Frjókornatímabilið er hafið 17. maí 2007 09:00 Ari Víðir Axelsson læknir segir frjókornatímabilið langt á Íslandi en á móti séu frjókorn í minna magni en annars staðar.fréttablaðið/GVA Ari Víðir Axelsson læknir hvetur ofnæmissjúklinga til að grípa til fyrirbyggjandi aðgerða fyrir frjókornatímabilið. „Mikilvægt er að fólk reyni að forðast ofnæmisvakann á sumrin,“ segir Ari Víðir Axelsson læknir og bætir við að þá gildi einu hvort hann sé birki, gras, hunda- og túnsúrur, fíflar og svo framvegis. „Frjókornin eru að mörgu leyti erfið,“ heldur Ari áfram. „Þó eru til nokkrar fyrirbyggjandi aðgerðir til að halda þeim í skefjum. Í fyrsta lagi er upplagt að loka gluggum á húsum og bílum yfir sumarið, svo þau berist ekki inn. Svo er óráðlegt að þurrka þvott úti þar sem hann safnar í sig frjókornum. Ekki slá garðinn eða vera í kringum sláttusvæði. Svo er gott að fara í sturtu á kvöldin til að skola af sér og úr vitum, hafi maður á annað borð verið innan um frjókorn yfir daginn. Þá eru tjaldútilegur gjarnan þrautinni þyngri fyrir ofnæmissjúklinga. Við slíkar aðstæður getur verið gott að nota sólgleraugu til að draga úr magni frjókorna sem berast í augun.“ Að sögn Ara er mest um frjókorn á hlýjum og vindasömum dögum, en minna fer fyrir þeim á köldum og rökum dögum. Því finni ofnæmissjúklingar helst fyrir einkennum í sólskinsverðri. „Þeir sem eru illa haldnir ættu að nota lyf að staðaldri á frjókornatímabilinu í forvarnarskyni og þá í samráði við lækna. Það er betra en að vera sífellt í slökkvistarfi. Þeir sem fá lítil einkenni og sjaldan ættu aftur á móti aðeins að taka lyf þegar þeir finna fyrir einkennum.“ Frjókornatímabilið er mislangt eftir gróðurtegundum að sögn Ara. „Birkið fer af stað í maí, er á hátindi sínum í júní og síðan dregur úr því. Grasatímabilið er frá júní, mest í júlílok og ágústbyrjun og minnkar eftir miðjan september. Frjókornatímabilið á Íslandi er á heildina litið langt miðað við önnur lönd, en á móti er það í minna magni heldur en í heitari löndum.“ ri bendir á að hægt sé að afla sér frekari upplýsinga annars vegar á vefsíðu Astma- og ofnæmisfélagsins, www.ao.is, og hins vegar www.polleninfo.org. Á fyrri síðunni eru frjókornadagatöl undir liðnum frjókornaofnæmi, en nýjustu frjókornatalningar á þeirri seinni. Mest lesið Falska söngkonan á leið í meðferð Lífið Færeyjaferð endaði á Hotel Cabin: „Búnar að hlæja viðstöðulaust síðan við fórum upp á völl“ Lífið „Unun að troðið sé á manni þegar svona er“ Lífið Gísli Pálmi í fótbolta með Barry Keoghan Lífið Erfið lífsreynsla að þurfa að yfirgefa heimili sitt Lífið Eva segir lífið betra með Kára Stefáns Lífið Bannað að ræða fótbolta og heimilisfjármálin á stefnumótum Makamál Tíu myndarleg einbýlishús á höfuðborgarsvæðinu Lífið Tveir Íslendingar tilnefndir til Emmy-verðlauna Bíó og sjónvarp Sara Davíðs fann ástina í örmum flugstjóra Lífið
Ari Víðir Axelsson læknir hvetur ofnæmissjúklinga til að grípa til fyrirbyggjandi aðgerða fyrir frjókornatímabilið. „Mikilvægt er að fólk reyni að forðast ofnæmisvakann á sumrin,“ segir Ari Víðir Axelsson læknir og bætir við að þá gildi einu hvort hann sé birki, gras, hunda- og túnsúrur, fíflar og svo framvegis. „Frjókornin eru að mörgu leyti erfið,“ heldur Ari áfram. „Þó eru til nokkrar fyrirbyggjandi aðgerðir til að halda þeim í skefjum. Í fyrsta lagi er upplagt að loka gluggum á húsum og bílum yfir sumarið, svo þau berist ekki inn. Svo er óráðlegt að þurrka þvott úti þar sem hann safnar í sig frjókornum. Ekki slá garðinn eða vera í kringum sláttusvæði. Svo er gott að fara í sturtu á kvöldin til að skola af sér og úr vitum, hafi maður á annað borð verið innan um frjókorn yfir daginn. Þá eru tjaldútilegur gjarnan þrautinni þyngri fyrir ofnæmissjúklinga. Við slíkar aðstæður getur verið gott að nota sólgleraugu til að draga úr magni frjókorna sem berast í augun.“ Að sögn Ara er mest um frjókorn á hlýjum og vindasömum dögum, en minna fer fyrir þeim á köldum og rökum dögum. Því finni ofnæmissjúklingar helst fyrir einkennum í sólskinsverðri. „Þeir sem eru illa haldnir ættu að nota lyf að staðaldri á frjókornatímabilinu í forvarnarskyni og þá í samráði við lækna. Það er betra en að vera sífellt í slökkvistarfi. Þeir sem fá lítil einkenni og sjaldan ættu aftur á móti aðeins að taka lyf þegar þeir finna fyrir einkennum.“ Frjókornatímabilið er mislangt eftir gróðurtegundum að sögn Ara. „Birkið fer af stað í maí, er á hátindi sínum í júní og síðan dregur úr því. Grasatímabilið er frá júní, mest í júlílok og ágústbyrjun og minnkar eftir miðjan september. Frjókornatímabilið á Íslandi er á heildina litið langt miðað við önnur lönd, en á móti er það í minna magni heldur en í heitari löndum.“ ri bendir á að hægt sé að afla sér frekari upplýsinga annars vegar á vefsíðu Astma- og ofnæmisfélagsins, www.ao.is, og hins vegar www.polleninfo.org. Á fyrri síðunni eru frjókornadagatöl undir liðnum frjókornaofnæmi, en nýjustu frjókornatalningar á þeirri seinni.
Mest lesið Falska söngkonan á leið í meðferð Lífið Færeyjaferð endaði á Hotel Cabin: „Búnar að hlæja viðstöðulaust síðan við fórum upp á völl“ Lífið „Unun að troðið sé á manni þegar svona er“ Lífið Gísli Pálmi í fótbolta með Barry Keoghan Lífið Erfið lífsreynsla að þurfa að yfirgefa heimili sitt Lífið Eva segir lífið betra með Kára Stefáns Lífið Bannað að ræða fótbolta og heimilisfjármálin á stefnumótum Makamál Tíu myndarleg einbýlishús á höfuðborgarsvæðinu Lífið Tveir Íslendingar tilnefndir til Emmy-verðlauna Bíó og sjónvarp Sara Davíðs fann ástina í örmum flugstjóra Lífið