Umfjöllun og viðtöl: Haukar - HK 22-21 Kolbeinn Tumi Daðason á Ásvöllum skrifar 20. nóvember 2011 00:01 Mynd/Valli Haukar unnu nauman 22-21 sigur á HK á Ásvöllum í dag. Haukar lyfta sér með sigrinum í toppsæti N1-deildarinnar með jafn mörg stig og Fram en leik til góða. Aron Rafn Eðvarðsson, markvörður Hauka, var besti maður vallarins með 21 skot varið. Gestirnir úr Kópavogi voru sterkari framan af leik og höfðu frumkvæðið. Þeir höfðu þriggja marka forystu 4-7 en Haukar sóttu í sig veðrið ekki síst með frábærri frammistöðu Arons Rafns í markinu. Jafnt var á öllum tölum en heimamenn leiddu með einu marki í hálfleik. Í síðari hálfleik náðu Haukarnir smám saman tökum á leiknum og það þrátt fyrir að vera ítrekað manni færri. Sóknarleikur gestanna úr Kópavogi gekk skelfilega og töpuðu þeir boltanum ítrekað klaufalega í sókninni. Aðeins stórleikur Björns Inga Friðþjófssonar, sem kom í markið í hálfleik, hélt gestunum inni í leiknum. Haukar héldu þriggja marka forystu og virtust ætla að sigla öruggum sigri í hús þegar ungir leikmenn liðsins fóru illa að ráði sínu. Fyrst lét Heimir Óli Heimisson reka sig útaf fyrir að hindra hratt upphlaup gestanna en samherjar hans voru þrátt fyrir allt komnir tilbaka í vörnina. Nemanja Malovic braut svo á Bjarka Má, hornamanni HK, úr opnu færi í kjölfarið og heimamenn tveimur mönnum færri. Sem betur fer voru Haukar komnir í banastuð í sóknarleiknum á þessum tímapunkti og gekk sérstaklega vel að opna hægra hornið fyrir Gylfa Gylfason. Heimamenn náðu að halda forystunni og lönduðu eins marks sigri, 22-21. Haukar fögnuðu sigrinum afar vel í leikslok enda þurftu þeir að hafa töluvert fyrir hlutunum. Þeir virkuðu alls ekki klárir í leikinn í fyrri hálfleik en með baráttu, sem kostaði fjölmargar brottvísanir, unnu þeir sig inn í leikinn og sigur þeirra var sanngjarnt. Aron Rafn var sem fyrr segir bestur í liði heimamanna. Gylfi Gylfason átti einnig fínan leik og skoraði sjö mörk. Þá steig Nemanja Malovic upp á mikilvægum stundum í síðari hálfleik. Erlingur Richardsson og Kristinn Guðmundsson, þjálfarar HK, hafa um nóg að hugsa. Leikmenn HK léku glimrandi vel stóran hluta fyrri hálfleiks en fóru illa að ráði sínu í sóknarleiknum í síðari hálfleik. Boltinn tapaðist ítrekað sökum ónákvæmra sendinga þar sem þeir reyndu oft að koma boltanum inn á aðþrengda línumenn sína. Björn Ingi Friðþjófsson var frábær í marki gestanna fyrri hluta síðari hálfleiks og hélt sínum mönnum inni í leiknum. Bjarki Már Elísson var markahæstur með níu mörk og Tandri Már Konráðsson kom næstur með fimm. Aron Rafn: Æsist upp við að fá boltann í andlitið„Þetta var mjög sætur sigur. Þetta gerist ekki skemmtilegra, bæði fyrir áhorfendur og okkur sjálfa," sagði Aron Rafn Eðvarsson markvörður Hauka. Aron Rafn var í banastuði í leiknum, varði 21 skot þar af eitt vítakast. „Já, mikið af dauðafærum og víti. Ég fékk hann líka tvisvar í andlitið sem að hressir mann bara við. Þá verður maður æstari og vill verja meira," sagði Aron sem brást ekkert sérstaklega vel við þegar Bjarki Már skaut í andlit hans úr hröðu upphlaupi í síðari hálfleiknum. „Við Bjarki erum fínir félagar. Það er gaman að þessu. Maður er reiður í fimm sekúndur og svo hristir maður þetta af sér," sagði Aron sem var fljótur að taka í spaðann á Bjarka Má eftir andlitsskotið. Haukar voru lengi í gang í leiknum í dag og Aron sagði líklega um að kenna hversu langt væri síðan liðið hefði spilað leik. Fyrir utan sigurinn á ÍBV í bikarnum hefði liðið aðeins æft og ekkert spilað í þrjár vikur vegna frestunar leikja og landsleikjahlés. Haukar virkuðu með unninn leik í höndunum seint í síðari hálfleik þegar Heimir Óli Heimisson og Nemanja Malovic létu reka sig klaufalega af velli. „Við fengum tvær klaufa tvær mínútur í lokin sem tapaði næstum því leiknum fyrir okkur. En þetta slapp sem betur fer þótt við hefðum verið tveimur færri," sem sagði að reynsluleysi líklega ástæðuna fyrir óskynsamlegum brotum liðsfélaga sinna. Haukar eru komnir á toppinn í N1-deildinni með jafnmörg stig og Fram auk þess að eiga leik inni „Já, þar eigum við að vera. Þar líður okkur best. Það er alltaf markmiðið hjá Haukum að vera á toppnum," sagði Aron Rafn. Ólafur Bjarki: Vantaði að nokkrir leikmenn stigu uppÓlafur Bjarki Ragnarsson, leikstjórandi HK, stýrði sóknarleik síns liðs með myndarbrag í fyrri hálfleik. Í síðari hálfleik gekk hins vegar hvorki né rak. „Í síðari hálfleik datt sóknarleikurinn niður hjá okkur auk þess sem við vorum ekki nógu mikið á tánum í vörninni. Við skoruðum ekki heillengi og það er ekki nógu gott,“ sagði Ólafur Bjarki. HK-ingar voru manni fleiri framan af fyrri hálfleik auk þess sem Björn Ingi varði vel í marki þeirra. Þrátt fyrir það gekk ekkert í sókninni. „Við náðum ekki að nýta liðsmuninn nógu vel og það er eitthvað sem við þurfum að skoða. Við höfum áður lent í þessu veseni og vorum búnir að fara yfir þetta fyrir leikinn en það hefur ekki skilað sér nógu vel.“ HK tapaði í fyrstu umferð Íslandsmótsins gegn Haukum á heimavelli. Ólafur Bjarki sagði liðið þá ekki hafa mætt til leiks og liðið væri í mun betra standi núna. „Við erum miklu betra lið í dag en í fyrsta leik. Engin spurning. Það vantaði bara að nokkrir leikmenn stigu upp í dag og þá hefði þetta farið öðruvísi.“ Eins og sóknarleikurinn virkaði ágætur í fyrri hálfleik virkuðu leikmenn HK hreinlega stressaðir í síðari hálfleiknum. „Já, ég veit ekki hvort að menn séu eitthvað stressaðir. Yfirleitt þegar menn koma inn á völlinn eftir að hafa beðið lengi þá finnur maður ekki fyrir stressi. En það getur verið hjá þeim sem koma inn af bekknum. Það ætti samt ekki að vera.“ Olís-deild karla Mest lesið Slot sammála Klopp varðandi hádegisleiki Enski boltinn „Engar áhyggjur, við hittumst aftur“ Enski boltinn Ronaldo á skotskónum en Al Nassr beið afhroð Fótbolti Lewandowksi sá til þess að Börsungar byrja á sigri Fótbolti Ótrúleg endurkoma Milan Fótbolti Hákon Arnar kom inn fyrir Angel Gomes sem meiddist illa Fótbolti „Kjaftshögg þegar þú færð á þig mark og ert búinn að vera sterkari aðilinn“ Íslenski boltinn „Ég er mögulega búinn að spila minn síðasta leik“ Íslenski boltinn Sjáðu þegar dómarinn vísaði ljósmyndara Víkings af velli Íslenski boltinn „Ansi mikið breytt“ með komu Slots Enski boltinn Fleiri fréttir Stelpurnar unnu Gíneu en spila um Forsetabikarinn Gull, silfur og brúðkaup Stórt tap í undanúrslitum gegn Dönum Íslendingar í undanúrslit á EM Bóna bíla til að eiga fyrir Evrópukeppni Tekur fimmtánda tímabilið með FH Stór skellur í fyrsta leik á HM í Kína Tap gegn Spáni en Ísland gæti enn spilað um verðlaun „Ætti að læsa þann inni sem fann upp á þessu kerfi“ Óttast um framtíð handboltans á Ólympíuleikunum Íslenski Daninn náði slemmunni „Nú færðu loksins tíma til að gera það sem þú hefur mest gaman af“ Rústuðu Þjóðverjum í úrslitaleiknum Enn og aftur unnu Spánverjar brons Tíundu gullverðlaun Þóris sem þjálfara Noregs Handboltaparið bæði í úrslitum á Ólympíuleikunum Fyrstu verðlaun Dana í tuttugu ár Hetjulegur endasprettur dugði Slóvenum skammt Alfreð stýrði Þýskalandi í úrslitaleik Ólympíuleikanna Hver er þessi þýski Petersson sem skaut Frakkana í kaf? Þórir með norska liðið í úrslitaleik Ólympíuleikanna Frakkar í úrslit eftir dramatík Norðmenn úr leik og Slóvenar í undanúrslit í fyrsta sinn Heimsmeistararnir áfram í undanúrslit eftir spennutrylli gegn Svíum Þjóðverjar í undanúrslit eftir ótrúlega dramatík Spánverjar í undanúrslit eftir mikla spennu og framlengingu Norsku stelpunar hans Þóris flugu í undanúrslit Frakkar og Danir í undanúrslit Dagur og Króatía úr leik á Ólympíuleikunum í París Gidsel getur klárað einstaka markakóngsþrennu á þessum leikum Sjá meira
Haukar unnu nauman 22-21 sigur á HK á Ásvöllum í dag. Haukar lyfta sér með sigrinum í toppsæti N1-deildarinnar með jafn mörg stig og Fram en leik til góða. Aron Rafn Eðvarðsson, markvörður Hauka, var besti maður vallarins með 21 skot varið. Gestirnir úr Kópavogi voru sterkari framan af leik og höfðu frumkvæðið. Þeir höfðu þriggja marka forystu 4-7 en Haukar sóttu í sig veðrið ekki síst með frábærri frammistöðu Arons Rafns í markinu. Jafnt var á öllum tölum en heimamenn leiddu með einu marki í hálfleik. Í síðari hálfleik náðu Haukarnir smám saman tökum á leiknum og það þrátt fyrir að vera ítrekað manni færri. Sóknarleikur gestanna úr Kópavogi gekk skelfilega og töpuðu þeir boltanum ítrekað klaufalega í sókninni. Aðeins stórleikur Björns Inga Friðþjófssonar, sem kom í markið í hálfleik, hélt gestunum inni í leiknum. Haukar héldu þriggja marka forystu og virtust ætla að sigla öruggum sigri í hús þegar ungir leikmenn liðsins fóru illa að ráði sínu. Fyrst lét Heimir Óli Heimisson reka sig útaf fyrir að hindra hratt upphlaup gestanna en samherjar hans voru þrátt fyrir allt komnir tilbaka í vörnina. Nemanja Malovic braut svo á Bjarka Má, hornamanni HK, úr opnu færi í kjölfarið og heimamenn tveimur mönnum færri. Sem betur fer voru Haukar komnir í banastuð í sóknarleiknum á þessum tímapunkti og gekk sérstaklega vel að opna hægra hornið fyrir Gylfa Gylfason. Heimamenn náðu að halda forystunni og lönduðu eins marks sigri, 22-21. Haukar fögnuðu sigrinum afar vel í leikslok enda þurftu þeir að hafa töluvert fyrir hlutunum. Þeir virkuðu alls ekki klárir í leikinn í fyrri hálfleik en með baráttu, sem kostaði fjölmargar brottvísanir, unnu þeir sig inn í leikinn og sigur þeirra var sanngjarnt. Aron Rafn var sem fyrr segir bestur í liði heimamanna. Gylfi Gylfason átti einnig fínan leik og skoraði sjö mörk. Þá steig Nemanja Malovic upp á mikilvægum stundum í síðari hálfleik. Erlingur Richardsson og Kristinn Guðmundsson, þjálfarar HK, hafa um nóg að hugsa. Leikmenn HK léku glimrandi vel stóran hluta fyrri hálfleiks en fóru illa að ráði sínu í sóknarleiknum í síðari hálfleik. Boltinn tapaðist ítrekað sökum ónákvæmra sendinga þar sem þeir reyndu oft að koma boltanum inn á aðþrengda línumenn sína. Björn Ingi Friðþjófsson var frábær í marki gestanna fyrri hluta síðari hálfleiks og hélt sínum mönnum inni í leiknum. Bjarki Már Elísson var markahæstur með níu mörk og Tandri Már Konráðsson kom næstur með fimm. Aron Rafn: Æsist upp við að fá boltann í andlitið„Þetta var mjög sætur sigur. Þetta gerist ekki skemmtilegra, bæði fyrir áhorfendur og okkur sjálfa," sagði Aron Rafn Eðvarsson markvörður Hauka. Aron Rafn var í banastuði í leiknum, varði 21 skot þar af eitt vítakast. „Já, mikið af dauðafærum og víti. Ég fékk hann líka tvisvar í andlitið sem að hressir mann bara við. Þá verður maður æstari og vill verja meira," sagði Aron sem brást ekkert sérstaklega vel við þegar Bjarki Már skaut í andlit hans úr hröðu upphlaupi í síðari hálfleiknum. „Við Bjarki erum fínir félagar. Það er gaman að þessu. Maður er reiður í fimm sekúndur og svo hristir maður þetta af sér," sagði Aron sem var fljótur að taka í spaðann á Bjarka Má eftir andlitsskotið. Haukar voru lengi í gang í leiknum í dag og Aron sagði líklega um að kenna hversu langt væri síðan liðið hefði spilað leik. Fyrir utan sigurinn á ÍBV í bikarnum hefði liðið aðeins æft og ekkert spilað í þrjár vikur vegna frestunar leikja og landsleikjahlés. Haukar virkuðu með unninn leik í höndunum seint í síðari hálfleik þegar Heimir Óli Heimisson og Nemanja Malovic létu reka sig klaufalega af velli. „Við fengum tvær klaufa tvær mínútur í lokin sem tapaði næstum því leiknum fyrir okkur. En þetta slapp sem betur fer þótt við hefðum verið tveimur færri," sem sagði að reynsluleysi líklega ástæðuna fyrir óskynsamlegum brotum liðsfélaga sinna. Haukar eru komnir á toppinn í N1-deildinni með jafnmörg stig og Fram auk þess að eiga leik inni „Já, þar eigum við að vera. Þar líður okkur best. Það er alltaf markmiðið hjá Haukum að vera á toppnum," sagði Aron Rafn. Ólafur Bjarki: Vantaði að nokkrir leikmenn stigu uppÓlafur Bjarki Ragnarsson, leikstjórandi HK, stýrði sóknarleik síns liðs með myndarbrag í fyrri hálfleik. Í síðari hálfleik gekk hins vegar hvorki né rak. „Í síðari hálfleik datt sóknarleikurinn niður hjá okkur auk þess sem við vorum ekki nógu mikið á tánum í vörninni. Við skoruðum ekki heillengi og það er ekki nógu gott,“ sagði Ólafur Bjarki. HK-ingar voru manni fleiri framan af fyrri hálfleik auk þess sem Björn Ingi varði vel í marki þeirra. Þrátt fyrir það gekk ekkert í sókninni. „Við náðum ekki að nýta liðsmuninn nógu vel og það er eitthvað sem við þurfum að skoða. Við höfum áður lent í þessu veseni og vorum búnir að fara yfir þetta fyrir leikinn en það hefur ekki skilað sér nógu vel.“ HK tapaði í fyrstu umferð Íslandsmótsins gegn Haukum á heimavelli. Ólafur Bjarki sagði liðið þá ekki hafa mætt til leiks og liðið væri í mun betra standi núna. „Við erum miklu betra lið í dag en í fyrsta leik. Engin spurning. Það vantaði bara að nokkrir leikmenn stigu upp í dag og þá hefði þetta farið öðruvísi.“ Eins og sóknarleikurinn virkaði ágætur í fyrri hálfleik virkuðu leikmenn HK hreinlega stressaðir í síðari hálfleiknum. „Já, ég veit ekki hvort að menn séu eitthvað stressaðir. Yfirleitt þegar menn koma inn á völlinn eftir að hafa beðið lengi þá finnur maður ekki fyrir stressi. En það getur verið hjá þeim sem koma inn af bekknum. Það ætti samt ekki að vera.“
Olís-deild karla Mest lesið Slot sammála Klopp varðandi hádegisleiki Enski boltinn „Engar áhyggjur, við hittumst aftur“ Enski boltinn Ronaldo á skotskónum en Al Nassr beið afhroð Fótbolti Lewandowksi sá til þess að Börsungar byrja á sigri Fótbolti Ótrúleg endurkoma Milan Fótbolti Hákon Arnar kom inn fyrir Angel Gomes sem meiddist illa Fótbolti „Kjaftshögg þegar þú færð á þig mark og ert búinn að vera sterkari aðilinn“ Íslenski boltinn „Ég er mögulega búinn að spila minn síðasta leik“ Íslenski boltinn Sjáðu þegar dómarinn vísaði ljósmyndara Víkings af velli Íslenski boltinn „Ansi mikið breytt“ með komu Slots Enski boltinn Fleiri fréttir Stelpurnar unnu Gíneu en spila um Forsetabikarinn Gull, silfur og brúðkaup Stórt tap í undanúrslitum gegn Dönum Íslendingar í undanúrslit á EM Bóna bíla til að eiga fyrir Evrópukeppni Tekur fimmtánda tímabilið með FH Stór skellur í fyrsta leik á HM í Kína Tap gegn Spáni en Ísland gæti enn spilað um verðlaun „Ætti að læsa þann inni sem fann upp á þessu kerfi“ Óttast um framtíð handboltans á Ólympíuleikunum Íslenski Daninn náði slemmunni „Nú færðu loksins tíma til að gera það sem þú hefur mest gaman af“ Rústuðu Þjóðverjum í úrslitaleiknum Enn og aftur unnu Spánverjar brons Tíundu gullverðlaun Þóris sem þjálfara Noregs Handboltaparið bæði í úrslitum á Ólympíuleikunum Fyrstu verðlaun Dana í tuttugu ár Hetjulegur endasprettur dugði Slóvenum skammt Alfreð stýrði Þýskalandi í úrslitaleik Ólympíuleikanna Hver er þessi þýski Petersson sem skaut Frakkana í kaf? Þórir með norska liðið í úrslitaleik Ólympíuleikanna Frakkar í úrslit eftir dramatík Norðmenn úr leik og Slóvenar í undanúrslit í fyrsta sinn Heimsmeistararnir áfram í undanúrslit eftir spennutrylli gegn Svíum Þjóðverjar í undanúrslit eftir ótrúlega dramatík Spánverjar í undanúrslit eftir mikla spennu og framlengingu Norsku stelpunar hans Þóris flugu í undanúrslit Frakkar og Danir í undanúrslit Dagur og Króatía úr leik á Ólympíuleikunum í París Gidsel getur klárað einstaka markakóngsþrennu á þessum leikum Sjá meira