Sterkir bæjarstjórar geta skipt miklu 19. maí 2006 00:01 Eftir rétt rúma viku ganga landsmenn að kjörborðinu og kjósa nýjar sveitarstjórnir til næstu fjögurra ára. Sveitarfélögum hefur fækkað töluvert frá því um síðustu kosningar, eða um 26 og eru nú 79. Með kosningunum nú verða því töluverðar breytingar á sveitarfélögum á nokkrum stöðum á landinu. Þar er yfirleitt um að ræða að eitt meðalstórt sveitarfélag og nokkur snærri hafa sameinast. Þannig hafa orðið til stærri sveitarstjórnareiningar eins og yfirvöld hafa löngum stefnt að og hljóta að leggja enn meiri áherslu á á komandi kjörtímabili. Enn eru litlir hreppar víða um land sem lifa sjálfstæðu lífi, við hlið stærri sveitarfélaga, og í flestum tilfellum hafa þessir litlu hreppar einhverja sérstöðu og eru gjarnan sterkir fjárhagslega. Skorradalshreppur í Borgarfirði er þar ekki undanskilinn, en hann hefur á stundum verið mjög í sviðsljósinu við sameiningarkosningar á undanförnum árum. Þar verður óbundin kosning eins og oft áður. Línur eru nú farnar að skýrast mjög varðandi kosningarnar. Kosningastarfið er nú komið á fulla ferð um land allt og frambjóðendur eru önnum kafnir við að kynna stefnu sína, svo fólk getur nú áttað sig á stefnumálum hinna einstöku flokka. Þau geta verið mjög mismunandi frá einu sveitarfélagi til annars og svo geta þau verið mjög samhljóða innan sama sveitarfélags. Fjölmargar kannanir hafa verið gerðar og þær eru í meginatriðum samhljóða. Sjálfstæðisflokkurinn virðist eiga mikinn meðbyr, en með undantekningum þó, og á sama hátt virðist Framsóknarflokkurinn vera í mótbyr, með vissum undantekningum. Sem fyrr beinist athyglin að kosningunum í höfuðborginni, og þá ekki síst nú af ýmsum ástæðum. Reykjavíkurlistinn býður nú ekki lengur fram, en í staðinn eru þrjú sjálfstæð framboð þeirra flokka sem að honum stóðu. Sjálfstæðisflokkurinn ber höfuð og herðar yfir aðra flokka í skoðanakönnunum, þá kemur Samfylkingin og síðan vinstri grænir, frjálslyndir og Framsóknarflokkurinn. Framsóknarmenn virðast mega teljast mjög heppnir ef þeir koma manni að í Reykjavík. Samkvæmt skoðanakönnunum er útlitið fyrir þá dökkt, jafnvel þótt reynslan sýni að þeir fái yfirleitt meira fylgi en kannanir gefa til kynna. Það yrði mikið áfall fyrir flokkinn að koma ekki manni að í höfuðborginni, ekki aðeins varðandi áhrif og völd í borginni, heldur ekki síður varðandi stöðu flokksins á landsvísu. Það er athyglisvert að skoða kannanir þar sem einn flokkur er við völd eins og í Hafnarfirði og Reykjanesbæ. Samkvæmt könnunum bæta Samfylkingin og Sjálfstæðisflokkur við sig fylgi á báðum stöðum. Í þessum bæjarfélögum virðast bæjarbúar kunna vel að meta störf Lúðvíks Geirssonar í Hafnarfirði og Árna Sigfússonar í Reykjanesbæ, eða þá að framboð sem sett hafa verið til höfuðs þeim hafa ekki hitt í mark en af ólíkum ástæðum þó. Þótt Reykjavík sé mikið í sviðsljósinu við þessar kosningar, þá verður ekki síður athyglisvert að fylgjast með úrslitum í mörgum öðrum sveitarfélögum, sem geta oltið á aðeins örfáum atkvæðum. Viltu birta grein á Vísi? Sendu okkur póst. Senda grein Kári Jónasson Skoðanir Mest lesið „Naktir elskendur, Helga og Bjarni, liggja í faðmlögum, handleggjabenda á rauðum rúmfötum, umvafin mildri birtu“ Sigþór U. Hallfreðsson Skoðun 10 staðreyndir um verðbólgu og ríkisfjármál Konráð S. Guðjónsson Skoðun Er eitt næturgaman þess virði? Reynir Böðvarsson Skoðun Læknar, heilbrigðisstarfsfólk og lykill að lausninni Áslaug Arna Sigurbjörnsdóttir Skoðun Vaxtalækkun eða neyðarlög Ragnar Þór Ingólfsson,Ásthildur Lóa Þórsdóttir Skoðun Krossinn er fallegur Skoðun Veðjað á rétta skólann Pawel Bartoszek Skoðun Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun Nei þetta getur aldrei gerst á okkar litla Íslandi! Davíð Bergmann Skoðun Þjóðarmorð með vestrænum vopnum Ingólfur Steinsson Skoðun
Eftir rétt rúma viku ganga landsmenn að kjörborðinu og kjósa nýjar sveitarstjórnir til næstu fjögurra ára. Sveitarfélögum hefur fækkað töluvert frá því um síðustu kosningar, eða um 26 og eru nú 79. Með kosningunum nú verða því töluverðar breytingar á sveitarfélögum á nokkrum stöðum á landinu. Þar er yfirleitt um að ræða að eitt meðalstórt sveitarfélag og nokkur snærri hafa sameinast. Þannig hafa orðið til stærri sveitarstjórnareiningar eins og yfirvöld hafa löngum stefnt að og hljóta að leggja enn meiri áherslu á á komandi kjörtímabili. Enn eru litlir hreppar víða um land sem lifa sjálfstæðu lífi, við hlið stærri sveitarfélaga, og í flestum tilfellum hafa þessir litlu hreppar einhverja sérstöðu og eru gjarnan sterkir fjárhagslega. Skorradalshreppur í Borgarfirði er þar ekki undanskilinn, en hann hefur á stundum verið mjög í sviðsljósinu við sameiningarkosningar á undanförnum árum. Þar verður óbundin kosning eins og oft áður. Línur eru nú farnar að skýrast mjög varðandi kosningarnar. Kosningastarfið er nú komið á fulla ferð um land allt og frambjóðendur eru önnum kafnir við að kynna stefnu sína, svo fólk getur nú áttað sig á stefnumálum hinna einstöku flokka. Þau geta verið mjög mismunandi frá einu sveitarfélagi til annars og svo geta þau verið mjög samhljóða innan sama sveitarfélags. Fjölmargar kannanir hafa verið gerðar og þær eru í meginatriðum samhljóða. Sjálfstæðisflokkurinn virðist eiga mikinn meðbyr, en með undantekningum þó, og á sama hátt virðist Framsóknarflokkurinn vera í mótbyr, með vissum undantekningum. Sem fyrr beinist athyglin að kosningunum í höfuðborginni, og þá ekki síst nú af ýmsum ástæðum. Reykjavíkurlistinn býður nú ekki lengur fram, en í staðinn eru þrjú sjálfstæð framboð þeirra flokka sem að honum stóðu. Sjálfstæðisflokkurinn ber höfuð og herðar yfir aðra flokka í skoðanakönnunum, þá kemur Samfylkingin og síðan vinstri grænir, frjálslyndir og Framsóknarflokkurinn. Framsóknarmenn virðast mega teljast mjög heppnir ef þeir koma manni að í Reykjavík. Samkvæmt skoðanakönnunum er útlitið fyrir þá dökkt, jafnvel þótt reynslan sýni að þeir fái yfirleitt meira fylgi en kannanir gefa til kynna. Það yrði mikið áfall fyrir flokkinn að koma ekki manni að í höfuðborginni, ekki aðeins varðandi áhrif og völd í borginni, heldur ekki síður varðandi stöðu flokksins á landsvísu. Það er athyglisvert að skoða kannanir þar sem einn flokkur er við völd eins og í Hafnarfirði og Reykjanesbæ. Samkvæmt könnunum bæta Samfylkingin og Sjálfstæðisflokkur við sig fylgi á báðum stöðum. Í þessum bæjarfélögum virðast bæjarbúar kunna vel að meta störf Lúðvíks Geirssonar í Hafnarfirði og Árna Sigfússonar í Reykjanesbæ, eða þá að framboð sem sett hafa verið til höfuðs þeim hafa ekki hitt í mark en af ólíkum ástæðum þó. Þótt Reykjavík sé mikið í sviðsljósinu við þessar kosningar, þá verður ekki síður athyglisvert að fylgjast með úrslitum í mörgum öðrum sveitarfélögum, sem geta oltið á aðeins örfáum atkvæðum.
„Naktir elskendur, Helga og Bjarni, liggja í faðmlögum, handleggjabenda á rauðum rúmfötum, umvafin mildri birtu“ Sigþór U. Hallfreðsson Skoðun
Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun
„Naktir elskendur, Helga og Bjarni, liggja í faðmlögum, handleggjabenda á rauðum rúmfötum, umvafin mildri birtu“ Sigþór U. Hallfreðsson Skoðun
Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun