Árás Marlon King: „Eins og að fá múrstein í andlitið“

Fjölmiðlar í Bretlandi hafa fjallað nokkuð um hrottalega árás knattspyrnumannsins Marlon King sem leikur með Wigan Athletic í úrvalsdeildinni. Hinn 29 ára gamli framherji var dæmdur í 18 mánaða fangelsi fyrir árás á tvítuga stúlku, Emily Carr, en hann kýldi hann margoft í andlitið.

„Þetta var eins og að fá múrstein í andlitið. King sló mig eins og atvinnuboxari. Hann varð sér til skammar og ætti aldrei aftur að fá að leika knattspyrnu sem atvinnumaður," sagði Emily í mögnuðu viðtali við News of the world í dag.

Árásin var gerð á næturklúbbi og þar sem Emily lá grátandi í gólfinu eftir nokkur högg reyndi hún að láta fólk vita af sér. King snér sér þá að henni og sagði: „Ég er milljónamæringur, elskan......þú ert ekki einu sinni í mínum gæðaflokki!"

„King hélt hann væri kóngurinn, en hann er bara þorpari með gullkort."

Hægt er að sjá myndband af viðtali News of the World við Emily hér.