Aðskilnaður á ýmsa vegu 24. janúar 2007 10:00 Ólafur við æfingar í Silfurtunglssalnum. MYND/Vilhelm Verkið „50 Ways to Leave Your Lover“ verður frumsýnt í Silfurtunglinu í Austurbæ á föstudagskvöld, 26. janúar. Þetta er einleikur sem fjallar um uppgjör ungs manns við ástina sem hann kynntist og einverunni þá ástin hefur yfirgefið hann. Sögu hans heyrum við frá tveimur skeiðum í lífi hans: annarsvegar fyrir dauða hans og hinsvegar eftir. Ungi maðurinn reynir að skilja atburðinn sem átti sér stað á sama tíma og hann veltir fyrir sér örlögum manneskjunnar sem hann varð ástfanginn af. Verkið varpar fram spurningum um hvað verður um manneskjuna þegar hún upplifir mikla einsemd og óréttlæti af völdum samfélagsins. Hvað verður um einmana sál þegar hún er svipt frelsinu og er látin gjalda fyrir verknað sem hún ekki framdi. Geta allir orðið að ófreskjum ef þeir eru settar í ákveðnar aðstæður? Fimmtíu leiðir til skilnaðar eða „50 Ways to Leave Your Lover“ eins og höfundurinn kýs að kalla verkið er leikinn af Ólafi S.K. Þorvaldz leikara, en hann er einnig höfundur. Titillinn er sóttur í frægt dægurlag eftir bandaríska listamanninn Paul Simon. Verkið var fyrst sett upp í London undir nafninu „Memoirs“ árið 2003. Þá var það leikið af Stian Olderkjær og Trevor Bishop undir leikstjórn Ólafs. Ólafur þýddi síðan verkið og endurskrifaði, með það í huga að setja það upp með einum leikara. Leikstjóri verksins nú er Agnar Jón Egilsson. Verkið er flutt í gamla Silfurtunglssalnum á efri hæð Austurbæjar - Austurbæjarbíós. Hefur salurinn verið færður í stand frá fyrra ástandi en Sambíóin breyttu honum í kvikmyndasal á sínum tíma. Eru áætlaðar fjórar sýningar á verkin, fyrst á föstudag og laugardag um þessa helgi og síðan sömu daga í næstu viku. Ólafur S.K. Þorvaldz útskrifaðist frá Arts Educational School of Acting í London árið 2003. Ólafur stofnaði leikhópinn „Children of Loki“ árið 2003 á meðan hann var enn í námi. „Children of Loki“ starfaði í 2 ár og setti upp 3 sýningar - allar eftir Ólaf. Tvær þeirra voru settar upp í London og ein í Edinborg. Ólafur fluttist til Íslands í byrjun árs 2005. Ólafur vann tvær sýningar með sjálfstæðum leikhópum sem sýndar voru í Borgarleikhúsinu. Sú fyrri var „American Diplomacy“ í leikstjórn Þorleifs Arnar Arnarssonar og sú síðari „Riðið inní sólarlagið“ í leikstjórn Odds Bjarna Þorkelssonar. Ólafur lék einnig í verðlaunaleikritinu „Hafið bláa“ í leikstjórn Agnars Jóns Egilssonar. Ólafur hefur leikstýrt og sett upp sýningar, allar skrifaðar af honum, með framhaldsskólum og sjálfstæðum leikhópum. Ólafur hefur einnig unnið við kennslu, með börnum og unglingum, hjá Barna- og unglingaleikhúsi Austurbæjar. Mest lesið Dró Antonio grunlausan með sér í Gamla bíó Lífið Sjáðu myndirnar frá Ungfrú Ísland Lífið Búið spil Lífið Dóttir Snæfríðar og Högna komin með nafn Lífið Margverðlaunaður garður með sólskini allan daginn Lífið Svanhildur selur 500 fermetra höll í Akrahverfinu Lífið Syntu í hverri einustu laug landsins Lífið Fundu ástina á ný eftir skilnað Lífið Forsetagæinn hyggst hlaupa sitt lengsta hlaup til þessa Lífið Sunneva og Tanja ræða lýtaaðgerðirnar sínar Lífið Fleiri fréttir Ljósbrot í forvali til Evrópsku kvikmyndaverðlaunanna Ólafur Darri og Hera Hilmars saman á skjánum í fyrsta sinn Lynch ólíklegur til að leikstýra aftur vegna Covidhræðslu Stórstjörnur í kvikmynd um fundinn í Höfða Fékk yfir sig olíugusu við tökur á sjónvarpsþáttum Robert Downey Jr snýr aftur í Marvel-heima Stikla úr ungstjörnumyndinni sem sló í gegn í Cannes „Það er frábært bíóveður“ Íslendingar tilnefndir til Emmy-verðlauna Tobey Maguire er á landinu Fyrsta stiklan úr Gladiator II Jon Landau er látinn Brad Pitt í mynd um Formúlu 1 í framleiðslu Hamilton Sjá meira
Verkið „50 Ways to Leave Your Lover“ verður frumsýnt í Silfurtunglinu í Austurbæ á föstudagskvöld, 26. janúar. Þetta er einleikur sem fjallar um uppgjör ungs manns við ástina sem hann kynntist og einverunni þá ástin hefur yfirgefið hann. Sögu hans heyrum við frá tveimur skeiðum í lífi hans: annarsvegar fyrir dauða hans og hinsvegar eftir. Ungi maðurinn reynir að skilja atburðinn sem átti sér stað á sama tíma og hann veltir fyrir sér örlögum manneskjunnar sem hann varð ástfanginn af. Verkið varpar fram spurningum um hvað verður um manneskjuna þegar hún upplifir mikla einsemd og óréttlæti af völdum samfélagsins. Hvað verður um einmana sál þegar hún er svipt frelsinu og er látin gjalda fyrir verknað sem hún ekki framdi. Geta allir orðið að ófreskjum ef þeir eru settar í ákveðnar aðstæður? Fimmtíu leiðir til skilnaðar eða „50 Ways to Leave Your Lover“ eins og höfundurinn kýs að kalla verkið er leikinn af Ólafi S.K. Þorvaldz leikara, en hann er einnig höfundur. Titillinn er sóttur í frægt dægurlag eftir bandaríska listamanninn Paul Simon. Verkið var fyrst sett upp í London undir nafninu „Memoirs“ árið 2003. Þá var það leikið af Stian Olderkjær og Trevor Bishop undir leikstjórn Ólafs. Ólafur þýddi síðan verkið og endurskrifaði, með það í huga að setja það upp með einum leikara. Leikstjóri verksins nú er Agnar Jón Egilsson. Verkið er flutt í gamla Silfurtunglssalnum á efri hæð Austurbæjar - Austurbæjarbíós. Hefur salurinn verið færður í stand frá fyrra ástandi en Sambíóin breyttu honum í kvikmyndasal á sínum tíma. Eru áætlaðar fjórar sýningar á verkin, fyrst á föstudag og laugardag um þessa helgi og síðan sömu daga í næstu viku. Ólafur S.K. Þorvaldz útskrifaðist frá Arts Educational School of Acting í London árið 2003. Ólafur stofnaði leikhópinn „Children of Loki“ árið 2003 á meðan hann var enn í námi. „Children of Loki“ starfaði í 2 ár og setti upp 3 sýningar - allar eftir Ólaf. Tvær þeirra voru settar upp í London og ein í Edinborg. Ólafur fluttist til Íslands í byrjun árs 2005. Ólafur vann tvær sýningar með sjálfstæðum leikhópum sem sýndar voru í Borgarleikhúsinu. Sú fyrri var „American Diplomacy“ í leikstjórn Þorleifs Arnar Arnarssonar og sú síðari „Riðið inní sólarlagið“ í leikstjórn Odds Bjarna Þorkelssonar. Ólafur lék einnig í verðlaunaleikritinu „Hafið bláa“ í leikstjórn Agnars Jóns Egilssonar. Ólafur hefur leikstýrt og sett upp sýningar, allar skrifaðar af honum, með framhaldsskólum og sjálfstæðum leikhópum. Ólafur hefur einnig unnið við kennslu, með börnum og unglingum, hjá Barna- og unglingaleikhúsi Austurbæjar.
Mest lesið Dró Antonio grunlausan með sér í Gamla bíó Lífið Sjáðu myndirnar frá Ungfrú Ísland Lífið Búið spil Lífið Dóttir Snæfríðar og Högna komin með nafn Lífið Margverðlaunaður garður með sólskini allan daginn Lífið Svanhildur selur 500 fermetra höll í Akrahverfinu Lífið Syntu í hverri einustu laug landsins Lífið Fundu ástina á ný eftir skilnað Lífið Forsetagæinn hyggst hlaupa sitt lengsta hlaup til þessa Lífið Sunneva og Tanja ræða lýtaaðgerðirnar sínar Lífið Fleiri fréttir Ljósbrot í forvali til Evrópsku kvikmyndaverðlaunanna Ólafur Darri og Hera Hilmars saman á skjánum í fyrsta sinn Lynch ólíklegur til að leikstýra aftur vegna Covidhræðslu Stórstjörnur í kvikmynd um fundinn í Höfða Fékk yfir sig olíugusu við tökur á sjónvarpsþáttum Robert Downey Jr snýr aftur í Marvel-heima Stikla úr ungstjörnumyndinni sem sló í gegn í Cannes „Það er frábært bíóveður“ Íslendingar tilnefndir til Emmy-verðlauna Tobey Maguire er á landinu Fyrsta stiklan úr Gladiator II Jon Landau er látinn Brad Pitt í mynd um Formúlu 1 í framleiðslu Hamilton Sjá meira