Ákvarðana er enn beðið Óli Kristján Ármannsson skrifar 9. mars 2009 06:00 Fyrir helgi fjölluðu Samtök iðnaðarins um þá stöðu sem hér er kominn upp í hagkerfinu og leiðir til úrlausnar á árvissu Iðnþingi sínu. Þar kom meðal annars fram í máli manna að Evrópusambandið væri ekki valkostur, heldur nauðsyn. Undir lok þessarar viku er önnur árviss samkoma af svipuðum meiði, en þá blæs Viðskiptaráð Íslands til Viðskiptaþings 2009. Viðskiptaráð hefur ekki verið jafnafdráttarlaust í afstöðu sinni til Evrópusambandsaðildar og krónunnar og Samtök iðnaðarins hafa verið. Í fyrra var yfirskrift Viðskiptaþings „Íslenska krónan, byrði eða blóraböggull?" og gefin út skýrsla með sömu yfirskrift. Niðurstaðan þar var sú að ætti að halda hér sjálfstæðri mynt yrði ávinningur sjálfstæðrar peningastefnu að vega þyngra en fórnarkostnaður hennar. Nú liggur fyrir að fjármálakerfi þjóðarinnar hefur verið fórnað og ljóst krónan verður seint uppspretta stöðugleika í hagkerfinu. Í skýrslunni var um leið velt upp að aukinn efnahagslegur stöðugleiki væri grundvallarforsenda þess að hægt yrði að halda krónunni. „Frá upptöku verðbólgumarkmiðs má að mestu rekja ójafnvægið sem ríkt hefur í hagkerfinu til ákvarðana og umsvifa hins opinbera. Á sama tíma og ráðist hefur verið í fjölmörg hagvaxtarhvetjandi verkefni hefur hið opinbera ekki dregið seglin saman sem skildi. Það má því segja að vandamálið sé tvíþætt. Annars vegar skortir stjórnvöld skilning eða vilja til að tímasetja hagvaxtarhvetjandi verkefni með skynsamlegum hætti. Hins vegar hafa almenn umsvif hins opinbera frekar verið sveifluhvetjandi en jafnandi," segir þar. Forvitnilegt verður að sjá hvaða pól samtökin taka í hæðina hvað varðar framtíðarskipan peningamála hér. Að þessu sinni er yfirskrift Viðskiptaþings „Endurreisn hagkerfisins." Í pallborði verða formenn stjórnmálaflokkanna og geta þá væntanlega svarað því hvaða stefnu þeir vilja taka í peningamálum, hvort krónunni verði haldið til langframa. Þá kunna þeir ef til vill að skýra þann drátt sem orðinn er á stefnumörkun í mikilvægum málum sem taka þarf á til að mögulegt verði að byggja hér trúverðugt fjármálakerfi á rústum þess fallna. Fyrrverandi forstjóri Fjármálaeftirlitsins upplýsti í viðtali í Markaðnum í síðustu viku að strax í nóvember hefði legið fyrir margir þeirra málaflokka sem taka þyrfti afstöðu til áður en næstu skref yrðu hér stigin í endurreisninni. Þá hafi orðið vatnaskil í uppbyggingarstarfi þegar stjórnmálamenn tóku að ýta undir ómarkvissa orðræðu í samfélaginu og leit að sökudólgum hér innanlands, þegar öllum mátti samt ljóst vera af hverju bankarnir féllu. Ef raunin er sú að barnalegt karp, ótti við að axla ábyrgð á mistökum fortíðar og ákvarðanatökufælni háir svo mjög þeim hópi fólks sem hér hefur verið valinn til að stýra landinu þá er alveg ljóst að kosningar hér hefðu ekki mátt vera mikið seinna á ferðinni. Viltu birta grein á Vísi? Sendu okkur póst. Senda grein Óli Kr. Ármannsson Mest lesið Svar við bréfi Ernu Ragnar Sigurður Kristjánsson Skoðun Lýst yfir hættustigi vegna áfengisdrykkju Gunnar Hersveinn Skoðun Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun Aftur að hjálmskviðu ríkislögreglustjóra Indriði Stefánsson Skoðun Fjármagna enn hernað Rússlands Hjörtur J. Guðmundsson Skoðun Eru framkvæmdir í Saltvík loftslagsvænar? Ólafur S. Andrésson Skoðun ADHD og Sköpunargáfa: Leyndarmál Skapandi Framfara: Steindór Þórarinsson Skoðun Vaxtalækkun eða neyðarlög Ragnar Þór Ingólfsson,Ásthildur Lóa Þórsdóttir Skoðun „Smækkunar“gler Viðskiptaráðs Erna Bjarnadóttir Skoðun Gjaldfrjálsar skólamáltíðir fyrir öll börn á Íslandi - nú þarf að vanda til verka Guðrún E. Gunnarsdóttir,Laufey Steingrímsdóttir,Ludvig Guðmundsson Skoðun
Fyrir helgi fjölluðu Samtök iðnaðarins um þá stöðu sem hér er kominn upp í hagkerfinu og leiðir til úrlausnar á árvissu Iðnþingi sínu. Þar kom meðal annars fram í máli manna að Evrópusambandið væri ekki valkostur, heldur nauðsyn. Undir lok þessarar viku er önnur árviss samkoma af svipuðum meiði, en þá blæs Viðskiptaráð Íslands til Viðskiptaþings 2009. Viðskiptaráð hefur ekki verið jafnafdráttarlaust í afstöðu sinni til Evrópusambandsaðildar og krónunnar og Samtök iðnaðarins hafa verið. Í fyrra var yfirskrift Viðskiptaþings „Íslenska krónan, byrði eða blóraböggull?" og gefin út skýrsla með sömu yfirskrift. Niðurstaðan þar var sú að ætti að halda hér sjálfstæðri mynt yrði ávinningur sjálfstæðrar peningastefnu að vega þyngra en fórnarkostnaður hennar. Nú liggur fyrir að fjármálakerfi þjóðarinnar hefur verið fórnað og ljóst krónan verður seint uppspretta stöðugleika í hagkerfinu. Í skýrslunni var um leið velt upp að aukinn efnahagslegur stöðugleiki væri grundvallarforsenda þess að hægt yrði að halda krónunni. „Frá upptöku verðbólgumarkmiðs má að mestu rekja ójafnvægið sem ríkt hefur í hagkerfinu til ákvarðana og umsvifa hins opinbera. Á sama tíma og ráðist hefur verið í fjölmörg hagvaxtarhvetjandi verkefni hefur hið opinbera ekki dregið seglin saman sem skildi. Það má því segja að vandamálið sé tvíþætt. Annars vegar skortir stjórnvöld skilning eða vilja til að tímasetja hagvaxtarhvetjandi verkefni með skynsamlegum hætti. Hins vegar hafa almenn umsvif hins opinbera frekar verið sveifluhvetjandi en jafnandi," segir þar. Forvitnilegt verður að sjá hvaða pól samtökin taka í hæðina hvað varðar framtíðarskipan peningamála hér. Að þessu sinni er yfirskrift Viðskiptaþings „Endurreisn hagkerfisins." Í pallborði verða formenn stjórnmálaflokkanna og geta þá væntanlega svarað því hvaða stefnu þeir vilja taka í peningamálum, hvort krónunni verði haldið til langframa. Þá kunna þeir ef til vill að skýra þann drátt sem orðinn er á stefnumörkun í mikilvægum málum sem taka þarf á til að mögulegt verði að byggja hér trúverðugt fjármálakerfi á rústum þess fallna. Fyrrverandi forstjóri Fjármálaeftirlitsins upplýsti í viðtali í Markaðnum í síðustu viku að strax í nóvember hefði legið fyrir margir þeirra málaflokka sem taka þyrfti afstöðu til áður en næstu skref yrðu hér stigin í endurreisninni. Þá hafi orðið vatnaskil í uppbyggingarstarfi þegar stjórnmálamenn tóku að ýta undir ómarkvissa orðræðu í samfélaginu og leit að sökudólgum hér innanlands, þegar öllum mátti samt ljóst vera af hverju bankarnir féllu. Ef raunin er sú að barnalegt karp, ótti við að axla ábyrgð á mistökum fortíðar og ákvarðanatökufælni háir svo mjög þeim hópi fólks sem hér hefur verið valinn til að stýra landinu þá er alveg ljóst að kosningar hér hefðu ekki mátt vera mikið seinna á ferðinni.
Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun
Gjaldfrjálsar skólamáltíðir fyrir öll börn á Íslandi - nú þarf að vanda til verka Guðrún E. Gunnarsdóttir,Laufey Steingrímsdóttir,Ludvig Guðmundsson Skoðun
Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun
Gjaldfrjálsar skólamáltíðir fyrir öll börn á Íslandi - nú þarf að vanda til verka Guðrún E. Gunnarsdóttir,Laufey Steingrímsdóttir,Ludvig Guðmundsson Skoðun