Angelina Jolie ólétt

Vikuritið In Touch heldur því fram að Angelina Jolie sé komin þrjá mánuði á leið með sjöunda barn hennar og Brad Pitt.

Umrætt tímarit var fyrst til að upplýsa heiminn að hún gengi með tvíbura.

Í blaðinu er vakin athygli á því að Angelina geti ekki hætt að ræða um barnið sem hún beri undir belti og að annað hljóð sé í barnsföður hennar, Brad, sem sé ekki eins spenntur.

Talsmaður parsins heldur því fram að frétt blaðsins um þungun Angelinu sé þvæla.

Angelina, sem fæddi tvíbura 12. júní síðastliðinn, sagði nýverið að hún hefði aldrei gert áætlanir um að eignast börn fyrr en hún kynntist Brad sem fékk hana til að skipta um skoðun.