VG gerir Samfylkingunni tilboð 17. maí 2007 20:59 Eftir dálítið einkennilegt Kastljós sem bar þess merki að spennan hjá sumum er að nálgast suðumark les ég þessa bloggfærslu hjá Árna Þór Sigurðssyni, nýjum þingmanni VG og kannski nánasta ráðgjafa Steingríms J. Hann er beinlínis að bjóða Ingibjörgu Sólrúnu forsætisráðuneytið í vinstri stjórn. Vinstri grænir hafa ekki verið spenntir fyrir því hingað til. Kannski vegna haturs á Framsókn eða vegna þess að þeir hafa ekki þolað tilhugsunina um að Sólrún fái slíka upphefð. Árni Þór skrifar:"Vinstri græn og Framsóknarflokkur eru sammála um að leggja til við forseta Íslands að Ingibjörg Sólrún Gísladóttir fái umboð til stjórnarmyndunar og myndi stjórn þessara þriggja flokka." Það má spyrja hvort einhver alvara sé í þessu eða hvort þetta sé gert til að rugla stöðuna? Tekur Samfylkingin eitthvað mark á þessu? Eða er ekki ljóst að Geir Haarde fær stjórnarmyndunarumboðið á morgun? Er Framsókn með á nótunum? Guðni sagði eitthvað í þessa áttina í Kastljósinu, en hvað segir Jón Sigurðsson? Eru hann og Steingrímur búnir að tala saman um þetta? Á maður að trúa því að Vinstri grænir séu allt í einu komnir í bandalag við Framsókn? Það minnir þá á gamla daga þegar Alþýðubandalaginu og Framsóknarflokki gekk alltaf vel að vinna saman. Svo má líka spyrja hvort Samfylkingin sé í lykilstöðu eftir þetta? Það er alls ekki víst. Ef hún teygir sig of langt á Geir það uppi í erminni að tala við Vinstri græna sem af einhverjum ástæðum hafa ekki verið til viðræðu um R-lista möguleikann fyrr en nú að blasir við að þeir verði skildir útundan. Spurningin er líka hvort Geir hóar ekki bara í Vinstri græna undireins og Sólrún sýnir einhverja tilburði til að mynda vinstri stjórn. Og verða Vinstri grænir þá kannski til í tuskið með Sjálfstæðisflokknum? Annars finnst mér ég yfirleitt skynja fögnuð vegna þess að ríkisstjórnin er hætt. Líka hjá framsóknarmönnum. Kannski var kominn tími á þetta? En þessi texti hans Árna er svo merkilegur að ég stenst ekki mátið að birta restina af honum. Vek sérstaka athygli á að hann segir að Framsókn og VG eigi að gleyma því sem liðið er og að hann er strax farinn að nota nafnið "baugsstjórn": "Reynt hefur verið að halda því fram að tortryggni milli VG og Framsóknar kæmi í veg fyrir samstarf þeirra í ríkisstjórn. Þetta er vitaskuld alrangt. Vinstri græn hafa ALDREI hafnað þeim kosti, enda þótt málefnaágreiningur hafi verið milli flokkanna á liðnum árum, rétt eins og milli Framsóknar og Samfylkingar. En við stjórnarmyndun horfa menn til framtíðar og slá striki yfir hið liðna - nema hvað? Nú er einungis spurning hvort Ingibjörg Sólrún Gísladóttir veldur félögum sínum á trúnó.is vonbrigðum og bendir á karlinn Geir Hilmar Haarde til að mynda næstu ríkisstjórn. Hver mun nú klúðra hinu sögulega tækifæri? Jafnaðar- og félagshyggjufólk í flokkunum þremur hlýtur að hvetja til þess að mynduð verði öflug velferðar- og félagshyggjustjórn fremur en ríkisstjórn sem mun eiga allt sitt undir fjármálaöflunum í landinu, eins konar baugsstjórn. Það er augljóst að Samfylkingin á næsta leik - við hvern liggja skyldur hennar og trúnaður?" Frekari ritskýringar eru vel þegnar. Lesið einnig pistilinn Ný viðreisn frá því fyrr í dag. Viltu birta grein á Vísi? Sendu okkur póst. Senda grein Pistlar Silfur Egils Skoðanir Mest lesið „Naktir elskendur, Helga og Bjarni, liggja í faðmlögum, handleggjabenda á rauðum rúmfötum, umvafin mildri birtu“ Sigþór U. Hallfreðsson Skoðun 10 staðreyndir um verðbólgu og ríkisfjármál Konráð S. Guðjónsson Skoðun Er eitt næturgaman þess virði? Reynir Böðvarsson Skoðun Læknar, heilbrigðisstarfsfólk og lykill að lausninni Áslaug Arna Sigurbjörnsdóttir Skoðun Vaxtalækkun eða neyðarlög Ragnar Þór Ingólfsson,Ásthildur Lóa Þórsdóttir Skoðun Krossinn er fallegur Skoðun Veðjað á rétta skólann Pawel Bartoszek Skoðun Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun Nei þetta getur aldrei gerst á okkar litla Íslandi! Davíð Bergmann Skoðun Þjóðarmorð með vestrænum vopnum Ingólfur Steinsson Skoðun
Eftir dálítið einkennilegt Kastljós sem bar þess merki að spennan hjá sumum er að nálgast suðumark les ég þessa bloggfærslu hjá Árna Þór Sigurðssyni, nýjum þingmanni VG og kannski nánasta ráðgjafa Steingríms J. Hann er beinlínis að bjóða Ingibjörgu Sólrúnu forsætisráðuneytið í vinstri stjórn. Vinstri grænir hafa ekki verið spenntir fyrir því hingað til. Kannski vegna haturs á Framsókn eða vegna þess að þeir hafa ekki þolað tilhugsunina um að Sólrún fái slíka upphefð. Árni Þór skrifar:"Vinstri græn og Framsóknarflokkur eru sammála um að leggja til við forseta Íslands að Ingibjörg Sólrún Gísladóttir fái umboð til stjórnarmyndunar og myndi stjórn þessara þriggja flokka." Það má spyrja hvort einhver alvara sé í þessu eða hvort þetta sé gert til að rugla stöðuna? Tekur Samfylkingin eitthvað mark á þessu? Eða er ekki ljóst að Geir Haarde fær stjórnarmyndunarumboðið á morgun? Er Framsókn með á nótunum? Guðni sagði eitthvað í þessa áttina í Kastljósinu, en hvað segir Jón Sigurðsson? Eru hann og Steingrímur búnir að tala saman um þetta? Á maður að trúa því að Vinstri grænir séu allt í einu komnir í bandalag við Framsókn? Það minnir þá á gamla daga þegar Alþýðubandalaginu og Framsóknarflokki gekk alltaf vel að vinna saman. Svo má líka spyrja hvort Samfylkingin sé í lykilstöðu eftir þetta? Það er alls ekki víst. Ef hún teygir sig of langt á Geir það uppi í erminni að tala við Vinstri græna sem af einhverjum ástæðum hafa ekki verið til viðræðu um R-lista möguleikann fyrr en nú að blasir við að þeir verði skildir útundan. Spurningin er líka hvort Geir hóar ekki bara í Vinstri græna undireins og Sólrún sýnir einhverja tilburði til að mynda vinstri stjórn. Og verða Vinstri grænir þá kannski til í tuskið með Sjálfstæðisflokknum? Annars finnst mér ég yfirleitt skynja fögnuð vegna þess að ríkisstjórnin er hætt. Líka hjá framsóknarmönnum. Kannski var kominn tími á þetta? En þessi texti hans Árna er svo merkilegur að ég stenst ekki mátið að birta restina af honum. Vek sérstaka athygli á að hann segir að Framsókn og VG eigi að gleyma því sem liðið er og að hann er strax farinn að nota nafnið "baugsstjórn": "Reynt hefur verið að halda því fram að tortryggni milli VG og Framsóknar kæmi í veg fyrir samstarf þeirra í ríkisstjórn. Þetta er vitaskuld alrangt. Vinstri græn hafa ALDREI hafnað þeim kosti, enda þótt málefnaágreiningur hafi verið milli flokkanna á liðnum árum, rétt eins og milli Framsóknar og Samfylkingar. En við stjórnarmyndun horfa menn til framtíðar og slá striki yfir hið liðna - nema hvað? Nú er einungis spurning hvort Ingibjörg Sólrún Gísladóttir veldur félögum sínum á trúnó.is vonbrigðum og bendir á karlinn Geir Hilmar Haarde til að mynda næstu ríkisstjórn. Hver mun nú klúðra hinu sögulega tækifæri? Jafnaðar- og félagshyggjufólk í flokkunum þremur hlýtur að hvetja til þess að mynduð verði öflug velferðar- og félagshyggjustjórn fremur en ríkisstjórn sem mun eiga allt sitt undir fjármálaöflunum í landinu, eins konar baugsstjórn. Það er augljóst að Samfylkingin á næsta leik - við hvern liggja skyldur hennar og trúnaður?" Frekari ritskýringar eru vel þegnar. Lesið einnig pistilinn Ný viðreisn frá því fyrr í dag.
„Naktir elskendur, Helga og Bjarni, liggja í faðmlögum, handleggjabenda á rauðum rúmfötum, umvafin mildri birtu“ Sigþór U. Hallfreðsson Skoðun
Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun
„Naktir elskendur, Helga og Bjarni, liggja í faðmlögum, handleggjabenda á rauðum rúmfötum, umvafin mildri birtu“ Sigþór U. Hallfreðsson Skoðun
Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun