Haukasigur með minnsta mun 30. apríl 2005 00:01 Haukar unnu fyrsta úrslitaleikinn gegn ÍBV í handbolta karla með minnsta mögulega mun, 31-30, og það stefnir í jafnt og spennandi úrslitaeinvígi sem fer næst til Eyja á þriðjudaginn. Haukar unnu fyrsta úrslitaleikinn gegn ÍBV með minnsta mun, 31-30, í DHL-deild karla í handbolta en hann fór fram á Ásvöllum í gær. Haukar eru því enn taplausir í úrslitakeppninni í ár en fara næst til Eyja þar sem heimamenn hafa unnið alla fjóra leiki sína í úrslitakepppninni í ár. ÍBV byrjaði betur og náði mest þriggja marka forskoti, 7-10, í fyrri hálfleik en Haukar komust yfir fyrir hlé, ekki síst þökk sé góðri markvörslu Birkis Ívars Guðmundssonar á lokamínútum hálfleiksins en hann varði þá úr þremur dauðafærum og einu víti. Haukar héldu frumkvæðinu síðan út leikinn en það var Jónas Stefánsson varamarkvörður sem gulltryggði sigurinn með því að verja þrumuskot Tite Kalandaze sjö sekúndum fyrir leikslok. Tite var annars nánast óstöðvandi með tíu glæsileg mörk úr langskotum en Eyjaliðið sárvantaði framlag frá fleirum og Roland varði aðeins 1 af 10 skotum í seinni hálfleik áður en honum var skipt út af. Haukaliðið náði að vinna leikinn þrátt fyrir að stjörnuleikmaður þess, Ásgeir Örn Hallgrímsson, næði sér ekki á strik. Vignir Svavarsson stígur ekki feilspor þessa daganna og það var ótrúlegt að fylgjast með fyrirliða Hauka leiða sína menn til sigurs. Við vorum ekki sannfærandi „Nú erum við að spila um dolluna, þessa sem við höfum verið að æfa fyrir, og þá er ekkert gefið eftir. Sóknin og vörnin voru bæði ágæt en mér fannst við ósannfærandi á báðum sviðum. Þeir eru alltaf í hælunum á okkur allan leikinn og við náum aldrei að slá þá í burtu. Ég bíð spenntur eftir öðrum leiknum í Eyjum og vonandi mætir fullt af fólki og býr til mikla stemmningu. Það verður erfitt, þeir unnu fyrstu tvo leikina á móti okkur í vetur og áttu alveg jafn mikið skilið að vinna þennan leik. Þetta var sigur en ekki sannfærandi sigur,“ sagði Vignir í leikslok. Brennan er búin Erlingur Richardsson, þjálfari ÍBV, sá björtu hliðarnar þrátt fyrir tap. „Þetta var skemmtileg viðureign og þá sérstaklega seinni hluta leiksins. Þetta er rosalega gaman og þótt við séum hundfúlir með það að tapa þessum leik ætlum við að skemmta okkur í þessum úrslitaleikjum og nú er bara að halda áfram. Ég er ósáttur með að við erum bara að fá svona 50% út úr mannskapnum og það eru fjórir leikmenn í liðinu sem ekki ná sér á strik. Við eigum helling inni, við setjumst bara niður á morgun og skoðum þetta. Það má segja að brennan sé búin á þjóðhátíðinni, nú ætlum við að bjóða upp á aðra dagskrá. Þetta eru jöfn lið og ég býst bara við áframhaldandi skemmtun,“ sagði Erlingur eftir leikinn. Mjög jöfn lið Andri Stefan og Halldór Ingólfsson þurftu að taka af skarið þegar Ásgeir Örn Hallgrímsson var klipptur út á hægri vængnum. „Við vorum kannski svolítið taugaspenntir enda rosalega mikið undir í fyrsta leik. Við vorum ekki að spila illa en þetta eru tvö mjög góð og jöfn lið og ég held að allir þessir leikir eigi eftir að vera svona spennandi. Við eigum alveg að geta leyst sóknarleikinn en ég hef mestar áhyggjur af því hvað við komum til með að gera í vörninni. Við töpuðum stórt í Eyjum í vetur, það verður örugglega fullt hús enda fyrsti úrslitaleikurinn hjá þeim þannig ég býst ekki við öðru en rosa partíi þar. Við erum komnir 1-0 yfir. Ég er kannski ekki jafnpottþéttur á að við vinnum þetta í þremur leikjum eins og í fyrra en við ætlum að reyna það,“ sagði Andri Stefan eftir leik. Tölfræðin úr leiknum:Haukar–ÍBV 31–30 (15–14)Mörk Hauka: Vignir Svavarsson 6 (6 skot), Þórir Ólafsson 6 (8/1), Jón Karl Björnsson 6/2 (11/2), Andri Stefan 6 (12, 7 stoðsendingar), Halldór Ingólfsson 4 (7, 4 stoðsendingar), Ásgeir Örn Hallgrímsson 3 (6, 5 stoðsendingar). Varin skot: Birkir Ívar Guðmundsson 20/1 (af 47/3, 43%), Jónas Stefánsson 3 (af 6, 50%). Mörk ÍBV: Tite Kalandadze 10 (17 skot, allt langskot), Svavar Vignisson 7 (9, 4 mörk á fyrstu 6 mínútum leiksins), Robert Bognar 5 (6), Zoltan Belányi 3/1 (4/1), Samúel Ívar Árnason 3/1 (7/2), Sigurður Ari Stefánsson 2 (8, 8 stoðsendingar þar af 6 inn á línu). Varin skot: Roland Valur Eradze 11/1 (35/3, 31%, varði 7 af fyrstu 14 skotum Hauka), Jóhann Ingi Guðmundsson 5 (af 12, 42%). Íslenski handboltinn Mest lesið Bein útsending: Íslenska ofurfólkið keppir við þau bestu í heimi Sport Í leyfi eftir að hafa misst fjögurra mánaða afabarn Enski boltinn HM í bakgarðshlaupum: Mari hleypur með rifinn liðþófa | „Veit ekki hvað bíður mín“ Sport Íslensku stelpurnar Evrópumeistarar í fjórða sinn Sport Fannst Inter besti kosturinn: „Ekkert að því að búa í Mílanó“ Fótbolti Eigandinn þuklaði á fyrirliða kvennaliðsins Enski boltinn Í beinni: ÍA - Víkingur | Víkingar ætla að halda toppsætinu Íslenski boltinn Þrjú mörk á sjö mínútum í sannfærandi sigri Spurs Enski boltinn Körfuboltakvöld um Kane: „Finnst hann ekki hafa gert neitt hrikalegt“ Körfubolti Segja loforð svikin á meðan karfan fær stærsta íþróttahús landsins Sport Fleiri fréttir Íslenskur ökumaður fagnaði sigri í Le Mans keppninni Í beinni: Man. Utd. - Brentford | Hitnar enn frekar undir Ten Hag? Þrjú mörk á sjö mínútum í sannfærandi sigri Spurs Í beinni: ÍA - Víkingur | Víkingar ætla að halda toppsætinu Í beinni: FH - Valur | Valsmenn þurfa sigur í Evrópubaráttunni Í beinni: KA - Vestri | Vestramenn geta farið langt með að halda sér uppi Ísak reiddist dómaranum og lagði þá bara upp mark í staðinn Segja loforð svikin á meðan karfan fær stærsta íþróttahús landsins „Getur skorað en þetta er enginn Remy Martin“ Ármenningar enn ósigraðir og einir á toppnum Bein útsending: Íslenska ofurfólkið keppir við þau bestu í heimi Körfuboltakvöld um Kane: „Finnst hann ekki hafa gert neitt hrikalegt“ Eigandinn þuklaði á fyrirliða kvennaliðsins Íslensku stelpurnar Evrópumeistarar í fjórða sinn Hreinn úrslitaleikur um titilinn Fannst Inter besti kosturinn: „Ekkert að því að búa í Mílanó“ HM í bakgarðshlaupum: Mari hleypur með rifinn liðþófa | „Veit ekki hvað bíður mín“ Í leyfi eftir að hafa misst fjögurra mánaða afabarn Dagskráin í dag: Landa Víkingar næstum því titlinum? „Ævintýri og lygar í boði sumra ykkar“ Sjáðu stikluna fyrir Kanann: „Þegar hann sagði Ísland hugsaði ég bara um ísbirni“ „Stóðum upp sterkari og svöruðum með sigri“ Grótta náði í stig gegn meisturum FH Lárus: Það er best að hitta þá ekki eftir svona leik Styrmir reif til sín flest fráköst Ýmir dýrmætur í fyrsta sigrinum Fjölnir nálægt því sem Porto tókst ekki en Valskonur á siglingu Fanney seld fyrir upphæð sem „ekki hefur sést“ og Tinna kemur í staðinn Guðjón og Elliði fögnuðu áfram eftir Íslandsför Jón Dagur út í hálfleik en upp um þrjú sæti Sjá meira
Haukar unnu fyrsta úrslitaleikinn gegn ÍBV í handbolta karla með minnsta mögulega mun, 31-30, og það stefnir í jafnt og spennandi úrslitaeinvígi sem fer næst til Eyja á þriðjudaginn. Haukar unnu fyrsta úrslitaleikinn gegn ÍBV með minnsta mun, 31-30, í DHL-deild karla í handbolta en hann fór fram á Ásvöllum í gær. Haukar eru því enn taplausir í úrslitakeppninni í ár en fara næst til Eyja þar sem heimamenn hafa unnið alla fjóra leiki sína í úrslitakepppninni í ár. ÍBV byrjaði betur og náði mest þriggja marka forskoti, 7-10, í fyrri hálfleik en Haukar komust yfir fyrir hlé, ekki síst þökk sé góðri markvörslu Birkis Ívars Guðmundssonar á lokamínútum hálfleiksins en hann varði þá úr þremur dauðafærum og einu víti. Haukar héldu frumkvæðinu síðan út leikinn en það var Jónas Stefánsson varamarkvörður sem gulltryggði sigurinn með því að verja þrumuskot Tite Kalandaze sjö sekúndum fyrir leikslok. Tite var annars nánast óstöðvandi með tíu glæsileg mörk úr langskotum en Eyjaliðið sárvantaði framlag frá fleirum og Roland varði aðeins 1 af 10 skotum í seinni hálfleik áður en honum var skipt út af. Haukaliðið náði að vinna leikinn þrátt fyrir að stjörnuleikmaður þess, Ásgeir Örn Hallgrímsson, næði sér ekki á strik. Vignir Svavarsson stígur ekki feilspor þessa daganna og það var ótrúlegt að fylgjast með fyrirliða Hauka leiða sína menn til sigurs. Við vorum ekki sannfærandi „Nú erum við að spila um dolluna, þessa sem við höfum verið að æfa fyrir, og þá er ekkert gefið eftir. Sóknin og vörnin voru bæði ágæt en mér fannst við ósannfærandi á báðum sviðum. Þeir eru alltaf í hælunum á okkur allan leikinn og við náum aldrei að slá þá í burtu. Ég bíð spenntur eftir öðrum leiknum í Eyjum og vonandi mætir fullt af fólki og býr til mikla stemmningu. Það verður erfitt, þeir unnu fyrstu tvo leikina á móti okkur í vetur og áttu alveg jafn mikið skilið að vinna þennan leik. Þetta var sigur en ekki sannfærandi sigur,“ sagði Vignir í leikslok. Brennan er búin Erlingur Richardsson, þjálfari ÍBV, sá björtu hliðarnar þrátt fyrir tap. „Þetta var skemmtileg viðureign og þá sérstaklega seinni hluta leiksins. Þetta er rosalega gaman og þótt við séum hundfúlir með það að tapa þessum leik ætlum við að skemmta okkur í þessum úrslitaleikjum og nú er bara að halda áfram. Ég er ósáttur með að við erum bara að fá svona 50% út úr mannskapnum og það eru fjórir leikmenn í liðinu sem ekki ná sér á strik. Við eigum helling inni, við setjumst bara niður á morgun og skoðum þetta. Það má segja að brennan sé búin á þjóðhátíðinni, nú ætlum við að bjóða upp á aðra dagskrá. Þetta eru jöfn lið og ég býst bara við áframhaldandi skemmtun,“ sagði Erlingur eftir leikinn. Mjög jöfn lið Andri Stefan og Halldór Ingólfsson þurftu að taka af skarið þegar Ásgeir Örn Hallgrímsson var klipptur út á hægri vængnum. „Við vorum kannski svolítið taugaspenntir enda rosalega mikið undir í fyrsta leik. Við vorum ekki að spila illa en þetta eru tvö mjög góð og jöfn lið og ég held að allir þessir leikir eigi eftir að vera svona spennandi. Við eigum alveg að geta leyst sóknarleikinn en ég hef mestar áhyggjur af því hvað við komum til með að gera í vörninni. Við töpuðum stórt í Eyjum í vetur, það verður örugglega fullt hús enda fyrsti úrslitaleikurinn hjá þeim þannig ég býst ekki við öðru en rosa partíi þar. Við erum komnir 1-0 yfir. Ég er kannski ekki jafnpottþéttur á að við vinnum þetta í þremur leikjum eins og í fyrra en við ætlum að reyna það,“ sagði Andri Stefan eftir leik. Tölfræðin úr leiknum:Haukar–ÍBV 31–30 (15–14)Mörk Hauka: Vignir Svavarsson 6 (6 skot), Þórir Ólafsson 6 (8/1), Jón Karl Björnsson 6/2 (11/2), Andri Stefan 6 (12, 7 stoðsendingar), Halldór Ingólfsson 4 (7, 4 stoðsendingar), Ásgeir Örn Hallgrímsson 3 (6, 5 stoðsendingar). Varin skot: Birkir Ívar Guðmundsson 20/1 (af 47/3, 43%), Jónas Stefánsson 3 (af 6, 50%). Mörk ÍBV: Tite Kalandadze 10 (17 skot, allt langskot), Svavar Vignisson 7 (9, 4 mörk á fyrstu 6 mínútum leiksins), Robert Bognar 5 (6), Zoltan Belányi 3/1 (4/1), Samúel Ívar Árnason 3/1 (7/2), Sigurður Ari Stefánsson 2 (8, 8 stoðsendingar þar af 6 inn á línu). Varin skot: Roland Valur Eradze 11/1 (35/3, 31%, varði 7 af fyrstu 14 skotum Hauka), Jóhann Ingi Guðmundsson 5 (af 12, 42%).
Íslenski handboltinn Mest lesið Bein útsending: Íslenska ofurfólkið keppir við þau bestu í heimi Sport Í leyfi eftir að hafa misst fjögurra mánaða afabarn Enski boltinn HM í bakgarðshlaupum: Mari hleypur með rifinn liðþófa | „Veit ekki hvað bíður mín“ Sport Íslensku stelpurnar Evrópumeistarar í fjórða sinn Sport Fannst Inter besti kosturinn: „Ekkert að því að búa í Mílanó“ Fótbolti Eigandinn þuklaði á fyrirliða kvennaliðsins Enski boltinn Í beinni: ÍA - Víkingur | Víkingar ætla að halda toppsætinu Íslenski boltinn Þrjú mörk á sjö mínútum í sannfærandi sigri Spurs Enski boltinn Körfuboltakvöld um Kane: „Finnst hann ekki hafa gert neitt hrikalegt“ Körfubolti Segja loforð svikin á meðan karfan fær stærsta íþróttahús landsins Sport Fleiri fréttir Íslenskur ökumaður fagnaði sigri í Le Mans keppninni Í beinni: Man. Utd. - Brentford | Hitnar enn frekar undir Ten Hag? Þrjú mörk á sjö mínútum í sannfærandi sigri Spurs Í beinni: ÍA - Víkingur | Víkingar ætla að halda toppsætinu Í beinni: FH - Valur | Valsmenn þurfa sigur í Evrópubaráttunni Í beinni: KA - Vestri | Vestramenn geta farið langt með að halda sér uppi Ísak reiddist dómaranum og lagði þá bara upp mark í staðinn Segja loforð svikin á meðan karfan fær stærsta íþróttahús landsins „Getur skorað en þetta er enginn Remy Martin“ Ármenningar enn ósigraðir og einir á toppnum Bein útsending: Íslenska ofurfólkið keppir við þau bestu í heimi Körfuboltakvöld um Kane: „Finnst hann ekki hafa gert neitt hrikalegt“ Eigandinn þuklaði á fyrirliða kvennaliðsins Íslensku stelpurnar Evrópumeistarar í fjórða sinn Hreinn úrslitaleikur um titilinn Fannst Inter besti kosturinn: „Ekkert að því að búa í Mílanó“ HM í bakgarðshlaupum: Mari hleypur með rifinn liðþófa | „Veit ekki hvað bíður mín“ Í leyfi eftir að hafa misst fjögurra mánaða afabarn Dagskráin í dag: Landa Víkingar næstum því titlinum? „Ævintýri og lygar í boði sumra ykkar“ Sjáðu stikluna fyrir Kanann: „Þegar hann sagði Ísland hugsaði ég bara um ísbirni“ „Stóðum upp sterkari og svöruðum með sigri“ Grótta náði í stig gegn meisturum FH Lárus: Það er best að hitta þá ekki eftir svona leik Styrmir reif til sín flest fráköst Ýmir dýrmætur í fyrsta sigrinum Fjölnir nálægt því sem Porto tókst ekki en Valskonur á siglingu Fanney seld fyrir upphæð sem „ekki hefur sést“ og Tinna kemur í staðinn Guðjón og Elliði fögnuðu áfram eftir Íslandsför Jón Dagur út í hálfleik en upp um þrjú sæti Sjá meira