KK og Erpur þukla á sér punginn

Mottumars er nú í fullum gangi og safna karlmenn nú yfirskeggi eins og enginn sé morgundagurinn. Á dögunum var opnuð ljósmyndasýning í Kringlunni þar sem nokkrir valinkunnir karlmenn sýna á sér mottuna.

Á meðfylgjandi myndbandi má sjá viðtöl við nokkra þeirra, þar á meðal tónlistarmennina KK og Erp Eyvindarson, sem báðir segjast þukla á sér punginn reglulega. Tilgangur með mottumars er einmitt að vekja karlmenn til vitundar um krabbamein og leiðir til þess að efla forvarnir.