Landsfundur óákveðinna 5. mars 2007 00:01 Almenn samstaða hefur náðst um að landsfundur óákveðinna kjósenda verði annaðhvort haldinn eða ekki haldinn áður en framboðsfrestur fyrir næstu alþingiskosningar rennur út, samkvæmt skoðanakönnun sem Fréttablaðið lét gera og mun birtast í Morgunblaðinu eftir nokkra daga. Í UMHVERFISMÁLUM er líklegt að þeir sem eru hlynntir tekjum af stóriðju en mótfallnir mengun muni leggja til að stefnt verði að því að byggja raforkuver sem lengst frá mannabyggðum en staðsetja verksmiðjur hins vegar í byggðakjörnum til að stytta leið starfsmanna í vinnu og lágmarka þannig mengun frá bifreiðum þeirra. Í sjávarútvegsmálum liggur fyrir málamiðlunartillaga um að Atlantshafinu verði breytt í hlutafélag í opinberri eigu, Atlantshafið ohf. og eignarhaldið verði hjá þjóðinni en afnotarétturinn hjá þeim sem skilja reglugerðir sjávarútvegsráðuneytisins. Í BYGGÐAMÁLUM er meirihluti fyrir tillögu um að skilgreina öll svæði utan Gullbringu- og Kjósarsýslu sem frístundabyggð með tilheyrandi þjónustustigi. Lögð verður áhersla á jafnrétti kynjanna með því að binda í lög að konur skuli framvegis hafa sömu laun fyrir sömu vinnu og karlmenn hafa áður unnið og skuli konur jafnan sitja fyrir þeim störfum sem losna er karlmenn fá stöðuhækkun og færast upp um launaflokk. Í EFNAHAGSMÁLUM liggur fyrir tillaga um að tekið verði upp svonefnt verðbólguálag sem lagt verði ofan á vísitölubætur af lánum og renni óskert til íslenskra banka og lánastofnana til að gera þeim kleift að standast erlenda samkeppni án þess að hækka þjónustugjöld sín. BÚIST er við að nokkur átök verði á fundum milli þeirra sem eru óákveðnir í stuðningi sínum við stjórnina og þeirra sem eru óákveðnir í stuðningi við stjórnarandstöðuflokka. Hugsanleg er sú málamiðlun að samþykkt verði að knýja á um tímabærar og nauðsynlegar breytingar sem hægt verði að framkvæma án þess að breyting verði á daglegu lífi einstakra kjósenda. Mikil þátttaka var í þessari könnun og svarhlutfall óákveðinna rétt um 51%. Viltu birta grein á Vísi? Sendu okkur póst. Senda grein Mest lesið „Naktir elskendur, Helga og Bjarni, liggja í faðmlögum, handleggjabenda á rauðum rúmfötum, umvafin mildri birtu“ Sigþór U. Hallfreðsson Skoðun Er eitt næturgaman þess virði? Reynir Böðvarsson Skoðun 10 staðreyndir um verðbólgu og ríkisfjármál Konráð S. Guðjónsson Skoðun Læknar, heilbrigðisstarfsfólk og lykill að lausninni Áslaug Arna Sigurbjörnsdóttir Skoðun Krossinn er fallegur Skoðun Vaxtalækkun eða neyðarlög Ragnar Þór Ingólfsson,Ásthildur Lóa Þórsdóttir Skoðun Veðjað á rétta skólann Pawel Bartoszek Skoðun Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun Innviðir og orkuskipti Sigurður Ingi Friðleifsson Skoðun Kirkjugarðar, minningarreitir og eða grafreitir Bryndís Haraldsdóttir Skoðun
Almenn samstaða hefur náðst um að landsfundur óákveðinna kjósenda verði annaðhvort haldinn eða ekki haldinn áður en framboðsfrestur fyrir næstu alþingiskosningar rennur út, samkvæmt skoðanakönnun sem Fréttablaðið lét gera og mun birtast í Morgunblaðinu eftir nokkra daga. Í UMHVERFISMÁLUM er líklegt að þeir sem eru hlynntir tekjum af stóriðju en mótfallnir mengun muni leggja til að stefnt verði að því að byggja raforkuver sem lengst frá mannabyggðum en staðsetja verksmiðjur hins vegar í byggðakjörnum til að stytta leið starfsmanna í vinnu og lágmarka þannig mengun frá bifreiðum þeirra. Í sjávarútvegsmálum liggur fyrir málamiðlunartillaga um að Atlantshafinu verði breytt í hlutafélag í opinberri eigu, Atlantshafið ohf. og eignarhaldið verði hjá þjóðinni en afnotarétturinn hjá þeim sem skilja reglugerðir sjávarútvegsráðuneytisins. Í BYGGÐAMÁLUM er meirihluti fyrir tillögu um að skilgreina öll svæði utan Gullbringu- og Kjósarsýslu sem frístundabyggð með tilheyrandi þjónustustigi. Lögð verður áhersla á jafnrétti kynjanna með því að binda í lög að konur skuli framvegis hafa sömu laun fyrir sömu vinnu og karlmenn hafa áður unnið og skuli konur jafnan sitja fyrir þeim störfum sem losna er karlmenn fá stöðuhækkun og færast upp um launaflokk. Í EFNAHAGSMÁLUM liggur fyrir tillaga um að tekið verði upp svonefnt verðbólguálag sem lagt verði ofan á vísitölubætur af lánum og renni óskert til íslenskra banka og lánastofnana til að gera þeim kleift að standast erlenda samkeppni án þess að hækka þjónustugjöld sín. BÚIST er við að nokkur átök verði á fundum milli þeirra sem eru óákveðnir í stuðningi sínum við stjórnina og þeirra sem eru óákveðnir í stuðningi við stjórnarandstöðuflokka. Hugsanleg er sú málamiðlun að samþykkt verði að knýja á um tímabærar og nauðsynlegar breytingar sem hægt verði að framkvæma án þess að breyting verði á daglegu lífi einstakra kjósenda. Mikil þátttaka var í þessari könnun og svarhlutfall óákveðinna rétt um 51%.
„Naktir elskendur, Helga og Bjarni, liggja í faðmlögum, handleggjabenda á rauðum rúmfötum, umvafin mildri birtu“ Sigþór U. Hallfreðsson Skoðun
Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun
„Naktir elskendur, Helga og Bjarni, liggja í faðmlögum, handleggjabenda á rauðum rúmfötum, umvafin mildri birtu“ Sigþór U. Hallfreðsson Skoðun
Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun