Íslensk götulist í Englandi 25. apríl 2007 09:30 Þórdís skreytir tólf metra vegg í safninu með blöndu af hönnun sinni og ljósmyndum af verkum annarra. MYND/Stefán Þórdís Claessen opnar einkasýningu í Urbis-safninu í Manchester 9. maí næstkomandi. Vel gæti farið svo að Ósómakindin rati á veggi safnsins. „Ég verð með bókarkynningu fyrir Icepick og sýningu í kringum það. Hún verður uppi í þrjá mánuði, alveg fram í ágúst,“ útskýrði Þórdís. Icepick er afrakstur margra ára vinnu Þórdísar, en í bókinni er að finna ljósmyndir hennar af íslenskri götulist og graffítí. Urbis-safnið einbeitir sér sérstaklega að borgarmenningu, sem Þórdísi þykir ekki verra. „Þeir voru með pönksýningu um daginn og mér sýnist þeir leggja mikið í það sem þeir gera.“ Þórdís mun til að mynda skreyta tólf metra langan vegg í safninu. „Þar verður blanda af myndum úr bókinni, sem ég hef tekið af verkum annarra, og minni hönnun líka. Ég er náttúrulega ekki graffítílistamaður sjálf, en ég teikna,“ sagði Þórdís. Eitthvað af hönnun hennar fyrir Ósómabúðina, sem Þórdís á og rekur ásamt Gunnlaugi Grétarssyni, mun jafnframt rata á vegginn. „Þetta verður örugglega góð lyftistöng fyrir bókina og svona öðruvísi landkynning um leið,“ sagði Þórdís. Gingko press gefur bókina út, en forlagið einbeitir sér að bókum um jaðarlist og götumenningu, að sögn Þórdísar. „Þekktasta flaggskip þeirra er Obey, eða Shepard Fairey, listamaður sem er mjög þekktur í þessum bransa. Það er ekkert leiðinlegt að vera í sama liði og hann,“ sagði Þórdís kát. Bókinni verður að hennar sögn sennilega dreift í tveimur, ef ekki þremur, heimsálfum til viðbótar við Evrópu. „Gingko teygir sig yfir öll Bandaríkin og Evrópu og það má vera að bókin nái Japan og jafnvel Ástralíu, en það á eftir að skýrast,“ sagði hún. „Svo lét útgáfan í það skína að Icepick yrði boðið að taka þátt í einhverju götumenningargiggi í Amsterdam í júlí,“ bætti Þórdís við, og því er ýmislegt í kortunum fyrir bókina. Icepick er væntanleg í verslanir hér á landi í lok maí, en óþolinmóðir geta fengið forsmekk af bókinni á Icepickbook.com. Mest lesið Byrjaði í smábrotum en vatt svo upp á sig Lífið Heitustu hinsegin pör landsins Lífið Fréttatía vikunnar: Vindmyllur, tannlæknar og fegurðardrottningar Lífið Dóttir Snæfríðar og Högna komin með nafn Lífið Margverðlaunaður garður með sólskini allan daginn Lífið Sjáðu myndirnar frá Ungfrú Ísland Lífið Búið spil Lífið Dró Antonio grunlausan með sér í Gamla bíó Lífið „Þetta er enginn helvítis félagskvíði, það bara þolir mig enginn“ Áskorun Fundu ástina á ný eftir skilnað Lífið Fleiri fréttir Ljósbrot í forvali til Evrópsku kvikmyndaverðlaunanna Ólafur Darri og Hera Hilmars saman á skjánum í fyrsta sinn Lynch ólíklegur til að leikstýra aftur vegna Covidhræðslu Stórstjörnur í kvikmynd um fundinn í Höfða Fékk yfir sig olíugusu við tökur á sjónvarpsþáttum Robert Downey Jr snýr aftur í Marvel-heima Stikla úr ungstjörnumyndinni sem sló í gegn í Cannes „Það er frábært bíóveður“ Íslendingar tilnefndir til Emmy-verðlauna Tobey Maguire er á landinu Fyrsta stiklan úr Gladiator II Jon Landau er látinn Brad Pitt í mynd um Formúlu 1 í framleiðslu Hamilton Sjá meira
Þórdís Claessen opnar einkasýningu í Urbis-safninu í Manchester 9. maí næstkomandi. Vel gæti farið svo að Ósómakindin rati á veggi safnsins. „Ég verð með bókarkynningu fyrir Icepick og sýningu í kringum það. Hún verður uppi í þrjá mánuði, alveg fram í ágúst,“ útskýrði Þórdís. Icepick er afrakstur margra ára vinnu Þórdísar, en í bókinni er að finna ljósmyndir hennar af íslenskri götulist og graffítí. Urbis-safnið einbeitir sér sérstaklega að borgarmenningu, sem Þórdísi þykir ekki verra. „Þeir voru með pönksýningu um daginn og mér sýnist þeir leggja mikið í það sem þeir gera.“ Þórdís mun til að mynda skreyta tólf metra langan vegg í safninu. „Þar verður blanda af myndum úr bókinni, sem ég hef tekið af verkum annarra, og minni hönnun líka. Ég er náttúrulega ekki graffítílistamaður sjálf, en ég teikna,“ sagði Þórdís. Eitthvað af hönnun hennar fyrir Ósómabúðina, sem Þórdís á og rekur ásamt Gunnlaugi Grétarssyni, mun jafnframt rata á vegginn. „Þetta verður örugglega góð lyftistöng fyrir bókina og svona öðruvísi landkynning um leið,“ sagði Þórdís. Gingko press gefur bókina út, en forlagið einbeitir sér að bókum um jaðarlist og götumenningu, að sögn Þórdísar. „Þekktasta flaggskip þeirra er Obey, eða Shepard Fairey, listamaður sem er mjög þekktur í þessum bransa. Það er ekkert leiðinlegt að vera í sama liði og hann,“ sagði Þórdís kát. Bókinni verður að hennar sögn sennilega dreift í tveimur, ef ekki þremur, heimsálfum til viðbótar við Evrópu. „Gingko teygir sig yfir öll Bandaríkin og Evrópu og það má vera að bókin nái Japan og jafnvel Ástralíu, en það á eftir að skýrast,“ sagði hún. „Svo lét útgáfan í það skína að Icepick yrði boðið að taka þátt í einhverju götumenningargiggi í Amsterdam í júlí,“ bætti Þórdís við, og því er ýmislegt í kortunum fyrir bókina. Icepick er væntanleg í verslanir hér á landi í lok maí, en óþolinmóðir geta fengið forsmekk af bókinni á Icepickbook.com.
Mest lesið Byrjaði í smábrotum en vatt svo upp á sig Lífið Heitustu hinsegin pör landsins Lífið Fréttatía vikunnar: Vindmyllur, tannlæknar og fegurðardrottningar Lífið Dóttir Snæfríðar og Högna komin með nafn Lífið Margverðlaunaður garður með sólskini allan daginn Lífið Sjáðu myndirnar frá Ungfrú Ísland Lífið Búið spil Lífið Dró Antonio grunlausan með sér í Gamla bíó Lífið „Þetta er enginn helvítis félagskvíði, það bara þolir mig enginn“ Áskorun Fundu ástina á ný eftir skilnað Lífið Fleiri fréttir Ljósbrot í forvali til Evrópsku kvikmyndaverðlaunanna Ólafur Darri og Hera Hilmars saman á skjánum í fyrsta sinn Lynch ólíklegur til að leikstýra aftur vegna Covidhræðslu Stórstjörnur í kvikmynd um fundinn í Höfða Fékk yfir sig olíugusu við tökur á sjónvarpsþáttum Robert Downey Jr snýr aftur í Marvel-heima Stikla úr ungstjörnumyndinni sem sló í gegn í Cannes „Það er frábært bíóveður“ Íslendingar tilnefndir til Emmy-verðlauna Tobey Maguire er á landinu Fyrsta stiklan úr Gladiator II Jon Landau er látinn Brad Pitt í mynd um Formúlu 1 í framleiðslu Hamilton Sjá meira