Gestaleikari í aðalhlutverki Bergþór Bjarnason skrifar 14. nóvember 2010 00:01 Tískuhús koma og hverfa stundum eins og dögg fyrir sólu. Önnur lifa sína gullöld en hverfa svo smám saman af yfirborði jarðar. En í tískuheiminum þekkist það sömuleiðis að eiga sér glæsilega endurkomu og annað líf. Carven er gott dæmi um hátískuhús sem mátti muna sinn fífil fegri en Madame Carven vildi ekki setja sköpunarverk sitt í hendurnar á einhverjum öðrum þegar hún hætti en þetta tískuhús hefur nú í nokkur misseri verið endurlífgað með góðum árangri. Dior er einnig gott dæmi um endurkomu. Í byrjun tuttugustu aldar var Jeanne Lanvin einn fínasti hönnuður samtímans í hátískunni í París og braut blað í kvenfatnaði til dæmis með hinu fræga jersey-efni í buxum og kjólum. Hún var einnig ein sú fyrsta í þessum geira að blanda ilmvatn með sínu nafni. Með árunum dofnaði þó yfir Lanvin og má segja að ekki hafi lengur staðið steinn yfir steini hjá Lanvin þegar Alber Elbaz tók við hönnuninni fyrir nokkrum árum. Síðan hefur leiðin legið upp á við hjá Lanvin og þykir fátt fínna síðustu ár en hönnun Albers Elbaz en nú heldur Lanvin innreið sína á Ítalíu og opnar í Mílanó og Róm.Auglýsingaherferð Lanvin og H&M.Það þarf því ekki að koma á óvart að í ár er Alber Elbaz í gestahlutverki hjá verslunarkeðjunni H&M og 23. nóvember kemur á markaðinn tískulína Lanvin hjá H&M. Alber Elbaz fylgir þar í fótspor Karls Lagerfeld, Stellu McCartney og Jimmy Choo svo einhverjir séu nefndir. Það er því líklegt að það verði líflegt í verslunum H&M á næstunni því kjólarnir eru svo sannarlega áhugaverðir. Þeir bera að sjálfsögðu sérkenni bæði tískuhúss Lanvin og stjórnandans, Albers Elbez. Til dæmis má nefna stórrósótta kjóla í svörtu og rauðu, með fellingum að ofan og neðan. Svo eru það stórglæsilegir svartir kvöldkjólar með púffermum og slaufum og ekki má heldur gleyma herrajakkafötunum, smókingskyrtum og blazer-jökkum. Öll herlegheitin á afskaplega hóflegu verði sem aðeins er brot af því sem flík frá Lanvin kostar. Flestir kjólarnir eru á um 150 evrur en finnast þó á 100 evrur. Hjá Lanvin getur byrjunarverðið hæglega verið um 2.000-3.000 evrur.Á síðasta ári þurfti að girða af inngang verslana H&M sem og sölusvæðið þegar fylgihlutir Jimmy Choo komu í verslanir H&M í fyrra og viðskiptavinirnir tilbúnir til að láta hendur skipta. Líklegt að sama verði uppi á teningnum að þessu sinni því hver vill ekki lítinn svartan kjól frá Alber Elbez fyrir jólin og það á gjafverði? bergb75@free.fr Viltu birta grein á Vísi? Sendu okkur póst. Senda grein Bakþankar Bergþór Bjarnason Mest lesið Glútenlaust gull á grillið Anna Gunndís Guðmundsdóttir Skoðun Heilræði fyrir Nýhaldið Sigmundur Davíð Gunnlaugsson Skoðun Evrópa og myrkrið framundan Hilmar Þór Hilmarsson Skoðun Lokunaruppboð í Kauphöllinni Baldur Thorlacius Skoðun Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun Ferðatryggingar og val á kreditkorti Svandís Edda Hólm Jónudóttir Skoðun Viðreisn mun leggja fram tillögu um íbúakosningu um Coda Terminal verkefnið í Hafnarfirði Jón Ingi Hákonarson Skoðun Ert þú í góðu netsambandi? Áslaug Arna Sigurbjörnsdóttir Skoðun Stórnotendur eru kjölfestan í íslenska raforkukerfinu Guðríður Eldey Arnardóttir Skoðun Af hverju að byggja Coda Terminal? Ólafur Elínarson,Sandra Ósk Snæbjörnsdóttir Skoðun
Tískuhús koma og hverfa stundum eins og dögg fyrir sólu. Önnur lifa sína gullöld en hverfa svo smám saman af yfirborði jarðar. En í tískuheiminum þekkist það sömuleiðis að eiga sér glæsilega endurkomu og annað líf. Carven er gott dæmi um hátískuhús sem mátti muna sinn fífil fegri en Madame Carven vildi ekki setja sköpunarverk sitt í hendurnar á einhverjum öðrum þegar hún hætti en þetta tískuhús hefur nú í nokkur misseri verið endurlífgað með góðum árangri. Dior er einnig gott dæmi um endurkomu. Í byrjun tuttugustu aldar var Jeanne Lanvin einn fínasti hönnuður samtímans í hátískunni í París og braut blað í kvenfatnaði til dæmis með hinu fræga jersey-efni í buxum og kjólum. Hún var einnig ein sú fyrsta í þessum geira að blanda ilmvatn með sínu nafni. Með árunum dofnaði þó yfir Lanvin og má segja að ekki hafi lengur staðið steinn yfir steini hjá Lanvin þegar Alber Elbaz tók við hönnuninni fyrir nokkrum árum. Síðan hefur leiðin legið upp á við hjá Lanvin og þykir fátt fínna síðustu ár en hönnun Albers Elbaz en nú heldur Lanvin innreið sína á Ítalíu og opnar í Mílanó og Róm.Auglýsingaherferð Lanvin og H&M.Það þarf því ekki að koma á óvart að í ár er Alber Elbaz í gestahlutverki hjá verslunarkeðjunni H&M og 23. nóvember kemur á markaðinn tískulína Lanvin hjá H&M. Alber Elbaz fylgir þar í fótspor Karls Lagerfeld, Stellu McCartney og Jimmy Choo svo einhverjir séu nefndir. Það er því líklegt að það verði líflegt í verslunum H&M á næstunni því kjólarnir eru svo sannarlega áhugaverðir. Þeir bera að sjálfsögðu sérkenni bæði tískuhúss Lanvin og stjórnandans, Albers Elbez. Til dæmis má nefna stórrósótta kjóla í svörtu og rauðu, með fellingum að ofan og neðan. Svo eru það stórglæsilegir svartir kvöldkjólar með púffermum og slaufum og ekki má heldur gleyma herrajakkafötunum, smókingskyrtum og blazer-jökkum. Öll herlegheitin á afskaplega hóflegu verði sem aðeins er brot af því sem flík frá Lanvin kostar. Flestir kjólarnir eru á um 150 evrur en finnast þó á 100 evrur. Hjá Lanvin getur byrjunarverðið hæglega verið um 2.000-3.000 evrur.Á síðasta ári þurfti að girða af inngang verslana H&M sem og sölusvæðið þegar fylgihlutir Jimmy Choo komu í verslanir H&M í fyrra og viðskiptavinirnir tilbúnir til að láta hendur skipta. Líklegt að sama verði uppi á teningnum að þessu sinni því hver vill ekki lítinn svartan kjól frá Alber Elbez fyrir jólin og það á gjafverði? bergb75@free.fr
Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun
Viðreisn mun leggja fram tillögu um íbúakosningu um Coda Terminal verkefnið í Hafnarfirði Jón Ingi Hákonarson Skoðun
Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun
Viðreisn mun leggja fram tillögu um íbúakosningu um Coda Terminal verkefnið í Hafnarfirði Jón Ingi Hákonarson Skoðun