Í Stjórnarráðinu Bergsteinn Sigurðsson. skrifar 5. maí 2009 06:00 Jóhanna feykir upp dyrunum og drífur sig óðamála inn. „Hæ, Steingrímur. Fyrirgefðu hvað ég er sein, var stoppuð af fréttamönnum frammi." Steingrímur svarar án þesss að líta upp úr dagblaðinu. „Ekkert mál, ekki eins og okkur liggi á. Hvað sagðirðu þeim annars?" Jóhanna hengir rauða jakkann upp á snaga. „Bara það sama og síðast, að okkur þokaði vel áfram í stjórnarmyndunarviðræðum en ég gæti ekkert gefið upp fyrr en endanlega niðurstaða lægi fyrir. Og svo minnti ég þá á að það er ennþá starfandi ríkisstjórn." Steingrímur lítur upp. „Gleypa þeir enn þá við því?" Jóhanna skrúfar tappann af vatnsflösku. „Ja, það er kominn kurr í suma. En kannski hljóp ég á mig þegar ég sagði eitthvað á þá leið að ég byggist við að verð á íbúðarhúsnæði ætti eftir að ná fyrri hæðum..." Steingrímur veðrast upp. „Jóhanna þó! Töluðum við ekki um að vera hóflega óraunsæ í yfirlýsingum. Viltu ekki bara lofa líka að innflutningur á nýjum bílum og sala á fellihýsum eigi eftir að komast aftur í fyrra horf!" Jóhanna afsakar sig. „Ég veit, missti þetta bara út úr mér. Hvað átti ég að gera, segja þeim satt? Að það séu allir líkur á að margir eigi eftir að verða gjaldþrota og missa húsnæðið áður en okkur tekst að skapa nógu stöðugt efnahagsumhverfi sem gerir heimilunum kleift að rétta úr kútnum? Held mér hafi hins vegar tekist að kaupa okkur tíma fram yfir helgi. Sem betur fer dró þessi vatnsgreiddi athyglina frá okkur með nýaldarkuklinu sínu í nokkra daga." Steingrímur róast. „Já, þú meinar Gísli Tryggvason, talsmaður neytenda, og tillögur hans um niðurfærslu íbúðarlána?" Jóhanna flissar. „Nei, þessi var aðeins jarðtengdari en Gísli. Æ, hvað heitir hann, leikstjórinn þarna, David eitthvað, sá sem gerði þarna sjónvarpsþættina, Tvídranga. Voða skrýtið allt saman, dvergar að vanga við hross og svoleiðis. Sýndir á Stöð 2 upp úr 1990." Steingrímur fussar. „Stöð 2 náðist ekki í Þistilfirði upp úr 1990 og mætti svo enn vera mín vegna." Jóhanna maldar í móinn. „Þú ættir samt að kíkja á myndirnar hans Steingrímur. Ein þeirra fjallar til dæmis um gamlan mann sem ekur þvert og endilangt yfir Bandaríkin á sláttuvél." Steingrímur mildast í fasi og verður hugsi á svip. „Hmm, það hljómar eins og góð sláttuvél." Jóhanna settur upp seiðandi svip og lækkar raustina. „Steingrímur, veistu hvar er hægt að fá svoleiðis sláttuvél? Hann hristir höfuðið. Jóhanna hallar sér fram og hvíslar í eyra hans. „Í Evrópusambandinu." Viltu birta grein á Vísi? Sendu okkur póst. Senda grein Bergsteinn Sigurðsson Mest lesið Af hverju leka gluggar fyrr en áður? Böðvar Bjarnason Skoðun Hvað verður um Kára? Helga Sigrún Harðardóttir Skoðun Að óttast blokkir Ásta Logadóttir Skoðun Hluta þjóðarinnar hent út í kuldann – hinn baðar sig í sólinni Ole Anton Bieltvedt Skoðun Engin gúrka hjá Blaðamannafélaginu Sigríður Dögg Auðunsdóttir,Freyja Steingrímsdóttir Skoðun Að eiga tertuna og borða hana líka – svar til formanns Hildur Sverrisdóttir Skoðun Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun Hik er sama og tap Ingólfur Sverrisson Skoðun Evrópa og myrkrið framundan Hilmar Þór Hilmarsson Skoðun Glútenlaust gull á grillið Anna Gunndís Guðmundsdóttir Skoðun
Jóhanna feykir upp dyrunum og drífur sig óðamála inn. „Hæ, Steingrímur. Fyrirgefðu hvað ég er sein, var stoppuð af fréttamönnum frammi." Steingrímur svarar án þesss að líta upp úr dagblaðinu. „Ekkert mál, ekki eins og okkur liggi á. Hvað sagðirðu þeim annars?" Jóhanna hengir rauða jakkann upp á snaga. „Bara það sama og síðast, að okkur þokaði vel áfram í stjórnarmyndunarviðræðum en ég gæti ekkert gefið upp fyrr en endanlega niðurstaða lægi fyrir. Og svo minnti ég þá á að það er ennþá starfandi ríkisstjórn." Steingrímur lítur upp. „Gleypa þeir enn þá við því?" Jóhanna skrúfar tappann af vatnsflösku. „Ja, það er kominn kurr í suma. En kannski hljóp ég á mig þegar ég sagði eitthvað á þá leið að ég byggist við að verð á íbúðarhúsnæði ætti eftir að ná fyrri hæðum..." Steingrímur veðrast upp. „Jóhanna þó! Töluðum við ekki um að vera hóflega óraunsæ í yfirlýsingum. Viltu ekki bara lofa líka að innflutningur á nýjum bílum og sala á fellihýsum eigi eftir að komast aftur í fyrra horf!" Jóhanna afsakar sig. „Ég veit, missti þetta bara út úr mér. Hvað átti ég að gera, segja þeim satt? Að það séu allir líkur á að margir eigi eftir að verða gjaldþrota og missa húsnæðið áður en okkur tekst að skapa nógu stöðugt efnahagsumhverfi sem gerir heimilunum kleift að rétta úr kútnum? Held mér hafi hins vegar tekist að kaupa okkur tíma fram yfir helgi. Sem betur fer dró þessi vatnsgreiddi athyglina frá okkur með nýaldarkuklinu sínu í nokkra daga." Steingrímur róast. „Já, þú meinar Gísli Tryggvason, talsmaður neytenda, og tillögur hans um niðurfærslu íbúðarlána?" Jóhanna flissar. „Nei, þessi var aðeins jarðtengdari en Gísli. Æ, hvað heitir hann, leikstjórinn þarna, David eitthvað, sá sem gerði þarna sjónvarpsþættina, Tvídranga. Voða skrýtið allt saman, dvergar að vanga við hross og svoleiðis. Sýndir á Stöð 2 upp úr 1990." Steingrímur fussar. „Stöð 2 náðist ekki í Þistilfirði upp úr 1990 og mætti svo enn vera mín vegna." Jóhanna maldar í móinn. „Þú ættir samt að kíkja á myndirnar hans Steingrímur. Ein þeirra fjallar til dæmis um gamlan mann sem ekur þvert og endilangt yfir Bandaríkin á sláttuvél." Steingrímur mildast í fasi og verður hugsi á svip. „Hmm, það hljómar eins og góð sláttuvél." Jóhanna settur upp seiðandi svip og lækkar raustina. „Steingrímur, veistu hvar er hægt að fá svoleiðis sláttuvél? Hann hristir höfuðið. Jóhanna hallar sér fram og hvíslar í eyra hans. „Í Evrópusambandinu."
Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun
Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun