Nornaveiðarar á hælum Laxness? 26. maí 2005 00:01 Eru nornaveiðarar á hælum Halldórs Laxness, sjö árum eftir andlát hans? er spurt í Berlingske Tidende í dag, eða er réttara að segja að nornaveiðarar séu á hælum ævisöguritara hans, Hannesar Hólmsteins Gissurarsonar? Deilurnar um ævisögur Halldórs Laxness, einkum fyrsta bindið í röð Hannesar Hólmsteins, eru á leið fyrir dómstóla hér á landi og í dag fer danska blaðið Berlingske Tidende í langri grein yfir málið. Greinarhöfundur blaðsins kemst að þeirri niðurstöðu að þó að Hannes sé sakaður um ritstuld snúist málið í raun um pólitík og jafnvel pólitíska rétthugsun. Var sósíalistinn og kommúnistinn Laxness ekki merkileg persóna, eins og Hannes heldur að mati greinarhöfundar fram, eða hefur Hannes einungis fest allar ljótar sögur um Nóbelsskáldið á blað og þar með haldið áfram herferð hægrimanna gegn skáldinu? Farið er yfir deilur fjölskyldu Laxness og Hannesar og sagt að þar takist á vinstrisinnuð menningarelíta og hægrimenn, ekki síst sjálfstæðismenn. Vinstrielítan vilji krossfesta Hannes en hægrimenn beri af honum blak. Haft er eftir Hannesi að herferðin á hendur honum sé ekki sérlega frumleg og ber hana saman við gagnrýnina sem danski umhverfisverndargagnýnandinn Björn Lomborg hefur sætt. Báðir fá að mati Hannesar bágt fyrir að sniðganga pólitíska rétthugsun um tiltekin málefni. Hann segir róttæka vinstrimenn saka þá sem eru á annarri skoðun um hreina glæpi og að þeir reyni að hrekja slíkt fólk út úr háskólanum. Og hann segir það með öllu óásættanlegt að vinstrisinnaður harðlínuhópur, sem fjölskylda Laxness tilheyri, reyni að banna öðrum að skrifa um skáldið. Bókmenntir Mest lesið Dró Antonio grunlausan með sér í Gamla bíó Lífið Sjáðu myndirnar frá Ungfrú Ísland Lífið Búið spil Lífið Svanhildur selur 500 fermetra höll í Akrahverfinu Lífið Dóttir Snæfríðar og Högna komin með nafn Lífið Margverðlaunaður garður með sólskini allan daginn Lífið Forsetagæinn hyggst hlaupa sitt lengsta hlaup til þessa Lífið Syntu í hverri einustu laug landsins Lífið Fundu ástina á ný eftir skilnað Lífið Sunneva og Tanja ræða lýtaaðgerðirnar sínar Lífið Fleiri fréttir Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Allt á fullri ferð á Húsavík um helgina Guðrún Jóhanna nýr skólastjóri Söngskólans Umræða um feðraveldi og karlrembu skekur djassbransann Útlit fyrir bíólausa Akureyri Komið að endalokum eftir 25 ár Kanónur með listræna þrennu á Flateyri „Leiðin verður að vera óviss svo vel sé“ „Ég lofa miklu blóði“ Gera grín að bransanum með „virtustu verðlaunum heims“ Fjöldamet á stærstu listasýningu í sögu Hornafjarðar Sjá meira
Eru nornaveiðarar á hælum Halldórs Laxness, sjö árum eftir andlát hans? er spurt í Berlingske Tidende í dag, eða er réttara að segja að nornaveiðarar séu á hælum ævisöguritara hans, Hannesar Hólmsteins Gissurarsonar? Deilurnar um ævisögur Halldórs Laxness, einkum fyrsta bindið í röð Hannesar Hólmsteins, eru á leið fyrir dómstóla hér á landi og í dag fer danska blaðið Berlingske Tidende í langri grein yfir málið. Greinarhöfundur blaðsins kemst að þeirri niðurstöðu að þó að Hannes sé sakaður um ritstuld snúist málið í raun um pólitík og jafnvel pólitíska rétthugsun. Var sósíalistinn og kommúnistinn Laxness ekki merkileg persóna, eins og Hannes heldur að mati greinarhöfundar fram, eða hefur Hannes einungis fest allar ljótar sögur um Nóbelsskáldið á blað og þar með haldið áfram herferð hægrimanna gegn skáldinu? Farið er yfir deilur fjölskyldu Laxness og Hannesar og sagt að þar takist á vinstrisinnuð menningarelíta og hægrimenn, ekki síst sjálfstæðismenn. Vinstrielítan vilji krossfesta Hannes en hægrimenn beri af honum blak. Haft er eftir Hannesi að herferðin á hendur honum sé ekki sérlega frumleg og ber hana saman við gagnrýnina sem danski umhverfisverndargagnýnandinn Björn Lomborg hefur sætt. Báðir fá að mati Hannesar bágt fyrir að sniðganga pólitíska rétthugsun um tiltekin málefni. Hann segir róttæka vinstrimenn saka þá sem eru á annarri skoðun um hreina glæpi og að þeir reyni að hrekja slíkt fólk út úr háskólanum. Og hann segir það með öllu óásættanlegt að vinstrisinnaður harðlínuhópur, sem fjölskylda Laxness tilheyri, reyni að banna öðrum að skrifa um skáldið.
Bókmenntir Mest lesið Dró Antonio grunlausan með sér í Gamla bíó Lífið Sjáðu myndirnar frá Ungfrú Ísland Lífið Búið spil Lífið Svanhildur selur 500 fermetra höll í Akrahverfinu Lífið Dóttir Snæfríðar og Högna komin með nafn Lífið Margverðlaunaður garður með sólskini allan daginn Lífið Forsetagæinn hyggst hlaupa sitt lengsta hlaup til þessa Lífið Syntu í hverri einustu laug landsins Lífið Fundu ástina á ný eftir skilnað Lífið Sunneva og Tanja ræða lýtaaðgerðirnar sínar Lífið Fleiri fréttir Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Allt á fullri ferð á Húsavík um helgina Guðrún Jóhanna nýr skólastjóri Söngskólans Umræða um feðraveldi og karlrembu skekur djassbransann Útlit fyrir bíólausa Akureyri Komið að endalokum eftir 25 ár Kanónur með listræna þrennu á Flateyri „Leiðin verður að vera óviss svo vel sé“ „Ég lofa miklu blóði“ Gera grín að bransanum með „virtustu verðlaunum heims“ Fjöldamet á stærstu listasýningu í sögu Hornafjarðar Sjá meira