Penninn tapaði samningi við ríkið 1. mars 2006 00:01 Seljendur kynna vörur sínar. Ríkiskaup héldu fund á Grand hóteli Reykjavík með stofnunum og seljendum vara til að kynna nýjan rammasamning. MYND/Stefán Penninn er ekki með í rammasamningi Ríkiskaupa fyrir ríkisstofnanir um kaup á ritföngum og skrifstofuvörum líkt og áður hefur verið, meðan Oddi kemur nýr inn. Samkvæmt útboðsgögnum veltir ritfangahluti rammasamningsins um 100 milljónum króna á ári og því ljóst að um er að ræða upphæðir sem skipta máli fyrir rekstur fyrirtækjanna sem þarna komast að. Nýverið var skrifað undir samninga í rammasamningsútboði Ríkiskaupa á ritföngum og skrifstofuvörum, ljósritunarpappír og gagnageymslum. Tilboðum í ritföng og skrifstofuvörur var tekið frá Office One, Odda skrifstofuvörum og Rekstrarvörum. Tilboðum í ljósritunarvörur var tekið frá Office One, Odda skrifstofuvörum, Rekstrarvörum og Pennanum og um gagnageymslur frá Office One, Odda skrifstofuvörum og Pennanum. Einar Snorri Magnússon, framkvæmdastóri fyrirtækjasviðs Pennans, segir menn teygja sig ansi langt í afsláttum þegar kemur að ritföngum og gagnrýnir í raun það vægi sem lagt er á verð, á móti þjónustu og gæðum í rammasamningnum. "En við erum svo sem ekki að missa svefn yfir þessu, ríkisfyrirtæki kaupa líka töluvert fyrir utan rammasamninga." Valgeir Pétursson Valgeir sá um útboð Ríkiskaupa vegna rammasamninga um kaup á ritföngum og skrifstofuvörum, ljósritunarpappír og gagnageymslum, en þeir voru kynntir nýverið. Markaðurinn/Stefán Valgeir Óskar Pétursson, verkefnisstjóri hjá Ríkiskaupum, sem sá um gerð rammasamninsins segir að frá upphafi hafi verið ljóst hvernig útboðsgögn yrðu metin og sá þáttur kynntur vandlega fyrir bjóðendum, auk þess sem gefinn hafi verið kostur á að koma að athugasemdum. "Penninn nýtti sér það ekki í þessu tilviki. Staðan var bara sú að Penninn var dýrastur allra bjóðenda," segir hann en bætir við að vissulega geti menn verið ósammála um hversu mikið vægi þjónusta eigi að fá á móti verði. "En þarna eru hins vegar tveir aðrir með sama þjónustustig og Penninn," segir hann og bætir við að gætt hafi verið að gæðum varnings bjóðenda líka, allir hafi þurft að senda inn sýnishorn. "Við getum ekki samið við menn bara út á að þeir séu stórir og góðir, þeir verða að standa sig í verði líka." Einar Snorri segir nýjungar á döfinni hjá Pennanum, en fyrirtækið samdi nýverið við EJS um að í þremur verslunum Pennans yrði á boðstólum tölvubúnaður EJS. "Þetta verður í Hallarmúla 2 í Reykjavík, í Keflavík og líka á Akureyri. Við sjáum um að reka þetta en þeir um vörustýringu og þann hluta," segir Einar og bætir við að nýjungin tengist samstarfi Pennans við Símann, því nú geti fyrirtækið boðið í einum pakka, tölvur, internettengingar og fleira til. Stefnt er að því að opna tölvusöluna í Hallarmúla í lok næstu viku og svo í framhaldinu á hinum stöðunum. Innlent Viðskipti Mest lesið Reiknar með því að Bónus sjái Prís sem áskorun Neytendur Lágvöruverðsverslunin Prís opnar í dag Neytendur Enginn byggi upp fyrirtæki til að standa í veg fyrir endurreisn þess Viðskipti innlent Temu kaupin getu hæglega orðið að fíkn Neytendur Verðstríð að hefjast á matvörumarkaði Neytendur Susan Wojcicki er látin Viðskipti erlent Litlu fyrirtækin: Upplifa sjálfbærni sem aukavinnu og vesen Atvinnulíf Google leiðin: Fjögur atvinnuviðtöl yfirdrifið nóg Atvinnulíf Sprenging í sölu á sérsmíðuðum saunaklefum Samstarf Ummæli Trump vekja áhyggjur af sjálfstæði seðlabanka Viðskipti erlent Fleiri fréttir Enginn byggi upp fyrirtæki til að standa í veg fyrir endurreisn þess Telja minni líkur á samdrætti í ferðaþjónustu með aukinni kortaveltu Ósáttur við að fyrrum eigandi Skagans 3X standi í vegi endurreisnar Staðreyndum snúið á hvolf til að eigna ríkisstjórninni verðbólguna Seðlabankinn hafi ekki önnur úrræði en að lækka vexti Tónleikastöðum fækkar: „Þetta er bara sorgleg þróun“ Spá áframhaldandi óbreyttum stýrivöxtum í næstu viku Tryggja sér 650 milljóna króna fjármögnun „Allt að því galið“ að taka ekki þátt í séreignarsparnaði Þórhallur ráðinn fjármálastjóri SORPU Ætla að lækka verð með ungverskum tannlæknum Hefja sölu áfengis á næstu tveimur vikum Atvinnuleysi mest á Suðurnesjum og minnst á Norðurlandi vestra Afnám tolla myndi gera út af við íslenskan landbúnað Bjóða upp á langlægsta verðið en samkeppnisaðilar óttast ekkert Upplifunin verði eins og að fara í búð í útlöndum Kominn tími til að Hopp og Zolo fái samkeppni Evrópska rafhlaupahjólaleigan Bolt opnar á Íslandi í dag Stórt skref stigið í yfirtöku JBT á Marel Klara nýr forstöðumaður hjá RSV „Komin í hóp fullorðnu félaganna“ Play mætt á aðalmarkað Kauphallar Meiri harka í framkvæmdum en áður og fleiri mál fyrir dóm Stefnir í helmingshækkun fasteignaskatta á atvinnuhúsnæði Allt að 43 prósent lægra matvöruverð án tolla Ein og hálf milljón í sekt vegna leyfislausrar Airbnb útleigu Gjaldþrotið nam 780 milljónum króna Stefna að því að opna Starbucks á fyrri hluta næsta árs Frá Bjarna Benediktssyni til Bestseller Play í Kauphöllina Sjá meira
Penninn er ekki með í rammasamningi Ríkiskaupa fyrir ríkisstofnanir um kaup á ritföngum og skrifstofuvörum líkt og áður hefur verið, meðan Oddi kemur nýr inn. Samkvæmt útboðsgögnum veltir ritfangahluti rammasamningsins um 100 milljónum króna á ári og því ljóst að um er að ræða upphæðir sem skipta máli fyrir rekstur fyrirtækjanna sem þarna komast að. Nýverið var skrifað undir samninga í rammasamningsútboði Ríkiskaupa á ritföngum og skrifstofuvörum, ljósritunarpappír og gagnageymslum. Tilboðum í ritföng og skrifstofuvörur var tekið frá Office One, Odda skrifstofuvörum og Rekstrarvörum. Tilboðum í ljósritunarvörur var tekið frá Office One, Odda skrifstofuvörum, Rekstrarvörum og Pennanum og um gagnageymslur frá Office One, Odda skrifstofuvörum og Pennanum. Einar Snorri Magnússon, framkvæmdastóri fyrirtækjasviðs Pennans, segir menn teygja sig ansi langt í afsláttum þegar kemur að ritföngum og gagnrýnir í raun það vægi sem lagt er á verð, á móti þjónustu og gæðum í rammasamningnum. "En við erum svo sem ekki að missa svefn yfir þessu, ríkisfyrirtæki kaupa líka töluvert fyrir utan rammasamninga." Valgeir Pétursson Valgeir sá um útboð Ríkiskaupa vegna rammasamninga um kaup á ritföngum og skrifstofuvörum, ljósritunarpappír og gagnageymslum, en þeir voru kynntir nýverið. Markaðurinn/Stefán Valgeir Óskar Pétursson, verkefnisstjóri hjá Ríkiskaupum, sem sá um gerð rammasamninsins segir að frá upphafi hafi verið ljóst hvernig útboðsgögn yrðu metin og sá þáttur kynntur vandlega fyrir bjóðendum, auk þess sem gefinn hafi verið kostur á að koma að athugasemdum. "Penninn nýtti sér það ekki í þessu tilviki. Staðan var bara sú að Penninn var dýrastur allra bjóðenda," segir hann en bætir við að vissulega geti menn verið ósammála um hversu mikið vægi þjónusta eigi að fá á móti verði. "En þarna eru hins vegar tveir aðrir með sama þjónustustig og Penninn," segir hann og bætir við að gætt hafi verið að gæðum varnings bjóðenda líka, allir hafi þurft að senda inn sýnishorn. "Við getum ekki samið við menn bara út á að þeir séu stórir og góðir, þeir verða að standa sig í verði líka." Einar Snorri segir nýjungar á döfinni hjá Pennanum, en fyrirtækið samdi nýverið við EJS um að í þremur verslunum Pennans yrði á boðstólum tölvubúnaður EJS. "Þetta verður í Hallarmúla 2 í Reykjavík, í Keflavík og líka á Akureyri. Við sjáum um að reka þetta en þeir um vörustýringu og þann hluta," segir Einar og bætir við að nýjungin tengist samstarfi Pennans við Símann, því nú geti fyrirtækið boðið í einum pakka, tölvur, internettengingar og fleira til. Stefnt er að því að opna tölvusöluna í Hallarmúla í lok næstu viku og svo í framhaldinu á hinum stöðunum.
Innlent Viðskipti Mest lesið Reiknar með því að Bónus sjái Prís sem áskorun Neytendur Lágvöruverðsverslunin Prís opnar í dag Neytendur Enginn byggi upp fyrirtæki til að standa í veg fyrir endurreisn þess Viðskipti innlent Temu kaupin getu hæglega orðið að fíkn Neytendur Verðstríð að hefjast á matvörumarkaði Neytendur Susan Wojcicki er látin Viðskipti erlent Litlu fyrirtækin: Upplifa sjálfbærni sem aukavinnu og vesen Atvinnulíf Google leiðin: Fjögur atvinnuviðtöl yfirdrifið nóg Atvinnulíf Sprenging í sölu á sérsmíðuðum saunaklefum Samstarf Ummæli Trump vekja áhyggjur af sjálfstæði seðlabanka Viðskipti erlent Fleiri fréttir Enginn byggi upp fyrirtæki til að standa í veg fyrir endurreisn þess Telja minni líkur á samdrætti í ferðaþjónustu með aukinni kortaveltu Ósáttur við að fyrrum eigandi Skagans 3X standi í vegi endurreisnar Staðreyndum snúið á hvolf til að eigna ríkisstjórninni verðbólguna Seðlabankinn hafi ekki önnur úrræði en að lækka vexti Tónleikastöðum fækkar: „Þetta er bara sorgleg þróun“ Spá áframhaldandi óbreyttum stýrivöxtum í næstu viku Tryggja sér 650 milljóna króna fjármögnun „Allt að því galið“ að taka ekki þátt í séreignarsparnaði Þórhallur ráðinn fjármálastjóri SORPU Ætla að lækka verð með ungverskum tannlæknum Hefja sölu áfengis á næstu tveimur vikum Atvinnuleysi mest á Suðurnesjum og minnst á Norðurlandi vestra Afnám tolla myndi gera út af við íslenskan landbúnað Bjóða upp á langlægsta verðið en samkeppnisaðilar óttast ekkert Upplifunin verði eins og að fara í búð í útlöndum Kominn tími til að Hopp og Zolo fái samkeppni Evrópska rafhlaupahjólaleigan Bolt opnar á Íslandi í dag Stórt skref stigið í yfirtöku JBT á Marel Klara nýr forstöðumaður hjá RSV „Komin í hóp fullorðnu félaganna“ Play mætt á aðalmarkað Kauphallar Meiri harka í framkvæmdum en áður og fleiri mál fyrir dóm Stefnir í helmingshækkun fasteignaskatta á atvinnuhúsnæði Allt að 43 prósent lægra matvöruverð án tolla Ein og hálf milljón í sekt vegna leyfislausrar Airbnb útleigu Gjaldþrotið nam 780 milljónum króna Stefna að því að opna Starbucks á fyrri hluta næsta árs Frá Bjarna Benediktssyni til Bestseller Play í Kauphöllina Sjá meira