Mary Kate Olsen kyssir "gamalmenni"

Hollywoodpían Mary Kate Olsen gerði sér lítið fyrir og kyssti leikarann Ben Kingsley ástríðufullum kossi við tökur á nýjustu mynd þeirra The Wackness. Að sögn viðstaddra var engu til sparað við að gera kossinn sem raunverulegastan.

Ein 42 ár eru á milli turtildúfanna og er hin 21. árs gamla Olsen auk þess með eindæmum ungleg á meðan hinn 63. ára gamli Kingsley er löngu kominn með grátt skegg og skalla. Atriðið ætti því að geta orðið nokkuð áhugavert.

"Mary Kate hefur mikla orku og hún sinnir starfi sínu mjög vel," lét Kingsly hafa eftir sér við tökur á myndinni.

Í myndinni leikur Josh Peck ungan dópsala sem skiptir á grasi og viðtalsmeðferð hjá Dr. Squires sem Kingsley leikur. Mary Kate leikur viðskiptavin Peck's. Þegar Dr. Spuires lendir í hjónabandserfiðleikum stofnar hann til vinskapar við Peck og kynnist þannig Mary Kate.