Magga Pála er svo með´etta

Meðfylgjandi myndir voru teknar í bókabúð Máls og menningar í útgáfuteiti Margrétar Pálu Ólafsdóttur í tilefni af útkomu bókarinnar Uppeldi er ævintýri en þar gefur hún góð ráð til að ná árangri og meiri gleði í samskiptum við börn, jafnt innan fjölskyldna sem annars staðar.

Margrét Pála, forsvarsmaður Hjallastefnunnar, er ein áhugaverðasta uppeldis- og skólamálamanneskja landsins á því leikur enginn vafi en hún er fyrir löngu þjóðþekkt fyrir störf sín með börnum sem kennari, fyrirlesari og álitsgjafi, enda hefur hún um 30 ára reynslu að baki.