Skallagrímur fær bandarískan leikstjórnanda

Skallagrímsmenn hafa ákveðið að skipta um leikstjórnanda, en Miroslav Andonov hefur alls ekki staðið undir væntingum síðan hann kom til liðisins.

Andonov verður því sendur heim og í hans stað er væntanlegur Bandaríkjamaðurinn Landon Quick sem lék með High Point háskólanum.

Quick þessi er væntanlegur til landsins eldsnemma á miðvikudagsmorguninn og vonir standa til um að hann verði orðinn löglegur þegar Skallarnir mæta Val í bikarnum á fimmtudagskvöldið.