Gættu þín góða mín 23. apríl 2009 00:01 Fyrir skemmstu rak ég augun í auglýsingu í blaði þar sem líkamsræktarstöð auglýsti sumarkort í ræktina. Þetta var heilsíðu auglýsing þar sem stór mynd þakti síðuna og svo fylgdi einhver texti sem gaf til kynna verð og annað. Þetta var ágætis tilboð, en það sem vakti þó athygli mína var hvernig auglýsingin var myndskreytt en síðuna þakti stór mynd af sólbrúnum kvenmannsrassi í eldrauðum þvengbuxum. Á bera rasskinnina var búið að stimpla svörtum stöfum „sýndu þig í sumar!“ Ég veit ekki til hverra auglýsingin átti að höfða en mér þykir sennilegt að stöðin vilji ná til beggja kynja. Ég geri ráð fyrir að augu karlmanna hafi stöðvast við þessa mynd og jafnvel virkað hvetjandi á þá að kaupa sér kort í einmitt þessari rækt. Augu mín stöðvuðust einnig við myndina, en ég fór sannarlega ekki að hugsa um að kaupa mér líkamsræktarkort. Alla daga dynja á okkur skilaboð um hvernig holdafar og útlit stúlkna skuli vera og skilaboðin sem þarna voru stipmluð á rass sögðu okkur beinlínis að fara úr og sýna sem mest hold í sumar. Sýna hverjum? Fyrir stúlkur er vandlifað því ekki einungis eiga þær að líta út á ákveðinn hátt, það er heldur ekki sama hvernig þær haga sér. stuttu áður hafði ég nefnilega séð aðra auglýsingu. Úr henni mátti lesa þau skilaboð til stúlkna að ef þær drykkju ekki áfengi væru minni líkur á að þeim yrði nauðgað. Þeirri auglýsingu er þó búið að breyta og biðjast velvirðingar á eftir viðbrögðin sem hún fékk. Það er gott því það verður að eyða þeim hugsunarhætti að það að nauðga sé viðurkennd hegðun karlmanna við vissar aðstæður, sem konur verði bara að passa sig á, til dæmis með því að drekka ekki áfengi. En þó eiga þær að sýna meira hold í sumar... Ég botna ekkert í þessu og finnst þetta ósanngjörn skilaboð. Hvernig eiga ungar stúlkur að finna út úr þessu öllu saman þegar krafist er af þeim að þær séu bæði sætar og eggjandi en gangi þær of langt er sjálfsagt að búast við því að þær verði fyrir ofbeldi? Viltu birta grein á Vísi? Sendu okkur póst. Senda grein Mest lesið Að undirbúa börnin okkar fyrir heim sem er að hverfa Halldóra Mogensen Skoðun Kveðjur úr Grafarvogi til þeirra sem kasta steinum úr glerhúsi Davíð Már Sigurðsson Skoðun Leiðsöguhundurinn Gaur gerir mig að betri manneskju Þorkell J. Steindal Skoðun Hollar skólamáltíðir fyrir loftslagið og líðan barna Laufey Steingrímsdóttir,Anna Sigríður Ólafsdóttir Skoðun Hvað er „furry“ annars? Jóhanna Jódís Antonsdóttir Skoðun Fimmtíu ár frá lokum Víetnamstríðsins Finnur Th. Eiríksson Skoðun Þeir greiða sem njóta, eða hvað? Jóhannes Þór Skúlason,Pálmi Viðar Snorrason Skoðun Hljóð og mynd íslenskra varna Arnór Sigurjónsson Skoðun Hvað er að frétta af humrinum? Jónas Páll Jónasson Skoðun Villtur lax eða villt græðgi – sveitin í skotlínu Jóhann Helgi Stefánsson Skoðun
Fyrir skemmstu rak ég augun í auglýsingu í blaði þar sem líkamsræktarstöð auglýsti sumarkort í ræktina. Þetta var heilsíðu auglýsing þar sem stór mynd þakti síðuna og svo fylgdi einhver texti sem gaf til kynna verð og annað. Þetta var ágætis tilboð, en það sem vakti þó athygli mína var hvernig auglýsingin var myndskreytt en síðuna þakti stór mynd af sólbrúnum kvenmannsrassi í eldrauðum þvengbuxum. Á bera rasskinnina var búið að stimpla svörtum stöfum „sýndu þig í sumar!“ Ég veit ekki til hverra auglýsingin átti að höfða en mér þykir sennilegt að stöðin vilji ná til beggja kynja. Ég geri ráð fyrir að augu karlmanna hafi stöðvast við þessa mynd og jafnvel virkað hvetjandi á þá að kaupa sér kort í einmitt þessari rækt. Augu mín stöðvuðust einnig við myndina, en ég fór sannarlega ekki að hugsa um að kaupa mér líkamsræktarkort. Alla daga dynja á okkur skilaboð um hvernig holdafar og útlit stúlkna skuli vera og skilaboðin sem þarna voru stipmluð á rass sögðu okkur beinlínis að fara úr og sýna sem mest hold í sumar. Sýna hverjum? Fyrir stúlkur er vandlifað því ekki einungis eiga þær að líta út á ákveðinn hátt, það er heldur ekki sama hvernig þær haga sér. stuttu áður hafði ég nefnilega séð aðra auglýsingu. Úr henni mátti lesa þau skilaboð til stúlkna að ef þær drykkju ekki áfengi væru minni líkur á að þeim yrði nauðgað. Þeirri auglýsingu er þó búið að breyta og biðjast velvirðingar á eftir viðbrögðin sem hún fékk. Það er gott því það verður að eyða þeim hugsunarhætti að það að nauðga sé viðurkennd hegðun karlmanna við vissar aðstæður, sem konur verði bara að passa sig á, til dæmis með því að drekka ekki áfengi. En þó eiga þær að sýna meira hold í sumar... Ég botna ekkert í þessu og finnst þetta ósanngjörn skilaboð. Hvernig eiga ungar stúlkur að finna út úr þessu öllu saman þegar krafist er af þeim að þær séu bæði sætar og eggjandi en gangi þær of langt er sjálfsagt að búast við því að þær verði fyrir ofbeldi?
Hollar skólamáltíðir fyrir loftslagið og líðan barna Laufey Steingrímsdóttir,Anna Sigríður Ólafsdóttir Skoðun
Hollar skólamáltíðir fyrir loftslagið og líðan barna Laufey Steingrímsdóttir,Anna Sigríður Ólafsdóttir Skoðun