Íslenski boltinn

Elva með tvö mörk í sigri Þór/KA í Krikanum

Óskar Ófeigur Jónsson skrifar
Elva Friðjónsdóttir skoraði tvö mörk fyrir Þór/KA í dag.
Elva Friðjónsdóttir skoraði tvö mörk fyrir Þór/KA í dag. Mynd/Valli

Elva Friðjónsdóttir skoraði tvö mörk fyrir Þór/KA þegar liðið vann 4-1 sigur á FH í fyrsta leik sjöttu umferðar Pepsi-deildar kvenna. Þór/KA-liðið fór upp í annað sætið með þessum sigri en Blikar eiga leik inni á þriðjudaginn.

Jóhanna Steinþóra Gústavsdóttir kom FH yfir í leiknum en Þór/KA-liðið svaraði með þremur mörkum á átta mínútna kafla. Elva Friðjónsdóttir skoraði tvö þessara marka og Rakel Hönnudóttir skoraði það þriðja.

Vesna Smiljkovic innsiglaði síðan sigur Þór/KA á upphafsmínútu seinni hálfleiks og fleiri mörk litu ekki dagsins ljós eftir það.

Birna Berg Haraldsdóttir átti mjög góðan leik í marki FH og bjargaði sínu liði frá stærra tapi.

Upplýsingar um markaskorara voru fengnar af fótbolta.net.




Fleiri fréttir

Sjá meira


×