Almenningur fái að kaupa í Símanum 17. apríl 2005 00:01 Það eru aðeins tæpar þrjár vikur þar til skila á inn tilboðum í Símann, og því ljóst að hin nýja hreyfing um kaup á Símanum sem fæddist í síðustu viku er í miklu kapphlauppi við tímann. Grein Agnesar Bragadóttur fréttastjóra á Morgunblaðinu um söluna á Símanum birtist fyrir réttri viku og gífurleg viðbrögð hafa orðið við henni í þjóðfélaginu. Almenningur í landinu virðist vera að taka við sér á ýmsan hátt og það er einkum tvennt sem einkennir viðbrögð hans. Annarsvegar er almenningur á móti því að stjórnmálamenn fari með eins mikil völd og áður og að þeir fái að ráðskast með hlutina að vild milli kosninga. Fólkið vill eiga þess kost að fá að segja sitt á ýmsum málum sem koma upp á milli þess að það gengur að kjörborðinu á fjögurra ára fresti. Hitt atriðið er að margir hafa látið í ljós þá skoðun að nú séu hinir stóru í þjóðfélaginu búnir að fá nóg í sinn hlut,- þeir eigi ekki og megi ekki gleypa allt sem er til sölu hér á landi, þannig að auður og völd safnist á fárra hendur. Minni áhugi ungs fólks á stjórnmálaflokkunum speglar viðhorfið til stjórnmálamannanna, og kannanir hafa sýnt að núorðið er fólk ekki bundið við einn stjórnmálaflokk kosningar eftir kosningar. Í Fréttablaðinu í gær var viðtal við Agnesi Bragadóttur sem ýtti eftirminilega við fólki með grein sinni. Í viðtalinu sagði Agnes: "Stjórnvöld hafa auðvitað enn þann kost, ef þau kæra sig um, að breyta ferlinu." Hún kemur með tillögu að lausn. "Stjórnvöld gætu sagt að þar sem við værum komin með fjárhagslega burði til að kaupa 30 prósent yrðu einungis 70 prósent seld hæstbjóðenda. Þannig kæmi verð á Símann og 30 prósent færu svo á markað á sama verði" Það ákvæði varðandi sölu á símanum að væntanlegir litlir hluthafar geti ekki keypt hlut í fyrirtækinu strax hefur verið gagnrýnt, og um það sagði Agnes:."Mér finnst frumskilyrði að það sé ekki beðið í tvö og hálft ár með að 30 prósent af honum fari til almennings. Það átti að gera strax." Forystumenn hins nýja félags, sem á að heita Almenningur, hafa rætt við Halldór Ásgrímsson forsætisráðherra um áform sín og það er ekki annað á honum að heyra en að honum lítist vel á að stofnað verði félag almennings til að kaupa verulegan hlut í Símanum. Þessi viðbrögð forsætisráðherra vekja vonir um að greitt verði fyrir því, innan þeirra reglna sem settar hafa verið um söluna, að almenningi gefist kostur á að kaupa marga litla hluti í Símanum og að hann verði ekki hrifsaður úr eigu þjóðarinnar af stóreignamönnum sem eiga nóg fyrir. Það ræðst væntanlega í vikunni hvort hugmyndir Almennings ná fram að ganga, en til þess að svo megi verða þurfa aðstandendur símahreyfingarinnar að hafa snör handtök og njóta velvildar marga við undirbúning málsins sem hlýtur að vera bæði flókinn og vandasamur. Viltu birta grein á Vísi? Sendu okkur póst. Senda grein Fastir pennar Kári Jónasson Mest lesið „Naktir elskendur, Helga og Bjarni, liggja í faðmlögum, handleggjabenda á rauðum rúmfötum, umvafin mildri birtu“ Sigþór U. Hallfreðsson Skoðun 10 staðreyndir um verðbólgu og ríkisfjármál Konráð S. Guðjónsson Skoðun Er eitt næturgaman þess virði? Reynir Böðvarsson Skoðun Læknar, heilbrigðisstarfsfólk og lykill að lausninni Áslaug Arna Sigurbjörnsdóttir Skoðun Vaxtalækkun eða neyðarlög Ragnar Þór Ingólfsson,Ásthildur Lóa Þórsdóttir Skoðun Krossinn er fallegur Skoðun Veðjað á rétta skólann Pawel Bartoszek Skoðun Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun Nei þetta getur aldrei gerst á okkar litla Íslandi! Davíð Bergmann Skoðun Þjóðarmorð með vestrænum vopnum Ingólfur Steinsson Skoðun
Það eru aðeins tæpar þrjár vikur þar til skila á inn tilboðum í Símann, og því ljóst að hin nýja hreyfing um kaup á Símanum sem fæddist í síðustu viku er í miklu kapphlauppi við tímann. Grein Agnesar Bragadóttur fréttastjóra á Morgunblaðinu um söluna á Símanum birtist fyrir réttri viku og gífurleg viðbrögð hafa orðið við henni í þjóðfélaginu. Almenningur í landinu virðist vera að taka við sér á ýmsan hátt og það er einkum tvennt sem einkennir viðbrögð hans. Annarsvegar er almenningur á móti því að stjórnmálamenn fari með eins mikil völd og áður og að þeir fái að ráðskast með hlutina að vild milli kosninga. Fólkið vill eiga þess kost að fá að segja sitt á ýmsum málum sem koma upp á milli þess að það gengur að kjörborðinu á fjögurra ára fresti. Hitt atriðið er að margir hafa látið í ljós þá skoðun að nú séu hinir stóru í þjóðfélaginu búnir að fá nóg í sinn hlut,- þeir eigi ekki og megi ekki gleypa allt sem er til sölu hér á landi, þannig að auður og völd safnist á fárra hendur. Minni áhugi ungs fólks á stjórnmálaflokkunum speglar viðhorfið til stjórnmálamannanna, og kannanir hafa sýnt að núorðið er fólk ekki bundið við einn stjórnmálaflokk kosningar eftir kosningar. Í Fréttablaðinu í gær var viðtal við Agnesi Bragadóttur sem ýtti eftirminilega við fólki með grein sinni. Í viðtalinu sagði Agnes: "Stjórnvöld hafa auðvitað enn þann kost, ef þau kæra sig um, að breyta ferlinu." Hún kemur með tillögu að lausn. "Stjórnvöld gætu sagt að þar sem við værum komin með fjárhagslega burði til að kaupa 30 prósent yrðu einungis 70 prósent seld hæstbjóðenda. Þannig kæmi verð á Símann og 30 prósent færu svo á markað á sama verði" Það ákvæði varðandi sölu á símanum að væntanlegir litlir hluthafar geti ekki keypt hlut í fyrirtækinu strax hefur verið gagnrýnt, og um það sagði Agnes:."Mér finnst frumskilyrði að það sé ekki beðið í tvö og hálft ár með að 30 prósent af honum fari til almennings. Það átti að gera strax." Forystumenn hins nýja félags, sem á að heita Almenningur, hafa rætt við Halldór Ásgrímsson forsætisráðherra um áform sín og það er ekki annað á honum að heyra en að honum lítist vel á að stofnað verði félag almennings til að kaupa verulegan hlut í Símanum. Þessi viðbrögð forsætisráðherra vekja vonir um að greitt verði fyrir því, innan þeirra reglna sem settar hafa verið um söluna, að almenningi gefist kostur á að kaupa marga litla hluti í Símanum og að hann verði ekki hrifsaður úr eigu þjóðarinnar af stóreignamönnum sem eiga nóg fyrir. Það ræðst væntanlega í vikunni hvort hugmyndir Almennings ná fram að ganga, en til þess að svo megi verða þurfa aðstandendur símahreyfingarinnar að hafa snör handtök og njóta velvildar marga við undirbúning málsins sem hlýtur að vera bæði flókinn og vandasamur.
„Naktir elskendur, Helga og Bjarni, liggja í faðmlögum, handleggjabenda á rauðum rúmfötum, umvafin mildri birtu“ Sigþór U. Hallfreðsson Skoðun
Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun
„Naktir elskendur, Helga og Bjarni, liggja í faðmlögum, handleggjabenda á rauðum rúmfötum, umvafin mildri birtu“ Sigþór U. Hallfreðsson Skoðun
Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun