Krækt í Kvennaskólapíu 21. mars 2007 00:01 Þegar ég var krakki voru sýndar afar óhugnanlegar myndir um skaðsemi reykinga í niðurgröfnum bíósal Álftamýrarskóla þar sem fólk, hægfara sem hemúlar, dró á eftir sér súrefniskúta á milli þess sem það var ambúterað. Ég vissi að hvorugt myndi auðvelda mér lífið og lét því sígaretturnar eiga sig. Oft hef ég hugsað til þess hvað það hefði verið gott ef ég hefði fengið að sjá jafnsláandi myndir um skaðsemi ótæpilegrar sykurneyslu, myndir þar sem fólk hvolfir úr gosbaukunum upp í ginið á sér þar til tennurnar leysast upp í sykri og sýru. Þá hefði mér ef til vill líka tekist að halda mér frá þessu svarta pissi kapítalismans, eins og kókið var kallað í danska kollegíinu mínu hér um árið. Nú er sífellt verið að setja sykurlausa kóladrykki á markaðinn sem eiga að bragðast alveg eins og fyrirmyndirnar. Sá nýjasti heitir Coke Zero. Nokkuð hefur verið fjallað um markaðssetninguna á honum í blöðum að undanförnu en hann er kynntur í netmiðlum og sjónvarpi með setningum eins og þessum: „Af hverju ekki flott pía og Zero púddluhundur?", „Af hverju ekki brjóstahaldari með Zero smellum?" og „Af hverju ekki einkaþjálfari og Zero brúnkukrem?" Þessi atriði eiga illa við íslenskan veruleika, enda er herferðin byggð á annarri útlenskri. Enn virðist að minnsta kosti langt í að púddluhundurinn verði jafnalgengur hjá ungu fólki og kúlulampinn var hjá kynslóðinni minni. Þá sjaldan smáhundar verða á vegi mínum teyma þeir oftast konur sem virðast hafa aldur til að hafa fengið skatthol úr Trésmiðjunni Víði í fermingargjöf. Hugmyndaheimur Coke Zero auglýsinganna á mun frekar við krakkana í O.C., þáttunum á SkjáEinum, en þá sem nú byggja Ísafjörð, Egilsstaði og Árbæ. Bandaríkjamenn líka hafa lagt mörg kvikmyndaatriði undir klaufaskap stráksins sem ekki getur losað brjóstahaldarann af stelpunni og það er einmitt vegna þess á þeim eru EKKI smellur, heldur krækjur. Smellur væru nefnilega afskaplega einfalt fyrirkomulag. Þær eru í raun næsta skref við franskan rennilás. Ég efast líka um að orðið „pía" sé ungu fólki enn jafntamt á tungu og hjá Ríótríóinu hér í den. Vandræðagangurinn í markaðsherferð Vífilsfells með Coke Zero er aftur á móti algjörlega í stíl við drykkinn sjálfan. Hann bragðast nefnilega eins og gamla Spur-ið. Viltu birta grein á Vísi? Sendu okkur póst. Senda grein Gerður Kristný Mest lesið Íslendingar flytja út fisk og líka ofbeldismenn Guðný S. Bjarnadóttir Skoðun 30 silfurpeningar dýralækna? 125.000 lítrar af blóði tappaðir af 4088 merum (með valdi), af eiðsvörðum dýralæknum, 2023 Ole Anton Bieltvedt Skoðun Hver ætlar að bera ábyrgð á mannslífi? Sævar Þór Jónsson Skoðun Opið bréf til heilbrigðisráðherra: Iðjuþjálfar – mikilvægur mannauður í geðheilbrigðisþjónustu framtíðarinnar Erna Rut Elvarsdóttir,Lilja Logadóttir, Rebekka Lind Hjaltadóttir,Sandra Dís Sigurðardóttir Skoðun Saga Israa á Gaza og hvernig hægt er að verða að liði Katrín Harðardóttir,Israa Saed Skoðun Frans páfi kvaddur eða meðtekinn? Bjarni Karlsson Skoðun Horfumst í augu Kristín Thoroddsen Skoðun Er aldur bara tala? Teitur Guðmundsson Skoðun Lægjum öldurnar Halla Hrund Logadóttir Skoðun Iðjuþjálfar í leik- og grunnskólum: Tækifæri í baráttunni gegn agavanda og skólaforðun Hekla Björt Birkisdóttir,Hrefna Dagbjört Arnardóttir,Inga Fríða Guðbjörnsdóttir,Íris Kristrún Kristmundsdóttir Skoðun
Þegar ég var krakki voru sýndar afar óhugnanlegar myndir um skaðsemi reykinga í niðurgröfnum bíósal Álftamýrarskóla þar sem fólk, hægfara sem hemúlar, dró á eftir sér súrefniskúta á milli þess sem það var ambúterað. Ég vissi að hvorugt myndi auðvelda mér lífið og lét því sígaretturnar eiga sig. Oft hef ég hugsað til þess hvað það hefði verið gott ef ég hefði fengið að sjá jafnsláandi myndir um skaðsemi ótæpilegrar sykurneyslu, myndir þar sem fólk hvolfir úr gosbaukunum upp í ginið á sér þar til tennurnar leysast upp í sykri og sýru. Þá hefði mér ef til vill líka tekist að halda mér frá þessu svarta pissi kapítalismans, eins og kókið var kallað í danska kollegíinu mínu hér um árið. Nú er sífellt verið að setja sykurlausa kóladrykki á markaðinn sem eiga að bragðast alveg eins og fyrirmyndirnar. Sá nýjasti heitir Coke Zero. Nokkuð hefur verið fjallað um markaðssetninguna á honum í blöðum að undanförnu en hann er kynntur í netmiðlum og sjónvarpi með setningum eins og þessum: „Af hverju ekki flott pía og Zero púddluhundur?", „Af hverju ekki brjóstahaldari með Zero smellum?" og „Af hverju ekki einkaþjálfari og Zero brúnkukrem?" Þessi atriði eiga illa við íslenskan veruleika, enda er herferðin byggð á annarri útlenskri. Enn virðist að minnsta kosti langt í að púddluhundurinn verði jafnalgengur hjá ungu fólki og kúlulampinn var hjá kynslóðinni minni. Þá sjaldan smáhundar verða á vegi mínum teyma þeir oftast konur sem virðast hafa aldur til að hafa fengið skatthol úr Trésmiðjunni Víði í fermingargjöf. Hugmyndaheimur Coke Zero auglýsinganna á mun frekar við krakkana í O.C., þáttunum á SkjáEinum, en þá sem nú byggja Ísafjörð, Egilsstaði og Árbæ. Bandaríkjamenn líka hafa lagt mörg kvikmyndaatriði undir klaufaskap stráksins sem ekki getur losað brjóstahaldarann af stelpunni og það er einmitt vegna þess á þeim eru EKKI smellur, heldur krækjur. Smellur væru nefnilega afskaplega einfalt fyrirkomulag. Þær eru í raun næsta skref við franskan rennilás. Ég efast líka um að orðið „pía" sé ungu fólki enn jafntamt á tungu og hjá Ríótríóinu hér í den. Vandræðagangurinn í markaðsherferð Vífilsfells með Coke Zero er aftur á móti algjörlega í stíl við drykkinn sjálfan. Hann bragðast nefnilega eins og gamla Spur-ið.
30 silfurpeningar dýralækna? 125.000 lítrar af blóði tappaðir af 4088 merum (með valdi), af eiðsvörðum dýralæknum, 2023 Ole Anton Bieltvedt Skoðun
Opið bréf til heilbrigðisráðherra: Iðjuþjálfar – mikilvægur mannauður í geðheilbrigðisþjónustu framtíðarinnar Erna Rut Elvarsdóttir,Lilja Logadóttir, Rebekka Lind Hjaltadóttir,Sandra Dís Sigurðardóttir Skoðun
Iðjuþjálfar í leik- og grunnskólum: Tækifæri í baráttunni gegn agavanda og skólaforðun Hekla Björt Birkisdóttir,Hrefna Dagbjört Arnardóttir,Inga Fríða Guðbjörnsdóttir,Íris Kristrún Kristmundsdóttir Skoðun
30 silfurpeningar dýralækna? 125.000 lítrar af blóði tappaðir af 4088 merum (með valdi), af eiðsvörðum dýralæknum, 2023 Ole Anton Bieltvedt Skoðun
Opið bréf til heilbrigðisráðherra: Iðjuþjálfar – mikilvægur mannauður í geðheilbrigðisþjónustu framtíðarinnar Erna Rut Elvarsdóttir,Lilja Logadóttir, Rebekka Lind Hjaltadóttir,Sandra Dís Sigurðardóttir Skoðun
Iðjuþjálfar í leik- og grunnskólum: Tækifæri í baráttunni gegn agavanda og skólaforðun Hekla Björt Birkisdóttir,Hrefna Dagbjört Arnardóttir,Inga Fríða Guðbjörnsdóttir,Íris Kristrún Kristmundsdóttir Skoðun