Cannes-hátíðin hafin í sextugasta sinn 17. maí 2007 12:00 La Dolce Vita er á meðal þeirra mynda sem hlotið hafa Gullpálmann á Cannes. Gosbrunnsatriðið með Anitu Ekberg í aðalhlutverki er eitt það allra frægasta úr kvikmyndasögunni. Í gær hófst kvikmyndahátíðin í Cannes, sem óhætt er að segja að sé ein virtasta kvikmyndahátíð heims, ef ekki sú virtasta. Hátíðin í ár er sú sextugasta sem haldin er í strandbænum sólríka. Því er ekki úr vegi að seilast í verkfærakistu kvikmyndagerðarmannanna og nýta sér endurlitið til að líta yfir farinn veg. Kvikmyndahátíðin í Cannes er ekki sú elsta sem árlega fer fram á meginlandi Evrópu. Þar hefur kvikmyndahátíðin í Feneyjum vinninginn, en hún hóf göngu sína árið 1932. Sú feneyska á þó mikinn þátt í því að kvikmyndastjörnurnar flykkjast til Suður-Frakklands á vori hverju. Árið 1938 ofbauð Jean Zay, þáverandi menntamálaráðherra Frakklands, hvernig fasistar og nasistar á Ítalíu og í Þýskalandi höfðu áhrif á keppnina í Feneyjum. Hann ákvað því að koma franskri kvikmyndahátíð á laggirnar. Cannes var valin vegna sólskins og fallegra staðarhátta og átti fyrsta hátíðin að hefjast 1. september 1939.Fyrstu hátíð frestaðtaxi driver Myndirnar sem dómnefndin verðlaunar á Cannes verða margar hverjar ægivinsælar í kjölfarið. Martin Scorsese hlaut pálmann gyllta árið 1976 fyrir Taxi Driver, sem margir hafa barið augum á lífsleiðinni.fréttablaðið/netiðSöguglöggir menn vita að 3. september þetta sama ár varð ansi örlagaríkur dagur. Þá lýstu Frakkar, Bretar, Ástralar og Nýsjálendingar yfir stríði á hendur Þjóðverjum í kjölfar innrásarinnar í Póllands, og seinni heimsstyrjöldin var hafin. Fyrsta kvikmyndahátíðin í Cannes fór því ekki fram fyrr en að stríði loknu, eða 1946.Árið 2002 fannst skipuleggjendum óhæft að aldrei hefði komið til verðlaunaafhendingar árið 1939 og því fékk sex manna dómnefnd það hlutverk að fara yfir tilnefndar kvikmyndir frá því ári og velja vinningshafa. Sigurvegarinn varð Union Pacific, í leikstjórn Cecil B. DeMille. Frá árinu 1946 hefur kvikmyndahátíðin verið árlegur viðburður, með örfáum undantekningum.Árin 1948 og 1950 var hátíðinni aflýst vegna fjárhagsvandræða. 1968 var hún hins vegar í fullum gangi þegar bundinn var ótímabær endi á hátíðahöldin í framhaldi af óróleika og óeirðum í París. Leikstjórar á borð við François Truffaut, Roman Polanski og Jean-Luc Godard lögðu stærsta herbergið í sýningarhöllinni undir sig 18. maí, til að sýna stúdentum og verkamönnum stuðning. Degi síðar var hátíðahöldum hætt.Campion í minnihlutahópií minnihlutahópi Jane Campion varð önnur konan frá upphafi til að hampa Gullpálmanum. Hún hlaut verðlaunin fyrir myndina The Piano árið 1993. fréttablaðið/gettyMargir frægustu kvikmyndaleikstjórar okkar tíma hafa fengið að hampa Gullpálmanum, aðalverðlaunum hátíðarinnar. Á meðal þeirra eru ekki ómerkari menn en Roberto Rossellini, Orson Welles, Federico Fellini, Francis Ford Coppola og Emir Kusturica. Þeir Martin Scorsese, Akira Kurosawa, David Lynch, Coen-bræður og Quentin Tarantino eru heldur ekki óþekktir með öllu, svo örfá dæmi séu tekin. Jane Campion, sem hlaut Gullpálmann fræga árið 1993 fyrir myndina Píanóið, er hins vegar í miklum minnihlutahópi, sem einungis önnur konan til að hljóta verðlaunin. Hátíð fagfólksinsfulltrúi íslendinga í cannes Björk Guðmundsdóttir var valin besta leikkonan á hátíðinni árið 2000, fyrir hlutverk Selmu í Dancer in the Dark. Lars von Trier hlaut Gullpálmann fyrir myndina.Fyrir utan myndirnar sem keppa um Gullpálmann, Grand Prix og verðlaun fyrir leikstjórn og leik eru þó nokkrar myndir sýndar „out of competition“ eins og það heitir á kvikmyndahátíðarmáli. Í ár er mynd Stevens Soderbergh, Ocean’s Thirteen, á meðal þeirra og munu leikarar í myndinni ljá hátíðinni stjörnuljóma sinn.Þar sem Cannes er hátíð fagfólksins ganga myndir þar jafnframt kaupum og sölum, fólk úr bransanum gerir mikilvæga samninga sín á milli og ferill stjarnanna getur sveiflast í hvora áttina sem er. Í tilefni af afmælinu í ár verða jafnframt sýndar nokkrar stuttmyndir um bíóferðir. Á meðal þeirra sem hafa gert slíkar myndir eru Roman Polanski, Coen-bræður, Ken Loach, Lars Von Trier, Alejandro González Iñárritu og Jane Campion.Kvikmyndahátíð fagfólksins hljómar kannski ekki spennandi á pappír. Hitt er víst að allar götur síðan Brigitte Bardot sat fyrir í bikiníi á ströndinni í Cannes, ljósmyndurum til mikillar gleði, hefur stjörnubragur sett svip sinn á hátíðina. Þó að almenningur komist ekki inn í Palais de Festival, þar sem myndirnar eru sýndar, leggja margir leið sína til strandbæjarins á þessum árstíma til að dást að Hollywood-stjörnunum, troða fjögur þúsund blaðamönnum um tær og upplifa andrúmsloft sem fróðir menn segja engu líkt. Mest lesið „Þetta er enginn helvítis félagskvíði, það bara þolir mig enginn“ Áskorun Margverðlaunaður garður með sólskini allan daginn Lífið Fundu ástina á ný eftir skilnað Lífið Dóttir Snæfríðar og Högna komin með nafn Lífið Sjáðu myndirnar frá Ungfrú Ísland Lífið Búið spil Lífið Dró Antonio grunlausan með sér í Gamla bíó Lífið Sunneva og Tanja ræða lýtaaðgerðirnar sínar Lífið Svanhildur selur 500 fermetra höll í Akrahverfinu Lífið Forsetagæinn hyggst hlaupa sitt lengsta hlaup til þessa Lífið Fleiri fréttir Ljósbrot í forvali til Evrópsku kvikmyndaverðlaunanna Ólafur Darri og Hera Hilmars saman á skjánum í fyrsta sinn Lynch ólíklegur til að leikstýra aftur vegna Covidhræðslu Stórstjörnur í kvikmynd um fundinn í Höfða Fékk yfir sig olíugusu við tökur á sjónvarpsþáttum Robert Downey Jr snýr aftur í Marvel-heima Stikla úr ungstjörnumyndinni sem sló í gegn í Cannes „Það er frábært bíóveður“ Íslendingar tilnefndir til Emmy-verðlauna Tobey Maguire er á landinu Fyrsta stiklan úr Gladiator II Jon Landau er látinn Brad Pitt í mynd um Formúlu 1 í framleiðslu Hamilton Sjá meira
Í gær hófst kvikmyndahátíðin í Cannes, sem óhætt er að segja að sé ein virtasta kvikmyndahátíð heims, ef ekki sú virtasta. Hátíðin í ár er sú sextugasta sem haldin er í strandbænum sólríka. Því er ekki úr vegi að seilast í verkfærakistu kvikmyndagerðarmannanna og nýta sér endurlitið til að líta yfir farinn veg. Kvikmyndahátíðin í Cannes er ekki sú elsta sem árlega fer fram á meginlandi Evrópu. Þar hefur kvikmyndahátíðin í Feneyjum vinninginn, en hún hóf göngu sína árið 1932. Sú feneyska á þó mikinn þátt í því að kvikmyndastjörnurnar flykkjast til Suður-Frakklands á vori hverju. Árið 1938 ofbauð Jean Zay, þáverandi menntamálaráðherra Frakklands, hvernig fasistar og nasistar á Ítalíu og í Þýskalandi höfðu áhrif á keppnina í Feneyjum. Hann ákvað því að koma franskri kvikmyndahátíð á laggirnar. Cannes var valin vegna sólskins og fallegra staðarhátta og átti fyrsta hátíðin að hefjast 1. september 1939.Fyrstu hátíð frestaðtaxi driver Myndirnar sem dómnefndin verðlaunar á Cannes verða margar hverjar ægivinsælar í kjölfarið. Martin Scorsese hlaut pálmann gyllta árið 1976 fyrir Taxi Driver, sem margir hafa barið augum á lífsleiðinni.fréttablaðið/netiðSöguglöggir menn vita að 3. september þetta sama ár varð ansi örlagaríkur dagur. Þá lýstu Frakkar, Bretar, Ástralar og Nýsjálendingar yfir stríði á hendur Þjóðverjum í kjölfar innrásarinnar í Póllands, og seinni heimsstyrjöldin var hafin. Fyrsta kvikmyndahátíðin í Cannes fór því ekki fram fyrr en að stríði loknu, eða 1946.Árið 2002 fannst skipuleggjendum óhæft að aldrei hefði komið til verðlaunaafhendingar árið 1939 og því fékk sex manna dómnefnd það hlutverk að fara yfir tilnefndar kvikmyndir frá því ári og velja vinningshafa. Sigurvegarinn varð Union Pacific, í leikstjórn Cecil B. DeMille. Frá árinu 1946 hefur kvikmyndahátíðin verið árlegur viðburður, með örfáum undantekningum.Árin 1948 og 1950 var hátíðinni aflýst vegna fjárhagsvandræða. 1968 var hún hins vegar í fullum gangi þegar bundinn var ótímabær endi á hátíðahöldin í framhaldi af óróleika og óeirðum í París. Leikstjórar á borð við François Truffaut, Roman Polanski og Jean-Luc Godard lögðu stærsta herbergið í sýningarhöllinni undir sig 18. maí, til að sýna stúdentum og verkamönnum stuðning. Degi síðar var hátíðahöldum hætt.Campion í minnihlutahópií minnihlutahópi Jane Campion varð önnur konan frá upphafi til að hampa Gullpálmanum. Hún hlaut verðlaunin fyrir myndina The Piano árið 1993. fréttablaðið/gettyMargir frægustu kvikmyndaleikstjórar okkar tíma hafa fengið að hampa Gullpálmanum, aðalverðlaunum hátíðarinnar. Á meðal þeirra eru ekki ómerkari menn en Roberto Rossellini, Orson Welles, Federico Fellini, Francis Ford Coppola og Emir Kusturica. Þeir Martin Scorsese, Akira Kurosawa, David Lynch, Coen-bræður og Quentin Tarantino eru heldur ekki óþekktir með öllu, svo örfá dæmi séu tekin. Jane Campion, sem hlaut Gullpálmann fræga árið 1993 fyrir myndina Píanóið, er hins vegar í miklum minnihlutahópi, sem einungis önnur konan til að hljóta verðlaunin. Hátíð fagfólksinsfulltrúi íslendinga í cannes Björk Guðmundsdóttir var valin besta leikkonan á hátíðinni árið 2000, fyrir hlutverk Selmu í Dancer in the Dark. Lars von Trier hlaut Gullpálmann fyrir myndina.Fyrir utan myndirnar sem keppa um Gullpálmann, Grand Prix og verðlaun fyrir leikstjórn og leik eru þó nokkrar myndir sýndar „out of competition“ eins og það heitir á kvikmyndahátíðarmáli. Í ár er mynd Stevens Soderbergh, Ocean’s Thirteen, á meðal þeirra og munu leikarar í myndinni ljá hátíðinni stjörnuljóma sinn.Þar sem Cannes er hátíð fagfólksins ganga myndir þar jafnframt kaupum og sölum, fólk úr bransanum gerir mikilvæga samninga sín á milli og ferill stjarnanna getur sveiflast í hvora áttina sem er. Í tilefni af afmælinu í ár verða jafnframt sýndar nokkrar stuttmyndir um bíóferðir. Á meðal þeirra sem hafa gert slíkar myndir eru Roman Polanski, Coen-bræður, Ken Loach, Lars Von Trier, Alejandro González Iñárritu og Jane Campion.Kvikmyndahátíð fagfólksins hljómar kannski ekki spennandi á pappír. Hitt er víst að allar götur síðan Brigitte Bardot sat fyrir í bikiníi á ströndinni í Cannes, ljósmyndurum til mikillar gleði, hefur stjörnubragur sett svip sinn á hátíðina. Þó að almenningur komist ekki inn í Palais de Festival, þar sem myndirnar eru sýndar, leggja margir leið sína til strandbæjarins á þessum árstíma til að dást að Hollywood-stjörnunum, troða fjögur þúsund blaðamönnum um tær og upplifa andrúmsloft sem fróðir menn segja engu líkt.
Mest lesið „Þetta er enginn helvítis félagskvíði, það bara þolir mig enginn“ Áskorun Margverðlaunaður garður með sólskini allan daginn Lífið Fundu ástina á ný eftir skilnað Lífið Dóttir Snæfríðar og Högna komin með nafn Lífið Sjáðu myndirnar frá Ungfrú Ísland Lífið Búið spil Lífið Dró Antonio grunlausan með sér í Gamla bíó Lífið Sunneva og Tanja ræða lýtaaðgerðirnar sínar Lífið Svanhildur selur 500 fermetra höll í Akrahverfinu Lífið Forsetagæinn hyggst hlaupa sitt lengsta hlaup til þessa Lífið Fleiri fréttir Ljósbrot í forvali til Evrópsku kvikmyndaverðlaunanna Ólafur Darri og Hera Hilmars saman á skjánum í fyrsta sinn Lynch ólíklegur til að leikstýra aftur vegna Covidhræðslu Stórstjörnur í kvikmynd um fundinn í Höfða Fékk yfir sig olíugusu við tökur á sjónvarpsþáttum Robert Downey Jr snýr aftur í Marvel-heima Stikla úr ungstjörnumyndinni sem sló í gegn í Cannes „Það er frábært bíóveður“ Íslendingar tilnefndir til Emmy-verðlauna Tobey Maguire er á landinu Fyrsta stiklan úr Gladiator II Jon Landau er látinn Brad Pitt í mynd um Formúlu 1 í framleiðslu Hamilton Sjá meira