Páskaleikhús á Akureyri 2. apríl 2007 07:45 Ausa fer aftur á svið. Leikfélag Akureyrar heldur uppteknum hætti og býður til leikhúsveislu þar nyrðra um páskana. Leikið verður á þremur stöðum í bænum og er þegar vel selt á sýningar sem í boði verða. Fyrst má nefna sýninguna Lífið – notkunarreglur sem var frumsýnt í síðustu viku og hefur hlotið gott lof og fína aðsókn. Lífið er ævintýrið um okkur öll, fullt af hlýju, tónlist og húmor. Höfundur er Þorvaldur Þorsteinsson, Megas samdi tónlistina og Kjartan Ragnarsson leikstýrði. Uppselt er á flestar sýningarnar í páskavikunni en bætt hefur verið við aukasýningum á skírdag og laugardaginn fyrir páska, 7. apríl. Á morgun hefjast sýningar á rómaðri gestasýningu frá Reykjavík. Verkið Best í heimi sem leikið var í Iðnó í vetur þar sem uppselt var á allar sýningar. Verkið er háðsádeila á íslenskt samfélag í dag. Þar er gert er grín að þjóðarstoltinu og ljósi varpað á aðstæður útlendinga sem reyna að fóta sig í nýju landi. Verkið er spunaverk samið af Hávari Sigurjónssyni, Maríu Reyndal og leikhópnum. Stuðst er við reynslu listamannanna, viðtöl við innflytjendur og Íslendinga og sögur sem hópurinn hefur viðað að sér. Sýningin er leikin á íslensku og textuð á ensku. Haustið 2004 frumsýndi LA í samstarfi við LR Ausa Steinberg eftir Lee Hall. Sýningunni var vel tekið og hlaut Ilmur Kristjánsdóttir frábæra dóma fyrir túlkun sína á Ausu. Vegna fjölda áskorana er verkið tekið til sýninga á ný í þrígang á Akureyri í dymbilviku. Sýningin er endurunnin og er verkið nú leikið í heild sinni í Akureyrarkirkju sem þykir kirkjan henta umfjöllunarefni verksins vel. Ausa er mannbætandi sýning þar sem birtist einlæg, falleg en oft drepfyndin sýn níu ára barns á lífið sem hún fær ekki að lifa. Þýðingu gerði Jón Viðar Jónsson og María Reyndal leikstýrði. Ástæða er til að vekja sérstaka athygli á eftirmiðdagssýningu á föstudaginn langa kl. 16. Nú er um að gera fyrir norðanmenn og gesti þeirra að skjótast í leikhús. Mest lesið „Þetta er enginn helvítis félagskvíði, það bara þolir mig enginn“ Áskorun Margverðlaunaður garður með sólskini allan daginn Lífið Dóttir Snæfríðar og Högna komin með nafn Lífið Sjáðu myndirnar frá Ungfrú Ísland Lífið Fundu ástina á ný eftir skilnað Lífið Búið spil Lífið Dró Antonio grunlausan með sér í Gamla bíó Lífið Svanhildur selur 500 fermetra höll í Akrahverfinu Lífið Sunneva og Tanja ræða lýtaaðgerðirnar sínar Lífið Syntu í hverri einustu laug landsins Lífið Fleiri fréttir Ljósbrot í forvali til Evrópsku kvikmyndaverðlaunanna Ólafur Darri og Hera Hilmars saman á skjánum í fyrsta sinn Lynch ólíklegur til að leikstýra aftur vegna Covidhræðslu Stórstjörnur í kvikmynd um fundinn í Höfða Fékk yfir sig olíugusu við tökur á sjónvarpsþáttum Robert Downey Jr snýr aftur í Marvel-heima Stikla úr ungstjörnumyndinni sem sló í gegn í Cannes „Það er frábært bíóveður“ Íslendingar tilnefndir til Emmy-verðlauna Tobey Maguire er á landinu Fyrsta stiklan úr Gladiator II Jon Landau er látinn Brad Pitt í mynd um Formúlu 1 í framleiðslu Hamilton Sjá meira
Leikfélag Akureyrar heldur uppteknum hætti og býður til leikhúsveislu þar nyrðra um páskana. Leikið verður á þremur stöðum í bænum og er þegar vel selt á sýningar sem í boði verða. Fyrst má nefna sýninguna Lífið – notkunarreglur sem var frumsýnt í síðustu viku og hefur hlotið gott lof og fína aðsókn. Lífið er ævintýrið um okkur öll, fullt af hlýju, tónlist og húmor. Höfundur er Þorvaldur Þorsteinsson, Megas samdi tónlistina og Kjartan Ragnarsson leikstýrði. Uppselt er á flestar sýningarnar í páskavikunni en bætt hefur verið við aukasýningum á skírdag og laugardaginn fyrir páska, 7. apríl. Á morgun hefjast sýningar á rómaðri gestasýningu frá Reykjavík. Verkið Best í heimi sem leikið var í Iðnó í vetur þar sem uppselt var á allar sýningar. Verkið er háðsádeila á íslenskt samfélag í dag. Þar er gert er grín að þjóðarstoltinu og ljósi varpað á aðstæður útlendinga sem reyna að fóta sig í nýju landi. Verkið er spunaverk samið af Hávari Sigurjónssyni, Maríu Reyndal og leikhópnum. Stuðst er við reynslu listamannanna, viðtöl við innflytjendur og Íslendinga og sögur sem hópurinn hefur viðað að sér. Sýningin er leikin á íslensku og textuð á ensku. Haustið 2004 frumsýndi LA í samstarfi við LR Ausa Steinberg eftir Lee Hall. Sýningunni var vel tekið og hlaut Ilmur Kristjánsdóttir frábæra dóma fyrir túlkun sína á Ausu. Vegna fjölda áskorana er verkið tekið til sýninga á ný í þrígang á Akureyri í dymbilviku. Sýningin er endurunnin og er verkið nú leikið í heild sinni í Akureyrarkirkju sem þykir kirkjan henta umfjöllunarefni verksins vel. Ausa er mannbætandi sýning þar sem birtist einlæg, falleg en oft drepfyndin sýn níu ára barns á lífið sem hún fær ekki að lifa. Þýðingu gerði Jón Viðar Jónsson og María Reyndal leikstýrði. Ástæða er til að vekja sérstaka athygli á eftirmiðdagssýningu á föstudaginn langa kl. 16. Nú er um að gera fyrir norðanmenn og gesti þeirra að skjótast í leikhús.
Mest lesið „Þetta er enginn helvítis félagskvíði, það bara þolir mig enginn“ Áskorun Margverðlaunaður garður með sólskini allan daginn Lífið Dóttir Snæfríðar og Högna komin með nafn Lífið Sjáðu myndirnar frá Ungfrú Ísland Lífið Fundu ástina á ný eftir skilnað Lífið Búið spil Lífið Dró Antonio grunlausan með sér í Gamla bíó Lífið Svanhildur selur 500 fermetra höll í Akrahverfinu Lífið Sunneva og Tanja ræða lýtaaðgerðirnar sínar Lífið Syntu í hverri einustu laug landsins Lífið Fleiri fréttir Ljósbrot í forvali til Evrópsku kvikmyndaverðlaunanna Ólafur Darri og Hera Hilmars saman á skjánum í fyrsta sinn Lynch ólíklegur til að leikstýra aftur vegna Covidhræðslu Stórstjörnur í kvikmynd um fundinn í Höfða Fékk yfir sig olíugusu við tökur á sjónvarpsþáttum Robert Downey Jr snýr aftur í Marvel-heima Stikla úr ungstjörnumyndinni sem sló í gegn í Cannes „Það er frábært bíóveður“ Íslendingar tilnefndir til Emmy-verðlauna Tobey Maguire er á landinu Fyrsta stiklan úr Gladiator II Jon Landau er látinn Brad Pitt í mynd um Formúlu 1 í framleiðslu Hamilton Sjá meira