KR með versta árangurinn í Bestu deildinni frá 16. apríl

KR vann tvo fyrstu leiki sína í sumar, 4-3 á móti Fylki í 1. umferð og 3-1 á móti Stjörnunni í 2. umferð.

Þessi tveir leikir fór fram 7. apríl og 12. apríl og eftir þá var KR í öðru sæti deildarinnar á milli Breiðabliks og Víkings.

KR-ingar hafa aðeins náð í átta stig í viðbót á þeim hundrað dögum sem eru liðnir síðan þá.

Liðið vann FH 20. maí síðastliðinn en það er síðasti sigur liðsins í Bestu deildinni.

Frá þeim leik í Kaplakrika fyrir 63 dögum síðan hefur KR spilað átta leiki í röð án þess að fagna sigri.

Liðið náði jafntefli á móti Vestra, Víkingi, Fylki og Stjörnunni en tapaði á móti Val, ÍA, Fram og Breiðabliki.

Þegar við skoðum árangur allra lið í deildinni frá 16. apríl þá kemur í ljós að ekkert lið hefur fengið færri stig á þessum tíma.

KR er með tveimur stigum færra en Fylkir og fjórum stigum minna en Vestri. Stig allra liðanna frá því um miðjan apríl má sjá hér fyrir neðan.