Villepin varði forstjóra Airbus 9. október 2006 10:39 Dominique de Villepin, forsætisráðherra Frakklands. Mynd/AP Dominique de Villepin, forsætisráðherra Frakklands, kom til varnar Christian Streiff, forstjóra Airbus, í sjónvarpsviðtali í gær og sagði enga ástæðu fyrir hann að segja upp. EADS, móðurfélag Airbus, hefur ekki samþykkt hagræðingarhugmyndir Streiffs nema að hluta, sem hann lagði fram eftir að flugvélaframleiðandinn greindi frá því í síðustu viku að afhending A380 risaþotum frá fyrirtækinu myndi dragast fram á næsta ár. Þá hefur þýska dagblaðið Allgemeine Zeitung birt frétt þess efnis að EADS leiti með logandi ljósi að eftirmanni Streiffs. Verði af uppsögn hans þykir líklegt að það verði enn eitt áfallið fyrir EADS, en gengi hlutabréfa í fyrirtækinu hefur hríðfallið eftir að afhending risaþotanna A380 hefur tvívegis tafist. Afhendingin er nú þegar tveimur árum á eftir áætlun. Streiff hefur einungis vermt forstjórastólinn í þrjá mánuði en hann var kallaður til starfa í lok júlí eftir að Gustav Humbert, fyrrum forstjóri Airbus, tók poka sinn. Haft hefur verið eftir Streiff að umfangsmikillar endurskipulagningar á rekstri Airbus sé þörf og kveða hugmyndir hans á um allt að 30 prósenta hagræðingar í rekstrinum. Slíkt myndi hafa í för með sér nokkrar uppsagnir í Toulouse í Frakklandi og í Hamborg í Þýskalandi. Angela Merkel, kanslari Þýskalands, og Jacques Chirac, forseti Frakklands, hittast í París í Frakklandi á fimmtudag og munu ræða um Airbus. Ríkisstjórnir beggja landa og fyrirtæki fara með stóra hluti í EADS, móðurfélagi Airbus. Franska ríkið á 15 prósenta hlut í félaginu en þýski bílaframleiðandinn DaimlerChrysler og franska fjölmiðlasamsteypan Lagarde eiga sömuleiðis stóra hluti. Þau munu þó vera að íhuga að minnka þá talsvert eða niður í 22,5 prósent og 7,5 prósent. Erlent Fréttir Viðskipti Mest lesið Kaupum meira og meira þrátt fyrir mikla verðbólgu Neytendur Ritúalið verður að Skjóli Viðskipti innlent Lágvöruverðsverslunin Prís opnar í dag Neytendur Reiknar með því að Bónus sjái Prís sem áskorun Neytendur Engin hópuppsögn í júlí Viðskipti innlent Öllu starfsfólki kollagenvinnslu í Grindavík sagt upp Viðskipti innlent Temu kaupin getu hæglega orðið að fíkn Neytendur Verðstríð að hefjast á matvörumarkaði Neytendur Litlu fyrirtækin: Upplifa sjálfbærni sem aukavinnu og vesen Atvinnulíf Ósáttur við að fyrrum eigandi Skagans 3X standi í vegi endurreisnar Viðskipti innlent Fleiri fréttir Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Stærstu fyrirtækin orðið af 747 milljörðum Taylor Swift talin valda verðbólgu í Bretlandi Flytur fyrirtækin vegna löggjafar um trans börn Boeing samþykkir að játa sök og greiða 34 milljarða sekt Sjá meira
Dominique de Villepin, forsætisráðherra Frakklands, kom til varnar Christian Streiff, forstjóra Airbus, í sjónvarpsviðtali í gær og sagði enga ástæðu fyrir hann að segja upp. EADS, móðurfélag Airbus, hefur ekki samþykkt hagræðingarhugmyndir Streiffs nema að hluta, sem hann lagði fram eftir að flugvélaframleiðandinn greindi frá því í síðustu viku að afhending A380 risaþotum frá fyrirtækinu myndi dragast fram á næsta ár. Þá hefur þýska dagblaðið Allgemeine Zeitung birt frétt þess efnis að EADS leiti með logandi ljósi að eftirmanni Streiffs. Verði af uppsögn hans þykir líklegt að það verði enn eitt áfallið fyrir EADS, en gengi hlutabréfa í fyrirtækinu hefur hríðfallið eftir að afhending risaþotanna A380 hefur tvívegis tafist. Afhendingin er nú þegar tveimur árum á eftir áætlun. Streiff hefur einungis vermt forstjórastólinn í þrjá mánuði en hann var kallaður til starfa í lok júlí eftir að Gustav Humbert, fyrrum forstjóri Airbus, tók poka sinn. Haft hefur verið eftir Streiff að umfangsmikillar endurskipulagningar á rekstri Airbus sé þörf og kveða hugmyndir hans á um allt að 30 prósenta hagræðingar í rekstrinum. Slíkt myndi hafa í för með sér nokkrar uppsagnir í Toulouse í Frakklandi og í Hamborg í Þýskalandi. Angela Merkel, kanslari Þýskalands, og Jacques Chirac, forseti Frakklands, hittast í París í Frakklandi á fimmtudag og munu ræða um Airbus. Ríkisstjórnir beggja landa og fyrirtæki fara með stóra hluti í EADS, móðurfélagi Airbus. Franska ríkið á 15 prósenta hlut í félaginu en þýski bílaframleiðandinn DaimlerChrysler og franska fjölmiðlasamsteypan Lagarde eiga sömuleiðis stóra hluti. Þau munu þó vera að íhuga að minnka þá talsvert eða niður í 22,5 prósent og 7,5 prósent.
Erlent Fréttir Viðskipti Mest lesið Kaupum meira og meira þrátt fyrir mikla verðbólgu Neytendur Ritúalið verður að Skjóli Viðskipti innlent Lágvöruverðsverslunin Prís opnar í dag Neytendur Reiknar með því að Bónus sjái Prís sem áskorun Neytendur Engin hópuppsögn í júlí Viðskipti innlent Öllu starfsfólki kollagenvinnslu í Grindavík sagt upp Viðskipti innlent Temu kaupin getu hæglega orðið að fíkn Neytendur Verðstríð að hefjast á matvörumarkaði Neytendur Litlu fyrirtækin: Upplifa sjálfbærni sem aukavinnu og vesen Atvinnulíf Ósáttur við að fyrrum eigandi Skagans 3X standi í vegi endurreisnar Viðskipti innlent Fleiri fréttir Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Stærstu fyrirtækin orðið af 747 milljörðum Taylor Swift talin valda verðbólgu í Bretlandi Flytur fyrirtækin vegna löggjafar um trans börn Boeing samþykkir að játa sök og greiða 34 milljarða sekt Sjá meira