Jólasveinar og lögreglan heimsóttu Barnaspítala Hringsins

Það var heldur betur kátt á hjalla þegar nokkrir jólasveinar heimsóttu Barnaspítala Hringsins með lögreglumönnum. Samkvæmt upplýsingum frá lögreglunni léku jólasveinarnir á alls oddi og skemmtu bæði börnunum, foreldrum þeirra sem og starfsfólki Barnaspítalans.

Með jólasveinunum í för voru fulltrúar lögreglunnar á höfuðborgarsvæðinu en þessir aðilar áttu í ákveðnu samstarfi á aðfangadag sem gaf af sér peninga og voru þeir við þetta tækifæri afhentir Barnaspítala Hringsins til ráðstöfunar.