Air: Pocket Symphony - fjórar stjörnur 13. mars 2007 08:45 Air heldur áfram á sömu braut og áður með Pocket Symphony. Enn ein frábær plata frá einni merkilegustu hljómsveit Frakka. Ef tilvera ykkar í stórborginni Reykjavík heldur ykkur of föstum tökum til þess að þið getið fundið tækifæri til þess að flýja í rólega helgarferð í sumarbústaðinn er alveg óhætt að mæla með þessari nýju Air-plötu sem sárabót. Hún snertir svipaða sálarstrengi og svoleiðis aftenging og gerir hlustandanum það kleift að flýja inn í rólegri veröld í smá stund til þess að flýja stress hversdagsleikans. Þótt heimsóknin endist ekki nema í þær tæpu 50 mínútur sem það tekur plötuna að renna í gegn, er varla hægt að ímynda sér betra andlegt nudd. Pocket Symphony hefur svo þægilega róandi áhrif að um stund er hægt að gleyma því að Air er ein af þessum fáu sveitum sem taka engum stökkbreytingum á milli platna hvað varðar stíl eða nálgun. Hljómheimur frönsku forleikskónganna er hér nákvæmlega sá sami og áður. Fáar hljómsveitir komast upp með þetta, en Air nær einhvern veginn alltaf tökum á mér. Stíllinn er líka svo gjörsamlega þeirra eigin að ef þeir skiptu um stíl væri jafn ómögulegt að aðlagast því og ef kóka kóla yrði allt í einu gert glært og selt í gulum umbúðum. Kassagítarinn er áberandi, sem gerir það að verkum að sum lögin minna örlítið á Space Oddity með Bowie, en áhrif frá Gainsbourg og Jean-Michel Jarre eru ennþá sterk. Kassagítarinn færir líka notalegan blómabarnablæ sem á vel við. Þannig minnir þessi plata Air svolítið á síðustu plötu Zero 7 sem er undarlegt í ljósi þess að sú sveit hefur alltaf verið undir sterkum áhrifum frá þessari. Þannig heldur Air þeim eilífu vangaveltum um hænuna og eggið lifandi. Jarvis Cocker úr Pulp og Neil Hannon koma báðir við sögu, en flest lögin eru sungin af Fransmönnunum sjálfum. Eitthvað sem þeir hófu að gera af alvöru á síðustu plötu, meistarastykkinu Talkie Walkie, mér til mikillar ánægju. Ég myndi seint skrifa undir það að Jarvis sé góður söngvari, en hann hefur áru og nærveru sem fáir geta falsað. Hann syngur eitt besta lag plötunnar, One Hell of a Party, og þó að ég hafi ótæmandi virðingu fyrir manninum held ég að það hefði hljómað betur með söngvara sem syngur meira en hann muldrar. Pocket Symphony er enn ein frábær plata frá Air og ég hef það á tilfinningunni að hún eigi eftir að eiga langan líftíma í græjunum mínum. Að lokum leyfi ég mér að fullyrða að fleiri börn hafa komið undir í heiminum við tóna Air en nokkurrar annarrar franskrar hljómsveitar frá upphafi. Air er ekki blaðra full af lofti, heldur ást í poka sem ekki má loka. Nóg til handa öllum sem vilja. Birgir Örn Steinarsson Mest lesið Falska söngkonan á leið í meðferð Lífið Tíu myndarleg einbýlishús á höfuðborgarsvæðinu Lífið Eva segir lífið betra með Kára Stefáns Lífið Erfið lífsreynsla að þurfa að yfirgefa heimili sitt Lífið Sara Davíðs fann ástina í örmum flugstjóra Lífið Hélt niðri í sér hlátrinum yfir fölskum þjóðsöngnum Lífið Gísli Pálmi í fótbolta með Barry Keoghan Lífið Hildur Vala og Kjartan keyptu raðhús í Fossvogi Lífið „Unun að troðið sé á manni þegar svona er“ Lífið Logi Bergmann var tekinn Lífið Fleiri fréttir Myndaveisla: Almennilegt rigningardjamm á Kótelettunni Iceguys dansandi í handjárnum Retro Stefson koma aftur saman Portú-galin stemning hjá Villa Netó Herbert og Patrik leika við hvern sinn fingur í nýju myndbandi Þurfti að vinda skyrtuna eftir tryllt gigg í Víetnam Lætur langþráðan draum rætast og gefur út óð til grínsins Hugmyndin var að kveikja bókstaflega í Emmsjé Gauta Lesbíska dragdrottningin sem er að sigra tónlistarheiminn Sterk sumarást í sveitinni kveikti áhugann á þýskunni Kenndi Kelly Clarkson að bera fram Laufey og Björk Ungstirni gefur út sitt fyrsta lag DJ goðsögn stýrði trylltum dansi „Fólkið er kjarni Þjóðhátíðar og ég vildi sýna það“ Er ósigrandi á sviði og sækir orkuna niður í jörð Nýjasta súperstjarna heimsins „Stefni út í heim og er með stóra drauma“ Scooter til landsins með risatónleika í Laugardalshöll Maðurinn sem uppgötvaði Bieber kveður bransann Öxar við ána nú til í salsaútgáfu Lofar svakalegri veislu „Ég hef aldrei reynt að verða nokkur skapaður hlutur“ Frikki Dór er til í allt í þriðja skiptið Frikki fellir heimsmetið á miðnætti með Steinda jr. beran að ofan Lykilmaður íslensku rappsenunnar stígur inn í sviðsljósið „Country tónlist er ekki lengur bara sakbitin sæla“ Björgvin Halldórs kveður jólagesti í desember Myndaveisla: Patrik fagnaði PBT 2.0 með tónlistarveislu við höfnina Króli gat ekki hugsað um neitt annað en Bjór Leitt að geta ekki auglýst leynivopnið sem myndi trekkja að Sjá meira
Ef tilvera ykkar í stórborginni Reykjavík heldur ykkur of föstum tökum til þess að þið getið fundið tækifæri til þess að flýja í rólega helgarferð í sumarbústaðinn er alveg óhætt að mæla með þessari nýju Air-plötu sem sárabót. Hún snertir svipaða sálarstrengi og svoleiðis aftenging og gerir hlustandanum það kleift að flýja inn í rólegri veröld í smá stund til þess að flýja stress hversdagsleikans. Þótt heimsóknin endist ekki nema í þær tæpu 50 mínútur sem það tekur plötuna að renna í gegn, er varla hægt að ímynda sér betra andlegt nudd. Pocket Symphony hefur svo þægilega róandi áhrif að um stund er hægt að gleyma því að Air er ein af þessum fáu sveitum sem taka engum stökkbreytingum á milli platna hvað varðar stíl eða nálgun. Hljómheimur frönsku forleikskónganna er hér nákvæmlega sá sami og áður. Fáar hljómsveitir komast upp með þetta, en Air nær einhvern veginn alltaf tökum á mér. Stíllinn er líka svo gjörsamlega þeirra eigin að ef þeir skiptu um stíl væri jafn ómögulegt að aðlagast því og ef kóka kóla yrði allt í einu gert glært og selt í gulum umbúðum. Kassagítarinn er áberandi, sem gerir það að verkum að sum lögin minna örlítið á Space Oddity með Bowie, en áhrif frá Gainsbourg og Jean-Michel Jarre eru ennþá sterk. Kassagítarinn færir líka notalegan blómabarnablæ sem á vel við. Þannig minnir þessi plata Air svolítið á síðustu plötu Zero 7 sem er undarlegt í ljósi þess að sú sveit hefur alltaf verið undir sterkum áhrifum frá þessari. Þannig heldur Air þeim eilífu vangaveltum um hænuna og eggið lifandi. Jarvis Cocker úr Pulp og Neil Hannon koma báðir við sögu, en flest lögin eru sungin af Fransmönnunum sjálfum. Eitthvað sem þeir hófu að gera af alvöru á síðustu plötu, meistarastykkinu Talkie Walkie, mér til mikillar ánægju. Ég myndi seint skrifa undir það að Jarvis sé góður söngvari, en hann hefur áru og nærveru sem fáir geta falsað. Hann syngur eitt besta lag plötunnar, One Hell of a Party, og þó að ég hafi ótæmandi virðingu fyrir manninum held ég að það hefði hljómað betur með söngvara sem syngur meira en hann muldrar. Pocket Symphony er enn ein frábær plata frá Air og ég hef það á tilfinningunni að hún eigi eftir að eiga langan líftíma í græjunum mínum. Að lokum leyfi ég mér að fullyrða að fleiri börn hafa komið undir í heiminum við tóna Air en nokkurrar annarrar franskrar hljómsveitar frá upphafi. Air er ekki blaðra full af lofti, heldur ást í poka sem ekki má loka. Nóg til handa öllum sem vilja. Birgir Örn Steinarsson
Mest lesið Falska söngkonan á leið í meðferð Lífið Tíu myndarleg einbýlishús á höfuðborgarsvæðinu Lífið Eva segir lífið betra með Kára Stefáns Lífið Erfið lífsreynsla að þurfa að yfirgefa heimili sitt Lífið Sara Davíðs fann ástina í örmum flugstjóra Lífið Hélt niðri í sér hlátrinum yfir fölskum þjóðsöngnum Lífið Gísli Pálmi í fótbolta með Barry Keoghan Lífið Hildur Vala og Kjartan keyptu raðhús í Fossvogi Lífið „Unun að troðið sé á manni þegar svona er“ Lífið Logi Bergmann var tekinn Lífið Fleiri fréttir Myndaveisla: Almennilegt rigningardjamm á Kótelettunni Iceguys dansandi í handjárnum Retro Stefson koma aftur saman Portú-galin stemning hjá Villa Netó Herbert og Patrik leika við hvern sinn fingur í nýju myndbandi Þurfti að vinda skyrtuna eftir tryllt gigg í Víetnam Lætur langþráðan draum rætast og gefur út óð til grínsins Hugmyndin var að kveikja bókstaflega í Emmsjé Gauta Lesbíska dragdrottningin sem er að sigra tónlistarheiminn Sterk sumarást í sveitinni kveikti áhugann á þýskunni Kenndi Kelly Clarkson að bera fram Laufey og Björk Ungstirni gefur út sitt fyrsta lag DJ goðsögn stýrði trylltum dansi „Fólkið er kjarni Þjóðhátíðar og ég vildi sýna það“ Er ósigrandi á sviði og sækir orkuna niður í jörð Nýjasta súperstjarna heimsins „Stefni út í heim og er með stóra drauma“ Scooter til landsins með risatónleika í Laugardalshöll Maðurinn sem uppgötvaði Bieber kveður bransann Öxar við ána nú til í salsaútgáfu Lofar svakalegri veislu „Ég hef aldrei reynt að verða nokkur skapaður hlutur“ Frikki Dór er til í allt í þriðja skiptið Frikki fellir heimsmetið á miðnætti með Steinda jr. beran að ofan Lykilmaður íslensku rappsenunnar stígur inn í sviðsljósið „Country tónlist er ekki lengur bara sakbitin sæla“ Björgvin Halldórs kveður jólagesti í desember Myndaveisla: Patrik fagnaði PBT 2.0 með tónlistarveislu við höfnina Króli gat ekki hugsað um neitt annað en Bjór Leitt að geta ekki auglýst leynivopnið sem myndi trekkja að Sjá meira