Tvö sjónarhorn á Reykjavík 3. apríl 2006 14:10 Í tveimur blaðagreinum sem birtust um helgina koma fram mjög ólík viðhorf til byggðarinnar í Reykjavík. Annars vegar er viðtal Kolbrúnar Bergþórsdóttur við Jón Baldvin Hannibalsson sem birtist í Blaðinu, hins vegar grein sem Halldór Jónsson verkfræðingur sendi til Morgunblaðsins undir yfirskriftinni Reykjavíkurflugvöllur perla höfuðborgarsvæðisins. Báðar eru greinarnar bráðskemmtilegar. Jón:"Samt kom mér á óvart mikilmennskubrjálæðið í Reykjavík sem þykist vera Los Angeles þótt hún sé einungis lítið þorp. Þetta mikilmennskubrjálæði er nægilega mikið til að skapa allsherjar umferðaröngþveiti og skipulagsslys. Áratugum saman hefur ekki verið hugsað fram í tímann um vöxt þessarar borgar. Borgarstæði Reykjavíkur er fagurt og við höfðum tækifæri til að byggja fagra borg en í staðinn höfum við byggt þorp sem í hefur hlaupið ofvöxtur. Allt er byggt utan um bíla. Um leið verður ameríkaniseringin glær og hryllileg. Amerískar borgir eru eitt það ömurlegasta sem til er. Þær eru bensínstöð, vídeóleiga og byssubúð. Reykjavík er að apa eftir þessu. Evrópskar borgir eiga sér sögu og sú saga snýst um fólk, ekki bíla. Við erum orðin risavaxið bílastæði." Halldór:"Borgir og samgöngur eru fyrir fólk. Flugvélar og bílar eru undirstaða frelsis og lífsgæða fólks. Sífelldar prédikanir um fegurð reiðhjóla og almenningsvagna ná ekki eyrum fólks. Fólkið má því ekki láta einhverja sjálfskipaða beturvitendur segja sér fyrir verkum eða spilla framtíðarhögum sínum andvaraleysi. Fólkið, að múslímum kannske frátöldum, vill frelsi skoðana, einkabílsins og flugsins. Gamli miðbær Reykjavíkur var í Kvosinni. Þar er ekki til neinn slíkur miðbær lengur. Flest gamla starfsemin er farin þaðan og kemur aldrei aftur. Margt, sem er þar enn, mun líka fara þaðan vegna þess að fólkið er farið annað. Þetta er og verður túrista- og skemmtihverfi þar sem barnlaust fólk kann vel við sig. Þarna er næg vídd í kring, sem flugvöllurinn í Vatnsmýrinni skapar, til að halda þjóðhátíðir og menningarnætur. Staður þar sem fólk kemur saman að skemmta sér. En fáir vilja endilega vill búa með börnin sín á Reperbahn, Central Park eða við Times Square." Dæmi nú hver fyrir sig. --- --- --- Samvæmt þessari grein sem birtist í Berlingske Tidende á síðasta ári er Svenn Dam, hinn nýji stjóri 365 media í Danmörku, uppnefndur Saddam. Hann þykir ná árangri en á kostnað mannlega þáttarins. Den begavede brutalis, kallar blaðið hann. Það hlýtur að lofa góðu um vöxt og viðgang fyrirtækisins í Skandinavíu. --- --- --- Manni skilst að nýtt fjölmiðlafrumvarp sé tilbúið frá nefndinni sem var sett til að semja það. Skyldi það verða lagt fram í vor? Er kannski ekkert því til fyrirstöðu að samþykkja það? Viltu birta grein á Vísi? Sendu okkur póst. Senda grein Pistlar Silfur Egils Skoðanir Mest lesið Loftslagsávinningur Coda Terminal er gífurlegur Sigurður Loftur Thorlacius Skoðun Skaðinn í leyndri meðferð á heimilum Matthildur Björnsdóttir Skoðun Að verða fórnarlamb íslenskra skattyfirvalda Arnar Pálsson Skoðun „Eru ekki allir pínu einhverfir í dag?“ Andrea Ólafsdóttir Skoðun Bóluefni eða veirur Ágúst Kvaran Skoðun Tilgangur atvinnurekstrarbanns Lárus Sigurður Lárusson Skoðun Betri leið til að velja keppendur inn á Ólympíuleika Pawel Bartoszek Skoðun Af glyðrugangi eftirlitsstofnana Ester Hilmarsdóttir Skoðun 3.200 aumingjar (mín skoðun) Ole Anton Bieltvedt Skoðun Um vanda stúlkna í skólum Ragnar Þór Pétursson Skoðun
Í tveimur blaðagreinum sem birtust um helgina koma fram mjög ólík viðhorf til byggðarinnar í Reykjavík. Annars vegar er viðtal Kolbrúnar Bergþórsdóttur við Jón Baldvin Hannibalsson sem birtist í Blaðinu, hins vegar grein sem Halldór Jónsson verkfræðingur sendi til Morgunblaðsins undir yfirskriftinni Reykjavíkurflugvöllur perla höfuðborgarsvæðisins. Báðar eru greinarnar bráðskemmtilegar. Jón:"Samt kom mér á óvart mikilmennskubrjálæðið í Reykjavík sem þykist vera Los Angeles þótt hún sé einungis lítið þorp. Þetta mikilmennskubrjálæði er nægilega mikið til að skapa allsherjar umferðaröngþveiti og skipulagsslys. Áratugum saman hefur ekki verið hugsað fram í tímann um vöxt þessarar borgar. Borgarstæði Reykjavíkur er fagurt og við höfðum tækifæri til að byggja fagra borg en í staðinn höfum við byggt þorp sem í hefur hlaupið ofvöxtur. Allt er byggt utan um bíla. Um leið verður ameríkaniseringin glær og hryllileg. Amerískar borgir eru eitt það ömurlegasta sem til er. Þær eru bensínstöð, vídeóleiga og byssubúð. Reykjavík er að apa eftir þessu. Evrópskar borgir eiga sér sögu og sú saga snýst um fólk, ekki bíla. Við erum orðin risavaxið bílastæði." Halldór:"Borgir og samgöngur eru fyrir fólk. Flugvélar og bílar eru undirstaða frelsis og lífsgæða fólks. Sífelldar prédikanir um fegurð reiðhjóla og almenningsvagna ná ekki eyrum fólks. Fólkið má því ekki láta einhverja sjálfskipaða beturvitendur segja sér fyrir verkum eða spilla framtíðarhögum sínum andvaraleysi. Fólkið, að múslímum kannske frátöldum, vill frelsi skoðana, einkabílsins og flugsins. Gamli miðbær Reykjavíkur var í Kvosinni. Þar er ekki til neinn slíkur miðbær lengur. Flest gamla starfsemin er farin þaðan og kemur aldrei aftur. Margt, sem er þar enn, mun líka fara þaðan vegna þess að fólkið er farið annað. Þetta er og verður túrista- og skemmtihverfi þar sem barnlaust fólk kann vel við sig. Þarna er næg vídd í kring, sem flugvöllurinn í Vatnsmýrinni skapar, til að halda þjóðhátíðir og menningarnætur. Staður þar sem fólk kemur saman að skemmta sér. En fáir vilja endilega vill búa með börnin sín á Reperbahn, Central Park eða við Times Square." Dæmi nú hver fyrir sig. --- --- --- Samvæmt þessari grein sem birtist í Berlingske Tidende á síðasta ári er Svenn Dam, hinn nýji stjóri 365 media í Danmörku, uppnefndur Saddam. Hann þykir ná árangri en á kostnað mannlega þáttarins. Den begavede brutalis, kallar blaðið hann. Það hlýtur að lofa góðu um vöxt og viðgang fyrirtækisins í Skandinavíu. --- --- --- Manni skilst að nýtt fjölmiðlafrumvarp sé tilbúið frá nefndinni sem var sett til að semja það. Skyldi það verða lagt fram í vor? Er kannski ekkert því til fyrirstöðu að samþykkja það?