Heimkoma – Ísland í dag 14. júlí 2005 00:01 Ég bið forláts á því hvað ég hef verið lélegur að skrifa hérna undanfarna viku. Heimferð frá Grikklandi tók sinn tíma, svo er ég farinn að leysa af í Íslandi í dag á Stöð 2 eins og kannski einhver hefur tekið eftir. Verð þar fram í ágústbyrjun ásamt Brynhildi Ólafsdóttir. --- --- --- Eitt af því sem maður tekur eftir við heimkomuna er hvað umferðin er öðruvísi hér en úti. Hérna finnst manni hún líða hægt áfram, eins og í kvikmynd sem er sýnd hægt, úti gengur hún hratt, með rykkjum og skrykkjum, bílar taka örsnöggt framúr, maður þarf alltaf að vera á verði. Telst varla til fyrirmyndar. Grikkir keyra á litlum bílum, margir hverjir eru gamlir og illa farnir, aðalatriðið er að komast á milli staða. Bílar eru ekki stöðutákn. Á sjö vikum í Grikklandi sá ég varla meira en fimm stóra jeppa. Hér er nýjasta dellan risastórir amerískir pikkuppjeppar – mér skilst að maður þurfi meirapróf til að keyra þessi tæki sem eru framlenging á – já, hverju? --- --- --- Auðvitað skiptir eignarhald á fjölmiðlum máli. Það er ekki þar með sagt að fjölmiðlamennirnir séu óheiðarlegir, en eigendavaldið stjórnar auðvitað fréttamatinu – stundum nánast ómeðvitað. Blaðið hefur verið að birta efni upp úr yfirheyrsluskýrslum yfir Jóni Gerald Schullenberger þar sem segir að Baugsmenn hafi lagt á ráðin um að leggja fimm krónur ofan á hvert Bónusbrauð til að fjármaga snekkjukaup. Ekki er maður beinlínis að lesa um þetta í Fréttablaðinu. --- --- --- Hjarðeðlið í fjölmiðlunum er með eindæmum. Maður er hvumsa vegna hins ofboðslega magns af leikaraslúðri sem nú dynur yfir Íslendinga. Allt í einu kemur hér út ótrúlegur fjöldi rita sem gera aðallega út á frásagnir af fræga fólkinu. Dagblöðin, Moggi, Fréttablað og DV, eru líka undirlögð af þessu. Fer þetta ekki brátt að ná einhverju mettunarstigi? Magnið er óskaplegt, en fer ekki líka að verða eftirspurn eftir gæðum? --- --- --- Við komum heim með fullar töskur af ólívuolíu, fetaosti, hunangi og kryddjurtum. Gríska ólívuolían er sú besta í heimi. Sumt af þessu keyptum við hjá bændum úti í sveit. Heimkominn saknar maður grænmetisins og ferskra ávaxta. Hefur varla lyst á að snerta þessa skorpnu og litlausu ávexti í búðunum hér. Viltu birta grein á Vísi? Sendu okkur póst. Senda grein Pistlar Silfur Egils Mest lesið Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun Vaxtalækkun eða neyðarlög Ragnar Þór Ingólfsson,Ásthildur Lóa Þórsdóttir Skoðun Nei þetta getur aldrei gerst á okkar litla Íslandi! Davíð Bergmann Skoðun 10 staðreyndir um verðbólgu og ríkisfjármál Konráð S. Guðjónsson Skoðun Þjóðarmorð með vestrænum vopnum Ingólfur Steinsson Skoðun Er eitt næturgaman þess virði? Reynir Böðvarsson Skoðun Skerðingar eru eðlilegur hluti af rekstri raforkukerfisins Magnús Sigurðsson Skoðun „Naktir elskendur, Helga og Bjarni, liggja í faðmlögum, handleggjabenda á rauðum rúmfötum, umvafin mildri birtu“ Sigþór U. Hallfreðsson Skoðun Læknar, heilbrigðisstarfsfólk og lykill að lausninni Áslaug Arna Sigurbjörnsdóttir Skoðun Viltu vinna of mikið í ár og ennþá meira á næsta ári? Steinunn Þórðardóttir Skoðun
Ég bið forláts á því hvað ég hef verið lélegur að skrifa hérna undanfarna viku. Heimferð frá Grikklandi tók sinn tíma, svo er ég farinn að leysa af í Íslandi í dag á Stöð 2 eins og kannski einhver hefur tekið eftir. Verð þar fram í ágústbyrjun ásamt Brynhildi Ólafsdóttir. --- --- --- Eitt af því sem maður tekur eftir við heimkomuna er hvað umferðin er öðruvísi hér en úti. Hérna finnst manni hún líða hægt áfram, eins og í kvikmynd sem er sýnd hægt, úti gengur hún hratt, með rykkjum og skrykkjum, bílar taka örsnöggt framúr, maður þarf alltaf að vera á verði. Telst varla til fyrirmyndar. Grikkir keyra á litlum bílum, margir hverjir eru gamlir og illa farnir, aðalatriðið er að komast á milli staða. Bílar eru ekki stöðutákn. Á sjö vikum í Grikklandi sá ég varla meira en fimm stóra jeppa. Hér er nýjasta dellan risastórir amerískir pikkuppjeppar – mér skilst að maður þurfi meirapróf til að keyra þessi tæki sem eru framlenging á – já, hverju? --- --- --- Auðvitað skiptir eignarhald á fjölmiðlum máli. Það er ekki þar með sagt að fjölmiðlamennirnir séu óheiðarlegir, en eigendavaldið stjórnar auðvitað fréttamatinu – stundum nánast ómeðvitað. Blaðið hefur verið að birta efni upp úr yfirheyrsluskýrslum yfir Jóni Gerald Schullenberger þar sem segir að Baugsmenn hafi lagt á ráðin um að leggja fimm krónur ofan á hvert Bónusbrauð til að fjármaga snekkjukaup. Ekki er maður beinlínis að lesa um þetta í Fréttablaðinu. --- --- --- Hjarðeðlið í fjölmiðlunum er með eindæmum. Maður er hvumsa vegna hins ofboðslega magns af leikaraslúðri sem nú dynur yfir Íslendinga. Allt í einu kemur hér út ótrúlegur fjöldi rita sem gera aðallega út á frásagnir af fræga fólkinu. Dagblöðin, Moggi, Fréttablað og DV, eru líka undirlögð af þessu. Fer þetta ekki brátt að ná einhverju mettunarstigi? Magnið er óskaplegt, en fer ekki líka að verða eftirspurn eftir gæðum? --- --- --- Við komum heim með fullar töskur af ólívuolíu, fetaosti, hunangi og kryddjurtum. Gríska ólívuolían er sú besta í heimi. Sumt af þessu keyptum við hjá bændum úti í sveit. Heimkominn saknar maður grænmetisins og ferskra ávaxta. Hefur varla lyst á að snerta þessa skorpnu og litlausu ávexti í búðunum hér.
Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun
„Naktir elskendur, Helga og Bjarni, liggja í faðmlögum, handleggjabenda á rauðum rúmfötum, umvafin mildri birtu“ Sigþór U. Hallfreðsson Skoðun
Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun
„Naktir elskendur, Helga og Bjarni, liggja í faðmlögum, handleggjabenda á rauðum rúmfötum, umvafin mildri birtu“ Sigþór U. Hallfreðsson Skoðun