Bestu batahorfur í heimi Steinunn Stefánsdóttir skrifar 2. október 2009 06:00 Sala bleiku slaufu Krabbameinsfélagsins er nú hafin í tíunda sinn. Sem fyrr helgar félagið októbermánuð baráttunni gegn brjóstakrabbameini. Brjóstakrabbamein er algengasta krabbameinið meðal kvenna en tólfta hver íslensk kona greinist með meinið. Leitarstöð Krabbameinsfélagsins er fjárvana í kjölfar efnahagshrunsins. Í ár rennur því allur ágóðinn af sölu bleiku slaufunnar beint til leitarstarfsins en um 35 þúsund íslenskar konur koma á Leitarstöð Krabbameinsfélagsins ár hvert. Lífslíkur íslenskra kvenna sem greinast með brjóstakrabbamein eru þær bestu í heimi en 88 prósent þeirra sem greinast með brjóstakrabbamein hér á landi eru á lífi fimm árum síðar. Leitarstarf Krabbameinsfélagsins gegnir lykilhlutverki í þeim framúrskarandi árangri sem náðst hefur í baráttunni bæði við brjóstakrabbamein og leghálskrabbamein en auk leitarstarfsins stendur Krabbameinsfélagið fyrir þrotlausri fræðslu og hvatningu til kvenna um að nýta sér leitarstarfið. Allar konur á aldrinum 40 til 69 ára eru boðaðar á Leitarstöðina í röntgenmyndatöku á brjóstum á tveggja ára fresti. Þetta er boð sem allar konur ættu að þekkjast því að vitað er að því fyrr sem krabbamein í brjóstum greinist því betri eru lífslíkurnar. Þessi þjónusta Krabbameinsfélagsins mun vera umfangsmeiri en þekkist í öðrum löndum. Auk þess að koma reglulega á Leitarstöðina ættu allar konur að þreifa sjálfar brjóst sín reglulega og vera vakandi fyrir öllum breytingum. Vitund íslenskra kvenna um brjóstakrabbamein og örlátt starf bæði í forvörnum og stuðningi við konur sem greinst hafa með brjóstakrabbamein er raunar til eftirbreytni. Mikið og margvíslegt sjálfboða- og grasrótarstarf er innt af hendi í baráttunni gegn meininu. Samhjálp kvenna er dæmi um þetta. Samhjálp kvenna eru samtök kvenna sem greinst hafa með krabbamein í brjóstum. Tilgangur samtakanna er meðal annars að veita konum sem greinst hafa með brjóstakrabbamein persónulega ráðgjöf og stuðla að fræðslu og bættri endurhæfingu kvenna eftir meðferð. Öll þjónusta samtakanna er unnin í sjálfboðastarfi. Annað dæmi er styrktarfélagið Göngum saman sem mun nú í október í þriðja sinn veita umtalsvert fé til grunnrannsókna á krabbameini í brjóstum. Markmið félagsins er að safna fé í styrktarsjóðinn og veita því í rannsóknarstarf samhliða því að stuðla að bættri heilsu með því að ganga saman. Starfsemi þessa félags byggir einnig algerlega á sjálfboðaliðum. Leigubílar frá Hreyfli setja sem fyrr svip sinn á bæinn nú í október með fagurbleikum skiltum. Þannig er minnt á yfirstandandi átak en slaufurnar má kaupa hjá bílstjórunum og víða í verslunum og á kaffihúsum. Í ár er markmiðið að selja 45.000 bleikar slaufur. Sala bleiku slaufunnar stendur til 15. október og geta lesendur Fréttablaðsins fylgst með árangri söfnunarinnar á mæli sem birtur er á forsíðu blaðsins dag hvern meðan átakið stendur. Allir geta lagt átakinu lið með því að kaupa og skarta bleikri slaufu og minna með því næsta mann á að gera slíkt hið sama. Viltu birta grein á Vísi? Sendu okkur póst. Senda grein Mest lesið Svar við bréfi Ernu Ragnar Sigurður Kristjánsson Skoðun Lýst yfir hættustigi vegna áfengisdrykkju Gunnar Hersveinn Skoðun Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun Aftur að hjálmskviðu ríkislögreglustjóra Indriði Stefánsson Skoðun Sannleikurinn um Evrópusambandið I - Öryggi, velferð og lífsgæði, sem margir átta sig ekki á Ole Anton Bieltved Skoðun Fjármagna enn hernað Rússlands Hjörtur J. Guðmundsson Skoðun Eru framkvæmdir í Saltvík loftslagsvænar? Ólafur S. Andrésson Skoðun ADHD og Sköpunargáfa: Leyndarmál Skapandi Framfara: Steindór Þórarinsson Skoðun Vaxtalækkun eða neyðarlög Ragnar Þór Ingólfsson,Ásthildur Lóa Þórsdóttir Skoðun „Smækkunar“gler Viðskiptaráðs Erna Bjarnadóttir Skoðun
Sala bleiku slaufu Krabbameinsfélagsins er nú hafin í tíunda sinn. Sem fyrr helgar félagið októbermánuð baráttunni gegn brjóstakrabbameini. Brjóstakrabbamein er algengasta krabbameinið meðal kvenna en tólfta hver íslensk kona greinist með meinið. Leitarstöð Krabbameinsfélagsins er fjárvana í kjölfar efnahagshrunsins. Í ár rennur því allur ágóðinn af sölu bleiku slaufunnar beint til leitarstarfsins en um 35 þúsund íslenskar konur koma á Leitarstöð Krabbameinsfélagsins ár hvert. Lífslíkur íslenskra kvenna sem greinast með brjóstakrabbamein eru þær bestu í heimi en 88 prósent þeirra sem greinast með brjóstakrabbamein hér á landi eru á lífi fimm árum síðar. Leitarstarf Krabbameinsfélagsins gegnir lykilhlutverki í þeim framúrskarandi árangri sem náðst hefur í baráttunni bæði við brjóstakrabbamein og leghálskrabbamein en auk leitarstarfsins stendur Krabbameinsfélagið fyrir þrotlausri fræðslu og hvatningu til kvenna um að nýta sér leitarstarfið. Allar konur á aldrinum 40 til 69 ára eru boðaðar á Leitarstöðina í röntgenmyndatöku á brjóstum á tveggja ára fresti. Þetta er boð sem allar konur ættu að þekkjast því að vitað er að því fyrr sem krabbamein í brjóstum greinist því betri eru lífslíkurnar. Þessi þjónusta Krabbameinsfélagsins mun vera umfangsmeiri en þekkist í öðrum löndum. Auk þess að koma reglulega á Leitarstöðina ættu allar konur að þreifa sjálfar brjóst sín reglulega og vera vakandi fyrir öllum breytingum. Vitund íslenskra kvenna um brjóstakrabbamein og örlátt starf bæði í forvörnum og stuðningi við konur sem greinst hafa með brjóstakrabbamein er raunar til eftirbreytni. Mikið og margvíslegt sjálfboða- og grasrótarstarf er innt af hendi í baráttunni gegn meininu. Samhjálp kvenna er dæmi um þetta. Samhjálp kvenna eru samtök kvenna sem greinst hafa með krabbamein í brjóstum. Tilgangur samtakanna er meðal annars að veita konum sem greinst hafa með brjóstakrabbamein persónulega ráðgjöf og stuðla að fræðslu og bættri endurhæfingu kvenna eftir meðferð. Öll þjónusta samtakanna er unnin í sjálfboðastarfi. Annað dæmi er styrktarfélagið Göngum saman sem mun nú í október í þriðja sinn veita umtalsvert fé til grunnrannsókna á krabbameini í brjóstum. Markmið félagsins er að safna fé í styrktarsjóðinn og veita því í rannsóknarstarf samhliða því að stuðla að bættri heilsu með því að ganga saman. Starfsemi þessa félags byggir einnig algerlega á sjálfboðaliðum. Leigubílar frá Hreyfli setja sem fyrr svip sinn á bæinn nú í október með fagurbleikum skiltum. Þannig er minnt á yfirstandandi átak en slaufurnar má kaupa hjá bílstjórunum og víða í verslunum og á kaffihúsum. Í ár er markmiðið að selja 45.000 bleikar slaufur. Sala bleiku slaufunnar stendur til 15. október og geta lesendur Fréttablaðsins fylgst með árangri söfnunarinnar á mæli sem birtur er á forsíðu blaðsins dag hvern meðan átakið stendur. Allir geta lagt átakinu lið með því að kaupa og skarta bleikri slaufu og minna með því næsta mann á að gera slíkt hið sama.
Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun
Sannleikurinn um Evrópusambandið I - Öryggi, velferð og lífsgæði, sem margir átta sig ekki á Ole Anton Bieltved Skoðun
Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun
Sannleikurinn um Evrópusambandið I - Öryggi, velferð og lífsgæði, sem margir átta sig ekki á Ole Anton Bieltved Skoðun