Förðunarmeistari á Ólympíleikum 6. ágúst 2004 00:01 Næsta föstudag hefjast Ólympíuleikarnir í Aþenu í Grikklandi. Ísland á þónokkra fulltrúa á leikunum, bæði í íþróttagreinum og úr fjölmiðlabransanum. Þetta eru þó ekki einu fulltrúarnir því einn förðunarmeistari héðan slæst í hópinn. Margrét Jónasdóttir er 34 ára og hefur unnið við förðun og smink í um tíu ár. Nú vinnur hún bæði hjá snyrtivöruframleiðandanum Mac í versluninni Debenhams sem og í ríkissjónvarpinu. Auk þess tekur Margrét að sér ýmis tilfallandi verkefni í auglýsingagerð, tískusýningum og tónlistarmyndböndum. "Mac var fengið til að sjá um förðun fyrir opnunarhátíðina og völdu þeir mig sem fulltrúa Íslands. Við erum hátt í tuttugu förðunarmeistarar sem förum á leikana en ég er eini Íslendingurinn. Ég er voðalega ánægð með þetta enda verð ég eingöngu að vinna með mjög frægum förðunarmeisturum," segir Margrét. Margt verður um frægt fólk á leikunum en Margrét veit þó ekkert hverja hún kemur til með að farða. "Við förðum hátt í 250 manns, bæði dansara og söngvara, og eflaust eitthvað af þekktu grísku fólki. Síðan hvíslaði einhver að mér að Björk yrði á staðnum." Mac hefur framleitt snyrtivörur í tuttugu ár og hafði að stefnu frá upphafi að skapa snyrtivörur í fleiri litum og í hærri gæðaflokki en aðrir. Snyrtivörur hjá Mac eru geysivinsælar og eru notaðar í mörgum vinsælum sjónvarpsþáttum eins og Sex in the City og Friends. Einnig eru þær notaðar í kvikmyndum og tískusýningum. Mac kom hingað til landsins fyrir um ári. Þetta tækifæri fyrir Margrét hlýtur því að vera mjög stórt og gæti skapað henni glæstan feril fyrir utan landsteinana. "Þjálfarinn minn hefur sagt mér að þetta sé mikil upphefð fyrir mig. Ef ég stend mig vel, eins og ég ætla að gera, þá er aldrei að vita nema þeir hjá Mac noti mig aftur. Ég vona að ég geri þá ánægða. Vinnan hjá Mac býður upp á mörg tækifæri. Ég gæti til dæmis unnið mig upp eða orðið þjálfari fyrir aðra förðunarfræðinga." "Ég hlakka mest til að hitta fólkið í förðunarbransanum. Þá sé ég hvað aðrir eru að gera og læri rosalega mikið af því. Ég mun örugglega læra fullt af aðferðum og fá margar ábendingar og kem heim reynslunni ríkari. Síðan ætla ég að taka með mér dagbók og skrifa allt sem ég geri og skrá niður alla sem ég hitti. Ég tek líka myndavél með og ætla að taka fullt af myndum. Síðan mun ég setja þetta allt inn á vefsíðuna mína, margret.is, sem opnar þegar ég kem heim," segir Margrét að lokum. lilja@frettabladid.is Atvinna Mest lesið Dró Antonio grunlausan með sér í Gamla bíó Lífið Sjáðu myndirnar frá Ungfrú Ísland Lífið Svanhildur selur 500 fermetra höll í Akrahverfinu Lífið Forsetagæinn hyggst hlaupa sitt lengsta hlaup til þessa Lífið Fundu ástina á ný eftir skilnað Lífið Syntu í hverri einustu laug landsins Lífið Margverðlaunaður garður með sólskini allan daginn Lífið Sunneva og Tanja ræða lýtaaðgerðirnar sínar Lífið Fimm ákærðir í tengslum við andlát Perry Lífið Hjólakeppnin Grefillinn nýtur sífellt meiri vinsælda Lífið samstarf Fleiri fréttir Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Allt á fullri ferð á Húsavík um helgina Guðrún Jóhanna nýr skólastjóri Söngskólans Umræða um feðraveldi og karlrembu skekur djassbransann Útlit fyrir bíólausa Akureyri Komið að endalokum eftir 25 ár Kanónur með listræna þrennu á Flateyri „Leiðin verður að vera óviss svo vel sé“ „Ég lofa miklu blóði“ Gera grín að bransanum með „virtustu verðlaunum heims“ Fjöldamet á stærstu listasýningu í sögu Hornafjarðar Sjá meira
Næsta föstudag hefjast Ólympíuleikarnir í Aþenu í Grikklandi. Ísland á þónokkra fulltrúa á leikunum, bæði í íþróttagreinum og úr fjölmiðlabransanum. Þetta eru þó ekki einu fulltrúarnir því einn förðunarmeistari héðan slæst í hópinn. Margrét Jónasdóttir er 34 ára og hefur unnið við förðun og smink í um tíu ár. Nú vinnur hún bæði hjá snyrtivöruframleiðandanum Mac í versluninni Debenhams sem og í ríkissjónvarpinu. Auk þess tekur Margrét að sér ýmis tilfallandi verkefni í auglýsingagerð, tískusýningum og tónlistarmyndböndum. "Mac var fengið til að sjá um förðun fyrir opnunarhátíðina og völdu þeir mig sem fulltrúa Íslands. Við erum hátt í tuttugu förðunarmeistarar sem förum á leikana en ég er eini Íslendingurinn. Ég er voðalega ánægð með þetta enda verð ég eingöngu að vinna með mjög frægum förðunarmeisturum," segir Margrét. Margt verður um frægt fólk á leikunum en Margrét veit þó ekkert hverja hún kemur til með að farða. "Við förðum hátt í 250 manns, bæði dansara og söngvara, og eflaust eitthvað af þekktu grísku fólki. Síðan hvíslaði einhver að mér að Björk yrði á staðnum." Mac hefur framleitt snyrtivörur í tuttugu ár og hafði að stefnu frá upphafi að skapa snyrtivörur í fleiri litum og í hærri gæðaflokki en aðrir. Snyrtivörur hjá Mac eru geysivinsælar og eru notaðar í mörgum vinsælum sjónvarpsþáttum eins og Sex in the City og Friends. Einnig eru þær notaðar í kvikmyndum og tískusýningum. Mac kom hingað til landsins fyrir um ári. Þetta tækifæri fyrir Margrét hlýtur því að vera mjög stórt og gæti skapað henni glæstan feril fyrir utan landsteinana. "Þjálfarinn minn hefur sagt mér að þetta sé mikil upphefð fyrir mig. Ef ég stend mig vel, eins og ég ætla að gera, þá er aldrei að vita nema þeir hjá Mac noti mig aftur. Ég vona að ég geri þá ánægða. Vinnan hjá Mac býður upp á mörg tækifæri. Ég gæti til dæmis unnið mig upp eða orðið þjálfari fyrir aðra förðunarfræðinga." "Ég hlakka mest til að hitta fólkið í förðunarbransanum. Þá sé ég hvað aðrir eru að gera og læri rosalega mikið af því. Ég mun örugglega læra fullt af aðferðum og fá margar ábendingar og kem heim reynslunni ríkari. Síðan ætla ég að taka með mér dagbók og skrifa allt sem ég geri og skrá niður alla sem ég hitti. Ég tek líka myndavél með og ætla að taka fullt af myndum. Síðan mun ég setja þetta allt inn á vefsíðuna mína, margret.is, sem opnar þegar ég kem heim," segir Margrét að lokum. lilja@frettabladid.is
Atvinna Mest lesið Dró Antonio grunlausan með sér í Gamla bíó Lífið Sjáðu myndirnar frá Ungfrú Ísland Lífið Svanhildur selur 500 fermetra höll í Akrahverfinu Lífið Forsetagæinn hyggst hlaupa sitt lengsta hlaup til þessa Lífið Fundu ástina á ný eftir skilnað Lífið Syntu í hverri einustu laug landsins Lífið Margverðlaunaður garður með sólskini allan daginn Lífið Sunneva og Tanja ræða lýtaaðgerðirnar sínar Lífið Fimm ákærðir í tengslum við andlát Perry Lífið Hjólakeppnin Grefillinn nýtur sífellt meiri vinsælda Lífið samstarf Fleiri fréttir Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Allt á fullri ferð á Húsavík um helgina Guðrún Jóhanna nýr skólastjóri Söngskólans Umræða um feðraveldi og karlrembu skekur djassbransann Útlit fyrir bíólausa Akureyri Komið að endalokum eftir 25 ár Kanónur með listræna þrennu á Flateyri „Leiðin verður að vera óviss svo vel sé“ „Ég lofa miklu blóði“ Gera grín að bransanum með „virtustu verðlaunum heims“ Fjöldamet á stærstu listasýningu í sögu Hornafjarðar Sjá meira