Allt á kafi í snjó í Bláfjöllum

„Hér er púðursnjór yfir öllu og stefnum við á opnun kl. 14-21,“ segir í tilkynningu frá framkvæmdastjóra skíðasvæðisins í Bláfjöllum. Þar hefur snjóað í nótt eins og í borginni því stefnir í frábæran dag í fjöllunum.

Bláfjallaafleggjarinn er hinsvegar ófær eins og er en von er á mokstursmönnum Vegagerðarinnar inna tíðar. „Mikil vinna er í að ýta frá húsum áður en hægt er að byrja að troða, þannig í dag verður líklegast ekki mikið troðið, en norðurleiðin, barnalyftur og að almenningsleiðir verða klárar.“

Miðar eru seldir hjá N1 Ártúnsbrekku og einnig Bláfjallaskála og nýja verðskrá má sjá hér.