Billjónsdagbók 14,3 14. mars 2007 05:30 ICEX 7.573 þegar ég færði Mallí morgunkaffið, og Dow Jones 12.276 þegar Mallí leit upp frá því að lesa Fréttablaðið og sagði sisona að sig vantaði einhvern innri pörpós með lífinu. „Sjáðu femínistana," sagði hún. „Þær hafa svo mikinn innri pörpós að þær geta séð eitthvað dónalegt út úr Dimmalimm." Ég sagði Mallí að ég kærði mig ekki um að vakna á morgnana við hliðina á innri pörpós. Ég væri fullkomlega sáttur við að hafa bara skilning á hinum utanáliggjandi pörpós með hjónabandinu. Við Baddi í VSOP-fjárfestingum fengum okkur snarl á Vox. Það stefnir í hjá okkur báðum að við þurfum að borga einhvern skatt af rekstrinum hérna heima. Við ræddum möguleikana á að fara með allan okkar bissness til Karíkúrúvúdú. Ég veit ekki hvað Karíkúrúvúdú er. Baddi sagði að það væri smáríki sem hann hefði fundið á Netinu. Þar væri skattur á fyrirtæki 2 prósent og þyrfti ekki að borga neitt fyrstu 20 árin. Fyrirtæki mættu færa bókhald í hvaða gjaldmiðli sem er, jafnvel í rúsínum, en best af öllu að fyrirtæki þyrftu yfirleitt ekki að færa neitt bókhald nema þá bara sér til dundurs. Þetta er freistandi. Bara spurning hvort Mallí finnur einhvern innri pörpós á Karíkúrúvúdú. Fór á skrifstofuna eftir Vox. Dóri skrifstofublók króaði mig af á ganginum og sagði ábúðarmikill að nú væru breyttir tímar. Það stæði til að afnema launaleynd. Hann hefði unnið hjá mér í tólf ár. Nú vildi hann fá að vita í eitt skipti fyrir öll hvað hann hefði í laun. Ég sagðist hafa nó ædía! Launaleyndin hefði virkað svo vel. Ég kaupi fullkomlega þetta frumvarp um að friða maurana með því að setja inn í stjórnarskrána að þeir eigi eitthvað en taka fram um leið að þeir geti ekki átt það í alvörunni af því að menn eins og ég til dæmis eigum það allt saman. Ég dáist að Jóni Sig. Kannski tekst honum að selja kjósendum þá hugmynd að hann geti hreyft sig í stjórnarsamstarfi þó að hann sé geirnegldur við Sjálfstæðisflokkinn. Jón er frábær. Mér finnst að ætti að lýsa hann þjóðareign. Mér líst annars ekki á blikuna ef kosningarnar fara eins og skoðanakannanir segja. Ég meina það. Æ dónt læk ðu blæk. Það hefur verið fínt fyrir viðskiptalífið að nota þumbarann úr Þistilfirðinum sem öryggisventil fyrir nölduróánægju í fólki, en guð hjálpi okkur ef hann fær að valta yfir landið með netlögreglu og klámskyggnum femínistum. Það verða engar framfarir. Engin miðlunarlón. Engir skurðir í Heiðmörk. Maður neyðist til að fara með allan sinn bissness til Karíkúrúvúdú. Ég sef ekki í nótt. Viltu birta grein á Vísi? Sendu okkur póst. Senda grein Bakþankar Mest lesið Glútenlaust gull á grillið Anna Gunndís Guðmundsdóttir Skoðun Heilræði fyrir Nýhaldið Sigmundur Davíð Gunnlaugsson Skoðun Evrópa og myrkrið framundan Hilmar Þór Hilmarsson Skoðun Ferðatryggingar og val á kreditkorti Svandís Edda Hólm Jónudóttir Skoðun Lokunaruppboð í Kauphöllinni Baldur Thorlacius Skoðun Viðreisn mun leggja fram tillögu um íbúakosningu um Coda Terminal verkefnið í Hafnarfirði Jón Ingi Hákonarson Skoðun Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun Ert þú í góðu netsambandi? Áslaug Arna Sigurbjörnsdóttir Skoðun Af hverju að byggja Coda Terminal? Ólafur Elínarson,Sandra Ósk Snæbjörnsdóttir Skoðun Stundum hefur Gunnar Smári rétt fyrir sér Magnús Árni Skjöld Magnússon Skoðun
ICEX 7.573 þegar ég færði Mallí morgunkaffið, og Dow Jones 12.276 þegar Mallí leit upp frá því að lesa Fréttablaðið og sagði sisona að sig vantaði einhvern innri pörpós með lífinu. „Sjáðu femínistana," sagði hún. „Þær hafa svo mikinn innri pörpós að þær geta séð eitthvað dónalegt út úr Dimmalimm." Ég sagði Mallí að ég kærði mig ekki um að vakna á morgnana við hliðina á innri pörpós. Ég væri fullkomlega sáttur við að hafa bara skilning á hinum utanáliggjandi pörpós með hjónabandinu. Við Baddi í VSOP-fjárfestingum fengum okkur snarl á Vox. Það stefnir í hjá okkur báðum að við þurfum að borga einhvern skatt af rekstrinum hérna heima. Við ræddum möguleikana á að fara með allan okkar bissness til Karíkúrúvúdú. Ég veit ekki hvað Karíkúrúvúdú er. Baddi sagði að það væri smáríki sem hann hefði fundið á Netinu. Þar væri skattur á fyrirtæki 2 prósent og þyrfti ekki að borga neitt fyrstu 20 árin. Fyrirtæki mættu færa bókhald í hvaða gjaldmiðli sem er, jafnvel í rúsínum, en best af öllu að fyrirtæki þyrftu yfirleitt ekki að færa neitt bókhald nema þá bara sér til dundurs. Þetta er freistandi. Bara spurning hvort Mallí finnur einhvern innri pörpós á Karíkúrúvúdú. Fór á skrifstofuna eftir Vox. Dóri skrifstofublók króaði mig af á ganginum og sagði ábúðarmikill að nú væru breyttir tímar. Það stæði til að afnema launaleynd. Hann hefði unnið hjá mér í tólf ár. Nú vildi hann fá að vita í eitt skipti fyrir öll hvað hann hefði í laun. Ég sagðist hafa nó ædía! Launaleyndin hefði virkað svo vel. Ég kaupi fullkomlega þetta frumvarp um að friða maurana með því að setja inn í stjórnarskrána að þeir eigi eitthvað en taka fram um leið að þeir geti ekki átt það í alvörunni af því að menn eins og ég til dæmis eigum það allt saman. Ég dáist að Jóni Sig. Kannski tekst honum að selja kjósendum þá hugmynd að hann geti hreyft sig í stjórnarsamstarfi þó að hann sé geirnegldur við Sjálfstæðisflokkinn. Jón er frábær. Mér finnst að ætti að lýsa hann þjóðareign. Mér líst annars ekki á blikuna ef kosningarnar fara eins og skoðanakannanir segja. Ég meina það. Æ dónt læk ðu blæk. Það hefur verið fínt fyrir viðskiptalífið að nota þumbarann úr Þistilfirðinum sem öryggisventil fyrir nölduróánægju í fólki, en guð hjálpi okkur ef hann fær að valta yfir landið með netlögreglu og klámskyggnum femínistum. Það verða engar framfarir. Engin miðlunarlón. Engir skurðir í Heiðmörk. Maður neyðist til að fara með allan sinn bissness til Karíkúrúvúdú. Ég sef ekki í nótt.
Viðreisn mun leggja fram tillögu um íbúakosningu um Coda Terminal verkefnið í Hafnarfirði Jón Ingi Hákonarson Skoðun
Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun
Viðreisn mun leggja fram tillögu um íbúakosningu um Coda Terminal verkefnið í Hafnarfirði Jón Ingi Hákonarson Skoðun
Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun