Scorsese líklegur til afreka 15. janúar 2007 10:00 Helen Mirren gæti orðið sigursæl á árinu en hún þykir líkleg til að hreppa Gullhnöttinn fyrir frammistöðu sína í The Queen. Gullhnötturinn, eða Golden Globe, verður afhentur í kvöld en verðlaunin þykja gefa sterka vísbendingu um hvað koma skal á Óskarnum. Samkvæmt vefsíðunni Envelope.com er baráttan nokkuð hörð þetta árið enda hafa kvikmyndirnar skipt tilnefningum nokkuð jafnt sín á milli þetta árið. Helen Mirr-en er talin nokkuð örugg um Gullhnöttinn fyrir frammistöðu sína í The Queen en baráttan er ögn harðari hjá körlunum. Forest Whitaker, sem þykir fara hamförum í hlutverki Idi Amin í Last King of Scotland, hefur ívið betur gegn Leonardo DiCaprio og skiptir þar mestu máli að sá síðarnefndi er tilnefndur fyrir tvær myndir, The Departed og Blood Diamond. Heldur harðnar baráttan þegar rýnt er í líkurnar á hvaða kvikmynd stendur uppi sem sigurvegari í flokknum besta dramatíska myndin en The Departed og Babel skera sig nokkuð úr en að öllum líkindum verður það hin harðsoðna glæpamynd sem stendur upp úr. Brad Pitt ætti ekki að gráta það þótt hann leiki aðalhlutverkið í Babel því hann er einn af þremur framleiðendum The Departed. Því hefur verið fleygt fram í kvikmyndaborginni að nú sé loksins komið að leikstjóranum Martin Scorsese að fara heim með helstu verðlaunin þetta árið og sjá margir fyrir sér að Scorsese hreppi Gullhnöttinn fyrir leikstjórn sína í The Departed og að það sé bara upphafið að sigri hans á Óskarnum. Scorsese keppir reyndar við þungavigtarmanninn Clint Eastwood sem er tilnefndur fyrir báðar myndirnar sínar um innrás Bandaríkjahers á Iwo Jima auk Stephen Frears fyrir The Queen, Alejandro Gonzalez Inarritu, leikstjóra Babel. Samtök erlendra fréttamanna í Hollywood standa að Golden Globe og auk þess að verðlauna kvikmyndaiðnaðinn eru veitt verðlaun fyrir bestu frammistöðuna í sjónvarpi. Þar verða margir góðkunningjar íslenskra sjónvarpsáhorfenda í eldlínunni en 24, Grey‘s Anatomy, Heroes, Lost og Big Love keppa um eftirsóttustu verðlaunin sem besti „dramatíski“ sjónvarpsþátturinn. Mest lesið Dró Antonio grunlausan með sér í Gamla bíó Lífið Svanhildur selur 500 fermetra höll í Akrahverfinu Lífið Forsetagæinn hyggst hlaupa sitt lengsta hlaup til þessa Lífið Fundu ástina á ný eftir skilnað Lífið Sjáðu myndirnar frá Ungfrú Ísland Lífið Sunneva og Tanja ræða lýtaaðgerðirnar sínar Lífið Fimm ákærðir í tengslum við andlát Perry Lífið Hjólakeppnin Grefillinn nýtur sífellt meiri vinsælda Lífið samstarf Syntu í hverri einustu laug landsins Lífið Borgaði tvöfalt meira fyrir miklu minna Lífið Fleiri fréttir Ljósbrot í forvali til Evrópsku kvikmyndaverðlaunanna Ólafur Darri og Hera Hilmars saman á skjánum í fyrsta sinn Lynch ólíklegur til að leikstýra aftur vegna Covidhræðslu Stórstjörnur í kvikmynd um fundinn í Höfða Fékk yfir sig olíugusu við tökur á sjónvarpsþáttum Robert Downey Jr snýr aftur í Marvel-heima Stikla úr ungstjörnumyndinni sem sló í gegn í Cannes „Það er frábært bíóveður“ Íslendingar tilnefndir til Emmy-verðlauna Tobey Maguire er á landinu Fyrsta stiklan úr Gladiator II Jon Landau er látinn Brad Pitt í mynd um Formúlu 1 í framleiðslu Hamilton Sjá meira
Gullhnötturinn, eða Golden Globe, verður afhentur í kvöld en verðlaunin þykja gefa sterka vísbendingu um hvað koma skal á Óskarnum. Samkvæmt vefsíðunni Envelope.com er baráttan nokkuð hörð þetta árið enda hafa kvikmyndirnar skipt tilnefningum nokkuð jafnt sín á milli þetta árið. Helen Mirr-en er talin nokkuð örugg um Gullhnöttinn fyrir frammistöðu sína í The Queen en baráttan er ögn harðari hjá körlunum. Forest Whitaker, sem þykir fara hamförum í hlutverki Idi Amin í Last King of Scotland, hefur ívið betur gegn Leonardo DiCaprio og skiptir þar mestu máli að sá síðarnefndi er tilnefndur fyrir tvær myndir, The Departed og Blood Diamond. Heldur harðnar baráttan þegar rýnt er í líkurnar á hvaða kvikmynd stendur uppi sem sigurvegari í flokknum besta dramatíska myndin en The Departed og Babel skera sig nokkuð úr en að öllum líkindum verður það hin harðsoðna glæpamynd sem stendur upp úr. Brad Pitt ætti ekki að gráta það þótt hann leiki aðalhlutverkið í Babel því hann er einn af þremur framleiðendum The Departed. Því hefur verið fleygt fram í kvikmyndaborginni að nú sé loksins komið að leikstjóranum Martin Scorsese að fara heim með helstu verðlaunin þetta árið og sjá margir fyrir sér að Scorsese hreppi Gullhnöttinn fyrir leikstjórn sína í The Departed og að það sé bara upphafið að sigri hans á Óskarnum. Scorsese keppir reyndar við þungavigtarmanninn Clint Eastwood sem er tilnefndur fyrir báðar myndirnar sínar um innrás Bandaríkjahers á Iwo Jima auk Stephen Frears fyrir The Queen, Alejandro Gonzalez Inarritu, leikstjóra Babel. Samtök erlendra fréttamanna í Hollywood standa að Golden Globe og auk þess að verðlauna kvikmyndaiðnaðinn eru veitt verðlaun fyrir bestu frammistöðuna í sjónvarpi. Þar verða margir góðkunningjar íslenskra sjónvarpsáhorfenda í eldlínunni en 24, Grey‘s Anatomy, Heroes, Lost og Big Love keppa um eftirsóttustu verðlaunin sem besti „dramatíski“ sjónvarpsþátturinn.
Mest lesið Dró Antonio grunlausan með sér í Gamla bíó Lífið Svanhildur selur 500 fermetra höll í Akrahverfinu Lífið Forsetagæinn hyggst hlaupa sitt lengsta hlaup til þessa Lífið Fundu ástina á ný eftir skilnað Lífið Sjáðu myndirnar frá Ungfrú Ísland Lífið Sunneva og Tanja ræða lýtaaðgerðirnar sínar Lífið Fimm ákærðir í tengslum við andlát Perry Lífið Hjólakeppnin Grefillinn nýtur sífellt meiri vinsælda Lífið samstarf Syntu í hverri einustu laug landsins Lífið Borgaði tvöfalt meira fyrir miklu minna Lífið Fleiri fréttir Ljósbrot í forvali til Evrópsku kvikmyndaverðlaunanna Ólafur Darri og Hera Hilmars saman á skjánum í fyrsta sinn Lynch ólíklegur til að leikstýra aftur vegna Covidhræðslu Stórstjörnur í kvikmynd um fundinn í Höfða Fékk yfir sig olíugusu við tökur á sjónvarpsþáttum Robert Downey Jr snýr aftur í Marvel-heima Stikla úr ungstjörnumyndinni sem sló í gegn í Cannes „Það er frábært bíóveður“ Íslendingar tilnefndir til Emmy-verðlauna Tobey Maguire er á landinu Fyrsta stiklan úr Gladiator II Jon Landau er látinn Brad Pitt í mynd um Formúlu 1 í framleiðslu Hamilton Sjá meira