantic Airways er núna með fjórar Airbus-þotur í flotanum og er meðalaldur þeirra aðeins 3,2 ár.Mynd/Atlantic Airways. Með nýju þotunni lækkar meðalaldur þotuflota Atlantic Airways niður í 3,2 ár, samkvæmt flugsíðunni Planespotters. Atlantic Airways stefnir að því að yngja enn frekar upp í þotuflotanum og reka eingöngu Airbus A320neo. Félagið á von á þeirri þriðju árið 2023 og þeirri fjórðu árið 2024. Kaup á A320 vélum í stað minni A319 véla áttu þátt í ákvörðun félagsins um að flytja Færeyjaflugið frá Reykjavíkurflugvelli til Keflavíkurflugvallar fyrir tveimur árum. Færeyska félagið er jafnt og þétt að auka tíðni flugferða eftir því sem ferðatakmörkunum kórónufaraldursins er aflétt. Það flýgur núna eina ferð á dag til Kaupmannahafnar og fjölgar þeim í tvær á dag í þessari viku. Þá er áætlunarflug þess til Billund og Álaborgar að fara af stað á ný. Íslandsflug Atlantic fór á fulla ferð 15. júní og flýgur félagið núna þrjár ferðir í viku til Keflavíkur, á mánudögum, miðvikudögum og föstudögum. Þegar íslensku forsetahjónin héldu í heimsókn til Færeyja fyrir þremur árum flugu þau með Airbus A319 þotu Atlantic, sem sjá má taka á loft og lenda í þessari frétt:
Færeyjar Fréttir af flugi Airbus Keflavíkurflugvöllur Reykjavíkurflugvöllur Mest lesið Átta sagt upp hjá Arion banka Viðskipti innlent „Myndi alveg segja að hjartað í mér hafi verið í buxunum“ Atvinnulíf Icelandair hækkað um ríflega fjórðung Viðskipti innlent Hagnaður félags Björns Braga dróst verulega saman Viðskipti innlent Sátt Eimskipa við Samkeppniseftirlitið kom Samskipum ekki við Viðskipti innlent Óvíða sem flugstarfsemi er jafn stór þáttur í efnahagslífi þjóðar Viðskipti innlent Rúv tapað nærri hálfum milljarði á árinu Viðskipti innlent Spá verðbólgu undir fjórum prósentum á næsta ári Viðskipti innlent Ummæli seðlabankastjóra „skringileg“ Viðskipti innlent Icelandair fyrsta samstarfsflugfélag bandarísks risa Viðskipti innlent Fleiri fréttir Kærasta rafmyntamógúls í fangelsi vegna FTX-svikanna Stýrivextir lækkaðir í Bandaríkjunum í fyrsta sinn í fjögur ár Tupperware lýsir yfir gjaldþroti Snúa við dómnum og dæma Bonnesen í fangelsi Gera Apple að greiða tvær billjónir í skatta Skaut samstundis niður tillögur um efnahagslega björgun Evrópu Bein útsending: Apple kynnir nýjustu græjurnar Hætta steðjar að lífsgæðum Evrópubúa Volvo heykist á algjörri rafvæðingu árið 2030 Þessari rafmagnsflugvél er ætlað að flytja 90 farþega Zuckerberg harmar að hafa látið undan þrýstingi Bidens Breska stjórnin samþykkir að efla London City-flugvöll Sádar sagðir byrjaðir að skrúfa fyrir kranann Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Sjá meira