Viðskipti erlent

Júanið í styrkingarfasa næstu misserin

Kínversk stjórnvöld tilkynntu hinn 19. júní síðastliðinn að þau muni breyta stefnu sinni í gjaldmiðilsmálum. Undanfarin ár hefur gengi kínverska gjaldmiðilsins, júansins, verið fast við bandaríska dollarann en nú er stefnt að styrkingu. Verður gjaldmiðillinn settur á takmarkað flot í kringum körfu gjaldmiðla. Talið er að júanið muni styrkjast töluvert í kjölfarið en þessi stefnubreyting mun sennilega hafa veruleg áhrif á kínverska hagkerfið og raunar víðar.

Viðskipti erlent

Harður niðurskurður boðaður í Bretlandi

Breska fjármálaráðuneytið hefur sagt flestum stofnunum að búa sig undir 40% niðurskurð í mánuðinum. Að ógleymdum 25% niðurskurði sem þegar var búist við, segir í frétt breska ríkisútvarpsins. Minni niðurskurður verður í mennta- og varnarmálum. Þá á einnig að standa vörð um heilbrigðismál og alþjóðlega aðstoð. Samkvæmt BBC er ólíklegt að þessi niðurskurður verði að veruleika. En þessi áform gefa vísbendingu um hvernig niðurskurðahnífurinn verður mundaður í framtíðinni.

Viðskipti erlent

Úkraínumenn fái stórt lán frá AGS

Sendinefnd Alþjóðagjaldeyrissjóðsins hefur mælt með því stjórn sjóðsins að Úkraína fái lán að upphæð 14,9 milljarða Bandaríkjadala, sem jafngildir rúmlega 1.860 milljörðum króna. Lánið verður greitt út á næstu þremur árum. Undanfarin ár hafa Úkraínumenn glímt við hækkandi verðbólgu og minnkandi gjaldeyristekjur sem ógnað hefur stöðugleika í landinu.

Viðskipti erlent

Hu Jintao: Flökt á gjaldmiðlum ógnar stöðugleika

Hu Jintao forseti Kína segir að óstöðugir gjaldmiðlar ógni fjármálastöðugleika heimsins. Jintao lét þessi orð falla í ræðu á G20 fundinum sem nú stendur yfir í Toronto í Kanada. Ummælin eru greinilega ætluð gagnrýnendum Kínverja sem segja að kínverska Yuanið sé of lágt metið gagnvart dollarnum sem gefi kínverskum útflytjendum óverðskuldað forskot.

Viðskipti erlent

Tugþúsundir mótmæltu á Tævan

Tugþúsundir íbúa á Tævan hafa mótmælt fyrirhuguðu samkomulagi stjórnvalda við Kínverja í dag. Samninginn á að undirrita á þriðjudaginn kemur og lækkar hann tollamúra á milli landanna auk þess sem liðkað verður fyrir fjárfestingum Kínverja á Tævan. Talsmenn samkomulagsins segja að það muni gagnast efnahagslífinu á eyjunni en gagnrýnendur óttast að það sé fyrsta skrefið að yfirráðum Kína á eyjunni.

Viðskipti erlent

Sátt á G8 fundinum

Angela Merkel kanslari Þýskalands staðhæfir að leiðtogar Evrópuríkjanna hafi náð góðum árangri í viðræðum við Bandaríkjamenn um hvernig best sé að örva efnahagslíf heimsins. Leiðtogar G8 ríkjanna svokölluðu sitja nú á fundi í Toronto en ágreiningur hefur verið uppi á milli ríkjanna um hvaða leið sé best að fara.

Viðskipti erlent

H&M opnar 240 búðir á þessu ári

Verslanakeðjan H&M ætlar að opna 240 nýjar verslanir yrðu opnaðar á þessu ári. Þegar hafa 86 verslanir verið opnaðar á árinu en 12 verslunum hefur á sama tíma verið lokað. Heildarfjöldi verslana er nú 2.062.

Viðskipti erlent

Sögð hættuleg evrunni

Hagfræðingurinn Paul Krugman og auðkýfingurinn George Soros, sem báðir eru Bandaríkjamenn, eru sammála um að aðhaldsstefna Þjóðverja í efnahagsmálum sé evrunni og Evrópusambandinu hættuleg.

Viðskipti erlent

Kaupþing semur við Tchenguiz

Skilanefnd Kaupþings og Tchenguiz Discretionary Trust, fjárfestingarfélag breska fjárfestisins Robert Tchenguiz, og fleiri aðilar hafa náð samkomulagi vegna tveggja dómsmála.

Viðskipti erlent

Buffett hagnast á niðurlægingu Frakka á HM

Það virðast engin takmörk á því á hverju ofurfjárfestirinn Warren Buffett getur hagnast. Nú er komið í ljós að hann hagnast töluvert á niðurlægingu franska landsliðsins á Heimsmeistaramótinu í fótbolta (HM) í Suður Afríku.

Viðskipti erlent

Styður aðeins ábyrg fyrirtæki

Enska biskupakirkjan ætlar að eiga áfram hlutabréf í olíufyrirtækinu BP þrátt fyrir olíuleka í Mexíkóflóa sem er talinn til mestu umhverfisslysa sögunnar. Breska dagblaðið Daily Mail sagði í gær kirkjuna ætla að selja hlutinn.

Viðskipti erlent

Sló nýtt met

Heimsmarkaðsverð á gulli rauk í hæstu hæðir í gær eftir að kínverski seðlabankinn sleppti höndum af gjaldmiðli landsins um helgina.

Viðskipti erlent

Ólík hegðun banka á Írlandi og Íslandi

Seðlabankastjóri Írlands segir fátt sameiginlegt með orsökum kreppunnar á Íslandi og Írlandi. Í ítarlegri skýrslu um orsakir írsku kreppunnar, sem hann sendi frá sér fyrir fáeinum vikum, segir hann hegðun íslensku bankanna hafa verið afar frábrugðna því sem tíðkaðist á Írlandi.

Viðskipti erlent

Mest lesið