Árangursríkt grasrótarstarf Steinunn Stefánsdóttir skrifar 1. október 2008 08:45 Krabbameinsfélagið helgar í ár, eins og undanfarin ár, októbermánuð árveknisátaki gegn brjóstakrabbameini. Um leið og vakin er athygli á hópleit Krabbameinsfélagsins að brjóstakrabbameini og konur hvattar til að nýta sér hana er bleika slaufan seld til ágóða fyrir tækjakaupum Krabbameinsfélagsins. Í ár verður ágóðanum af sölu bleiku slaufunnar varið til að ljúka greiðslu á nýjum stafrænum röntgentækjum. Nýju tækin munu bæta skilyrði Krabbameinsfélagsins til að leita að brjóstakrabbameini með mun nákvæmari greiningu en fékkst með eldri tækjum. Þetta ætti að skila sér beint í auknum batahorfum þeirra kvenna sem greinast með brjóstakrabbamein vegna þess að líkur eru á að meinið greinist fyrr. Brjóstakrabbamein er algengasta krabbameinið meðal kvenna. Ein af hverjum tíu konum á Íslandi greinist með brjóstakrabbamein einhvern tíma á ævinni. Þetta er há tala en á móti kemur að árangurinn í baráttunni gegn brjóstakrabbameini hér á landi er einn sá besti í heimi. Tæp 90 prósent þeirra kvenna sem greinast með brjóstakrabbamein eru enn á lífi fimm árum eftir greiningu. Vitað er að því fyrr sem krabbamein í brjóstum greinist því meiri eru lífslíkurnar. Engin kona ætti því að sitja heima þegar hún fær boð um röntgenskoðun hjá Krabbameinsfélaginu en allar konur á aldrinum 40 til 69 ára eru boðaðar í slíka skoðun á tveggja ára fresti. Krabbameinsfélagið hefur frá stofnun þess árið 1951 unnið stórmerkilegt starf. Galdurinn í starfi félagsins er trúlega að þar kemur saman fagfólk annars vegar og sjúklingar hins vegar. Samstarf þessara tveggja hópa, ásamt þeim þriðja sem eru aðstandendur sjúklinga og áhugafólk um baráttuna gegn krabbameini, hefur verið frjósamt og getið af sér miklar framfarir fyrir sjúklinga sem greinast með krabbamein. Leitarstarfið er meðal þessara framfara. Í því sambandi er nóg að benda á að dánartíðni af völdum brjóstakrabbameins hefur ekki aukist undanfarna áratugi þrátt fyrir talsverða aukningu á nýgengi meinsins. Það er raunar umhugsunarefni að svo virðist sem umhverfisþættir skipti meira máli en erfðir þegar brjóstakrabbamein er annars vegar. Þannig er brjóstakrabbamein mun algengara á Vesturlöndum en í Afríku og Asíu. Sömuleiðis hefur verið sýnt fram á fylgni milli brjóstakrabbameins og notkun hormónalyfja til að draga úr áhrifum tíðahvarfa og annarra þátta svo sem kyrrsetu, offitu og áfengisneyslu. Ljóst er því að konur geta að einhverju leyti sjálfar haft áhrif á líkurnar á því að þær veikist af brjóstakrabbameini. Markmið árveknisártaksins í ár er að selja 40.000 bleikar slaufur. Lesendur Fréttablaðsins geta fylgst með árangri söfnunarinnar á mæli sem birtur verður á forsíðu blaðsins dag hvern meðan átakið stendur. Viltu birta grein á Vísi? Sendu okkur póst. Senda grein Mest lesið Lýst yfir hættustigi vegna áfengisdrykkju Gunnar Hersveinn Skoðun „Það eru allir með ADHD“ Tómas Páll Þorvaldsson Skoðun Ímyndaðu þér að þú sért átján ára stúlka... Stella Samúelsdóttir Skoðun Ráðvilltur ráðgjafi ríkisstjórnar Ásgeir Daníelsson Skoðun Svar við bréfi Ernu Ragnar Sigurður Kristjánsson Skoðun Sannleikurinn um Evrópusambandið I - Öryggi, velferð og lífsgæði, sem margir átta sig ekki á Ole Anton Bieltved Skoðun Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun Verði ykkur að trú ykkar! Vangaveltur um stóra kirkjugarðsmálið Gunnar Jóhannesson Skoðun Aftur að hjálmskviðu ríkislögreglustjóra Indriði Stefánsson Skoðun Stjórnartíðindi 150 ára Svavar Kjarrval Skoðun
Krabbameinsfélagið helgar í ár, eins og undanfarin ár, októbermánuð árveknisátaki gegn brjóstakrabbameini. Um leið og vakin er athygli á hópleit Krabbameinsfélagsins að brjóstakrabbameini og konur hvattar til að nýta sér hana er bleika slaufan seld til ágóða fyrir tækjakaupum Krabbameinsfélagsins. Í ár verður ágóðanum af sölu bleiku slaufunnar varið til að ljúka greiðslu á nýjum stafrænum röntgentækjum. Nýju tækin munu bæta skilyrði Krabbameinsfélagsins til að leita að brjóstakrabbameini með mun nákvæmari greiningu en fékkst með eldri tækjum. Þetta ætti að skila sér beint í auknum batahorfum þeirra kvenna sem greinast með brjóstakrabbamein vegna þess að líkur eru á að meinið greinist fyrr. Brjóstakrabbamein er algengasta krabbameinið meðal kvenna. Ein af hverjum tíu konum á Íslandi greinist með brjóstakrabbamein einhvern tíma á ævinni. Þetta er há tala en á móti kemur að árangurinn í baráttunni gegn brjóstakrabbameini hér á landi er einn sá besti í heimi. Tæp 90 prósent þeirra kvenna sem greinast með brjóstakrabbamein eru enn á lífi fimm árum eftir greiningu. Vitað er að því fyrr sem krabbamein í brjóstum greinist því meiri eru lífslíkurnar. Engin kona ætti því að sitja heima þegar hún fær boð um röntgenskoðun hjá Krabbameinsfélaginu en allar konur á aldrinum 40 til 69 ára eru boðaðar í slíka skoðun á tveggja ára fresti. Krabbameinsfélagið hefur frá stofnun þess árið 1951 unnið stórmerkilegt starf. Galdurinn í starfi félagsins er trúlega að þar kemur saman fagfólk annars vegar og sjúklingar hins vegar. Samstarf þessara tveggja hópa, ásamt þeim þriðja sem eru aðstandendur sjúklinga og áhugafólk um baráttuna gegn krabbameini, hefur verið frjósamt og getið af sér miklar framfarir fyrir sjúklinga sem greinast með krabbamein. Leitarstarfið er meðal þessara framfara. Í því sambandi er nóg að benda á að dánartíðni af völdum brjóstakrabbameins hefur ekki aukist undanfarna áratugi þrátt fyrir talsverða aukningu á nýgengi meinsins. Það er raunar umhugsunarefni að svo virðist sem umhverfisþættir skipti meira máli en erfðir þegar brjóstakrabbamein er annars vegar. Þannig er brjóstakrabbamein mun algengara á Vesturlöndum en í Afríku og Asíu. Sömuleiðis hefur verið sýnt fram á fylgni milli brjóstakrabbameins og notkun hormónalyfja til að draga úr áhrifum tíðahvarfa og annarra þátta svo sem kyrrsetu, offitu og áfengisneyslu. Ljóst er því að konur geta að einhverju leyti sjálfar haft áhrif á líkurnar á því að þær veikist af brjóstakrabbameini. Markmið árveknisártaksins í ár er að selja 40.000 bleikar slaufur. Lesendur Fréttablaðsins geta fylgst með árangri söfnunarinnar á mæli sem birtur verður á forsíðu blaðsins dag hvern meðan átakið stendur.
Sannleikurinn um Evrópusambandið I - Öryggi, velferð og lífsgæði, sem margir átta sig ekki á Ole Anton Bieltved Skoðun
Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun
Sannleikurinn um Evrópusambandið I - Öryggi, velferð og lífsgæði, sem margir átta sig ekki á Ole Anton Bieltved Skoðun
Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun