Billjónsdagbók 18.11. Jón Arnar Marínósson skrifar 18. nóvember 2007 00:01 OMXI15 var 7.325,35, þegar ég fann hvernig stýrivaxtahækkunin helltist yfir mig, og Dow Jones var 13.042,74 þegar ég tók inn tvær klórdíasepoxíð, þrjár parkódín og fimm evrur sem komu svona af sjálfu sér eins og Valgerður. Pillurnar slógu á ein-kennin. Ég held að okkur Mallí sé alveg óhætt að slá meiri lán í útlöndum. Hins vegar er óhjákvæmilegt að skera niður við pólsku húshjálpina, hana Elzbietu. Seðlabanka-stjórinn verður að fá á tilfinninguna að þessi peningamálaskeifa hans sé að virka. Elzbieta sprakk á limminu þegar við bárum fletið hennar úr kyndiklefanum yfir í hjólageymsluna. Ég sagði að þetta væri þó miklu huggulegri staður en rusla-tunnuhólfið. Forsætsiráðherrann hefði beðið þjóðina að spara. Það væri ekki þjóð-hagslega hagkvæmt að líta á útlendinga eins og venjulegt fólk. Jafnvel Akureyringar hefðu tekið upp á því að líta sömu augum á Pólverja og þeir líta á alla aðra utanbæjar-menn. Ég varð að leggja hendur á Elzbietu til að koma henni í skilning um að hér væru lögmál markaðarins að verki. Mallí bað mig í guðs bænum að meiða ekki konuna. Það mætti ekki níðast á svona gámafólki eins og það væri neðri hluti Þjórsár. Enginn pólitíkus á Íslandi þorir núna að láta sjá sig með fjárfesti fyrr en í fyrsta lagi eftir áramót þegar fólk er búið að gleyma Villa Þonn og hvað það var sem hann gleymdi. Íslenskir stjórnmálamenn hafa ekki þessa sömu næmu tilfinningu fyrir íslenskri tungu og þeir Tóti og Palli hennar Tobbu í Efstaleitinu sem segja eins og rétt er að það er bigg diffrens í íslensku á því „að taka við peningum", „að sjá peninga", „að vita af peningum" eða „að finna lykt af peningum". Annars er eins og sé að renna af mönnum öll karlmennska. Nú eru netþjónabú það allra nýjasta. Netþjónabú?! Einu sinni áttu minkabú og refabú að bjarga öllu - og með hverju endaði það? Með því að bjarta framtíðin stóð upp og sagði „alltbú". Af hverju ekki að halda sig við stóriðju?! Það ætla þeir þó að gera í Grindavík, minnugir þess sem hún Halla í Þórkötlustaðahverfinu sagði þegar hún hrakti Keflavíkurdræsuna onaf flatsænginni hjá Gúnda: Orka í Grindavík er fyrir Grindvíkinga. Viltu birta grein á Vísi? Sendu okkur póst. Senda grein Mest lesið Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun Vaxtalækkun eða neyðarlög Ragnar Þór Ingólfsson,Ásthildur Lóa Þórsdóttir Skoðun Nei þetta getur aldrei gerst á okkar litla Íslandi! Davíð Bergmann Skoðun 10 staðreyndir um verðbólgu og ríkisfjármál Konráð S. Guðjónsson Skoðun Þjóðarmorð með vestrænum vopnum Ingólfur Steinsson Skoðun Skerðingar eru eðlilegur hluti af rekstri raforkukerfisins Magnús Sigurðsson Skoðun Er eitt næturgaman þess virði? Reynir Böðvarsson Skoðun „Naktir elskendur, Helga og Bjarni, liggja í faðmlögum, handleggjabenda á rauðum rúmfötum, umvafin mildri birtu“ Sigþór U. Hallfreðsson Skoðun Læknar, heilbrigðisstarfsfólk og lykill að lausninni Áslaug Arna Sigurbjörnsdóttir Skoðun Viltu vinna of mikið í ár og ennþá meira á næsta ári? Steinunn Þórðardóttir Skoðun
OMXI15 var 7.325,35, þegar ég fann hvernig stýrivaxtahækkunin helltist yfir mig, og Dow Jones var 13.042,74 þegar ég tók inn tvær klórdíasepoxíð, þrjár parkódín og fimm evrur sem komu svona af sjálfu sér eins og Valgerður. Pillurnar slógu á ein-kennin. Ég held að okkur Mallí sé alveg óhætt að slá meiri lán í útlöndum. Hins vegar er óhjákvæmilegt að skera niður við pólsku húshjálpina, hana Elzbietu. Seðlabanka-stjórinn verður að fá á tilfinninguna að þessi peningamálaskeifa hans sé að virka. Elzbieta sprakk á limminu þegar við bárum fletið hennar úr kyndiklefanum yfir í hjólageymsluna. Ég sagði að þetta væri þó miklu huggulegri staður en rusla-tunnuhólfið. Forsætsiráðherrann hefði beðið þjóðina að spara. Það væri ekki þjóð-hagslega hagkvæmt að líta á útlendinga eins og venjulegt fólk. Jafnvel Akureyringar hefðu tekið upp á því að líta sömu augum á Pólverja og þeir líta á alla aðra utanbæjar-menn. Ég varð að leggja hendur á Elzbietu til að koma henni í skilning um að hér væru lögmál markaðarins að verki. Mallí bað mig í guðs bænum að meiða ekki konuna. Það mætti ekki níðast á svona gámafólki eins og það væri neðri hluti Þjórsár. Enginn pólitíkus á Íslandi þorir núna að láta sjá sig með fjárfesti fyrr en í fyrsta lagi eftir áramót þegar fólk er búið að gleyma Villa Þonn og hvað það var sem hann gleymdi. Íslenskir stjórnmálamenn hafa ekki þessa sömu næmu tilfinningu fyrir íslenskri tungu og þeir Tóti og Palli hennar Tobbu í Efstaleitinu sem segja eins og rétt er að það er bigg diffrens í íslensku á því „að taka við peningum", „að sjá peninga", „að vita af peningum" eða „að finna lykt af peningum". Annars er eins og sé að renna af mönnum öll karlmennska. Nú eru netþjónabú það allra nýjasta. Netþjónabú?! Einu sinni áttu minkabú og refabú að bjarga öllu - og með hverju endaði það? Með því að bjarta framtíðin stóð upp og sagði „alltbú". Af hverju ekki að halda sig við stóriðju?! Það ætla þeir þó að gera í Grindavík, minnugir þess sem hún Halla í Þórkötlustaðahverfinu sagði þegar hún hrakti Keflavíkurdræsuna onaf flatsænginni hjá Gúnda: Orka í Grindavík er fyrir Grindvíkinga.
Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun
„Naktir elskendur, Helga og Bjarni, liggja í faðmlögum, handleggjabenda á rauðum rúmfötum, umvafin mildri birtu“ Sigþór U. Hallfreðsson Skoðun
Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun
„Naktir elskendur, Helga og Bjarni, liggja í faðmlögum, handleggjabenda á rauðum rúmfötum, umvafin mildri birtu“ Sigþór U. Hallfreðsson Skoðun