Fólk mun flýja 4. nóvember 2004 00:01 Fékk svohljóðandi sms eftir smá krókaleiðum frá Ameríku í gær, eftir að ljóst var að Bush hafði verið endurkjörinn: "Fólk mun flýja NY, LA ofl borgir, til Europe og Kanada." Merkilegt er að sjá hvernig íbúar Bandaríkjanna skiptast í tvær fylkingar, annars vegar fólkið við strendurnar, austanmegin og vestan, og hins vegar fólkið inni í landi. Það er talað um að siðferðisspurningar hafi ráðið úrslitum í kosningunum. Ég sé sjónvarpsstöðina Omega í móðu, en gat ekki greint betur en að þar væri rekin grimm kosningabarátta fyrir Bush. Á Omega ríkir menning Mið-Vesturríkjanna. Kannski skipti Íraksstríðið ekki svo miklu máli í kosningunum. Það er líka allt gert til að fela óskapnaðinn, mannfallið og glundroðann á svæðinu. Könnun sem var gerð af virtri stofnun, Programme on International Policy Attitudes, sýnir að mikill meirihluti stuðningsmanna Bush trúir því enn að Írak hafi haft tengsl við Al Queida, að Saddam Hussein hafi verið viðriðinn árásina 11. september og að hann hafi átt gereyðingarvopn. Að sama skapi kemur fram að stuðningsmenn demókrata eru betur upplýstir um heimsmálin. Náttúrlega vekur þetta skuggalegar spurningar um ástand fjölmiðlanna í guðseiginlandi. Hvers konar heilaþvottur er þar í gangi? Nú hef ég loks aðgang að Fox News - reyni kannski að kynna mér fréttaflutninginn þar þegar ég er í góðu formi. Fréttamenn sem veifa fánum eru tortryggilegir. "Patriotism is the last refuge of a scoundrel," eru fræg orð enska snillingsins Samuels Johnson. --- --- --- Ég tel mig ekki vera spámannlega vaxinn, þótt einu sinni hafi ég reyndar klætt mig upp sem Móses. Því hafði ég vaðið fyrir neðan mig og spáði báðum frambjóðendunum sigri. Í grein sem ég skrifaði í DV á laugardaginn sagði ég að Kerry myndi vinna. Á þriðjudagskvöldið var ég svo kominn í kosningaþátt á Stöð 2 og lýsti því yfir að ég teldi að Bush myndi hafa sigur. Þetta eru stjórnmálaskýringar sem gagn er að. --- --- --- Hinir miklu stuðningsmenn Íraksstríðsins, Davíð Oddsson og Halldór Ásgrímsson, fagna sigri Bush. Davíð er sagður hafa sent Bush heillaóskaskeyti áður en úrslitin í kosningunum lágu ljóst fyrir - gat hreinlega ekki beðið. Það skiptir kannski máli hver er fyrstur með skeytið. Halldór er eðli sínu samkvæmt á aðeins lágstemmdari nótum en Davíð - segir í viðtali að Bush sé meiri foringi en margur hyggur. Það þarf auðvitað ákveðna forystuhæfileika til að leiða heiminn ofan í kviksyndi. --- --- ---- Nú stendur baráttan um að koma í veg fyrir að þriðji Bush-inn, Jeb, ríkisstjóri í Flórida, verði kosinn forseti næst. Hann er sagður ennþá vitlausari en bróðirinn. Arnold Schwarzenegger er líka nefndur. En hann er fæddur í útlöndum og er víst talinn of frjálslyndur fyrir repúblikanana í biblíubeltinu! Viltu birta grein á Vísi? Sendu okkur póst. Senda grein Pistlar Silfur Egils Mest lesið „Naktir elskendur, Helga og Bjarni, liggja í faðmlögum, handleggjabenda á rauðum rúmfötum, umvafin mildri birtu“ Sigþór U. Hallfreðsson Skoðun 10 staðreyndir um verðbólgu og ríkisfjármál Konráð S. Guðjónsson Skoðun Er eitt næturgaman þess virði? Reynir Böðvarsson Skoðun Læknar, heilbrigðisstarfsfólk og lykill að lausninni Áslaug Arna Sigurbjörnsdóttir Skoðun Vaxtalækkun eða neyðarlög Ragnar Þór Ingólfsson,Ásthildur Lóa Þórsdóttir Skoðun Krossinn er fallegur Skoðun Veðjað á rétta skólann Pawel Bartoszek Skoðun Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun Nei þetta getur aldrei gerst á okkar litla Íslandi! Davíð Bergmann Skoðun Þjóðarmorð með vestrænum vopnum Ingólfur Steinsson Skoðun
Fékk svohljóðandi sms eftir smá krókaleiðum frá Ameríku í gær, eftir að ljóst var að Bush hafði verið endurkjörinn: "Fólk mun flýja NY, LA ofl borgir, til Europe og Kanada." Merkilegt er að sjá hvernig íbúar Bandaríkjanna skiptast í tvær fylkingar, annars vegar fólkið við strendurnar, austanmegin og vestan, og hins vegar fólkið inni í landi. Það er talað um að siðferðisspurningar hafi ráðið úrslitum í kosningunum. Ég sé sjónvarpsstöðina Omega í móðu, en gat ekki greint betur en að þar væri rekin grimm kosningabarátta fyrir Bush. Á Omega ríkir menning Mið-Vesturríkjanna. Kannski skipti Íraksstríðið ekki svo miklu máli í kosningunum. Það er líka allt gert til að fela óskapnaðinn, mannfallið og glundroðann á svæðinu. Könnun sem var gerð af virtri stofnun, Programme on International Policy Attitudes, sýnir að mikill meirihluti stuðningsmanna Bush trúir því enn að Írak hafi haft tengsl við Al Queida, að Saddam Hussein hafi verið viðriðinn árásina 11. september og að hann hafi átt gereyðingarvopn. Að sama skapi kemur fram að stuðningsmenn demókrata eru betur upplýstir um heimsmálin. Náttúrlega vekur þetta skuggalegar spurningar um ástand fjölmiðlanna í guðseiginlandi. Hvers konar heilaþvottur er þar í gangi? Nú hef ég loks aðgang að Fox News - reyni kannski að kynna mér fréttaflutninginn þar þegar ég er í góðu formi. Fréttamenn sem veifa fánum eru tortryggilegir. "Patriotism is the last refuge of a scoundrel," eru fræg orð enska snillingsins Samuels Johnson. --- --- --- Ég tel mig ekki vera spámannlega vaxinn, þótt einu sinni hafi ég reyndar klætt mig upp sem Móses. Því hafði ég vaðið fyrir neðan mig og spáði báðum frambjóðendunum sigri. Í grein sem ég skrifaði í DV á laugardaginn sagði ég að Kerry myndi vinna. Á þriðjudagskvöldið var ég svo kominn í kosningaþátt á Stöð 2 og lýsti því yfir að ég teldi að Bush myndi hafa sigur. Þetta eru stjórnmálaskýringar sem gagn er að. --- --- --- Hinir miklu stuðningsmenn Íraksstríðsins, Davíð Oddsson og Halldór Ásgrímsson, fagna sigri Bush. Davíð er sagður hafa sent Bush heillaóskaskeyti áður en úrslitin í kosningunum lágu ljóst fyrir - gat hreinlega ekki beðið. Það skiptir kannski máli hver er fyrstur með skeytið. Halldór er eðli sínu samkvæmt á aðeins lágstemmdari nótum en Davíð - segir í viðtali að Bush sé meiri foringi en margur hyggur. Það þarf auðvitað ákveðna forystuhæfileika til að leiða heiminn ofan í kviksyndi. --- --- ---- Nú stendur baráttan um að koma í veg fyrir að þriðji Bush-inn, Jeb, ríkisstjóri í Flórida, verði kosinn forseti næst. Hann er sagður ennþá vitlausari en bróðirinn. Arnold Schwarzenegger er líka nefndur. En hann er fæddur í útlöndum og er víst talinn of frjálslyndur fyrir repúblikanana í biblíubeltinu!
„Naktir elskendur, Helga og Bjarni, liggja í faðmlögum, handleggjabenda á rauðum rúmfötum, umvafin mildri birtu“ Sigþór U. Hallfreðsson Skoðun
Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun
„Naktir elskendur, Helga og Bjarni, liggja í faðmlögum, handleggjabenda á rauðum rúmfötum, umvafin mildri birtu“ Sigþór U. Hallfreðsson Skoðun
Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun