Umfjöllun og viðtöl: HK - Fram 30-27 Eiríkur Stefán Ásgeirsson í Digranesi skrifar 15. desember 2011 11:11 Mynd/Stefán HK tryggði sér þátttökurétt í deildarbikarnum með sigri á Fram í N1-deild karla í kvöld. Með sigrinum fór HK um leið upp í annað sæti deildarinnar. Fram datt niður í fjórða sætið en er þó öruggt með það sæti þrátt fyrir að liðin fyrir neðan, Akureyri og Valur, eigi eftir að mætast á sunnudaginn. Þar með er ljóst að Haukar, FH, HK og Fram munu keppa í deildabikarnum á milli jóla og nýárs í þetta skiptið. Fram var skrefinu framar í fyrri hálfleik og leiddi að honum loknum, 15-13. En heimamenn mættu af miklum krafti inn í seinni hálfleikinn, skoruðu fimm í röð um miðbik hálfleiksins og litu aldrei um öxl eftir það. Leikurinn fór mjög rólega af stað og þeir fáu leikmenn sem virtust klárir í leikmenn voru flestir í liði Fram. Ingimundur Ingimundarson byrjaði vel og dró vagninn fyrir sína menn, sem og Magnús Erlendsson í markinu. Fram hafði tveggja marka forystu að loknum fyrri hálfleiknum, 15-13, en þegar að HK setti meiri kraft í sinn leik kom fljótlega í ljós að liðsheildin var einfaldlega sterkari hjá heimamönnum. Leikmenn eins og Tandri Már Konráðsson og Arnór Freyr Stefánsson markvörður komu mjög sterkir inn í leik HK-inga sem gengu á lagið. Þegar staðan var jöfn, 18-18, fór af stað afar góður leikkafli hjá HK sem skoraði fimm mörk í röð. Framarar virtust einfaldlega ráðþrota í sóknarleiknum gegn sterkri vörn HK. Þar fór Bjarki Már Gunnarsson fremstur í flokki en óhætt er að segja að hann hafi átt stórleik í kvöld. Þeir voru þó fleiri í liði HK sem skiluðu sínu. Atli Ævar á línunni var afar drjúgur, sem og þeir Bjarki Már Elísson, Ólafur Bjarki, Ólafur Víðir og Vilhelm Gauti. Leó Snær kom svo sterkur inn í hægra hornið í lokin. Sigurður Eggertsson var einn af fáum Frömumurm sem lagði eitthvað af mörkum í seinni hálfleiknum en annars var heldur fátt um fína drætti. Fyrri hálfleikurinn var ágætur en Framarar voru heldur fljótur að koðna niður við mótlætið í þeim seinni. Einar Jónsson: Áttum ekki mikið skilið úr leiknumMynd/AntonEinar Jónsson, þjálfari Fram, var vitanlega svekktur í leikslok en liðið fer nú í vetrarfríið í fjórða sæti deildarinnar eftir góða byrjun í haust. „Við vorum bitlausir í sókninni og þegar mest á reyndi í seinni hálfleik náðum við varla skotið að marki. Við áttum því miður ekki mikið skilið úr þessum leik. Fyrri hálfleikurinn var ágætur að mestu leyti og ég hefði gjarnan viljað vera með aðeins meiri forystu eftir hann." Hann segir enga lægð í Safamýrinni. „Þetta er hörkudeild og margir jafnir leikir. Ég hefði verið mjög sáttur við sigur í dag og nú skiptir máli að nýta tímann vel í fríinu, ná öllum meiðslum úr mönnum og þá mætum við tvíefldir aftur til leiks." Í lok tímabilsins komast fjögur efstu lið deildarinnar í úrslitakeppnina og því getur Einar vel unað við fjórða sætið. „Við ætlum okkur bara í úrslitakeppnina og eins og staðan er í dag erum við enn í því sæti. Ég þigg eitthvað af þessum fjórum sætum þegar deidlinni lýkur því það getur allt gerst í úrslitakeppninni." Vilhelm Gauti: Vantaði stemninguMynd/Valli„Við vorum ekki með kveikt á perunni langt fram eftir leiknum og það vantaði stemningu í okkar leik þó svo að við hefðum verið að reyna okkar besta. Hún þarf að vera í lagi í liðsíþrótt eins og handbolta," sagði Vilhelm Gauti Bergsveinsson, varnarmaður HK, eftir sigurinn á Fram. „Það var ótrúlegt að við vorum ekki nema tveimur mörkum undir í hálfleik." „Við náðum stemningunni upp í seinni hálfleik og þá vorum við sjálfum okkur líkir. Ég segi kannski ekki að sigurinn hafi verið öruggur en við vorum í góðri stöðu lengst af." Vilhelm Gauti fagnaði því sérstaklega að vera kominn í deildarbikarinn. „Það er í fyrsta sinn eftir að ég byrjaði aftur að spila sem það tekst hjá HK. Við viljum frekar hlaupa af okkur jólasteikina í keppni heldur á hlaupaæfingum í Digranesinu. Það er aðeins skemmtilegra." Kristinn: Mikilvægur sigurMynd/ValliKristinn Guðmundsson, þjálfari HK, var ánægður með sigurinn. „Þetta var mjög mikilvægur sigur enda þurfum við að fá stig gegn þeim liðum sem eru með okkur í þessum sex liða pakka. Við gáfum svolítið eftir í þeirri útileikjahrinu sem við höfum verið í og þurftum á því að halda að fara á jákvæðum nótum inn í jólafríið." Hann segir að fyrri hálfleikur hafi verið heldur dapur hjá sínum mönnum. „Hann var ofboðslega þungur og bar keim af því að það er prófatörn hjá mörgum leikmönnum. Við löguðum nokkur atriði í varnarleiknum í leikhlénu og það munaði um það. Bjarki Már Gunnarsson var fáránlega góður í miðju varnarinnar og þá kom markvarslan og sóknarleikurinn með í kjölfarið." Fleiri áttu góðan leik hjá HK og hrósaði Kristinn góðri liðsheild sinna manna. „Þetta er liðsíþrótt og það þarf að treysta á fleiri en þá sjö sem byrja," sagði Kristinn. „Við teljum okkur hafa mannskap til að ná árangri sem sannaðist í þessum leik." Olís-deild karla Mest lesið Selfoss fór með sigur af hólmi á Laugardalsvelli Íslenski boltinn „Komnir með miklu fleiri stig en ég átti von á“ Handbolti „Varnarleikurinn var skelfilegur” Handbolti Uppgjörið: Fram - Haukar 37-34 | Framarar gengu á lagið í síðari hálfleik Handbolti Dortmund kom til baka á meðan AC Milan og Chelsea unnu örugga sigra Fótbolti FH á toppinn eftir sigur í Garðabæ Handbolti Tryggvi Snær í riðlakeppni Evrópubikarsins Körfubolti Virtist ætla að vaða í samherja sinn Fótbolti Ísak Bergmann kom Düsseldorf til bjargar Fótbolti Efast um dugnað og hugarfar Rashford Enski boltinn Fleiri fréttir „Varnarleikurinn var skelfilegur” FH á toppinn eftir sigur í Garðabæ „Komnir með miklu fleiri stig en ég átti von á“ Uppgjörið: Fram - Haukar 37-34 | Framarar gengu á lagið í síðari hálfleik Tíu marka sigur Íslands Viktor Gísli öflugur gegn PSG ÍBV og Grótta með sigra Andri Már spilaði stóran þátt í sigri Leipzig Töpuðu með ellefu í Tékklandi Haukur frábær í öruggum sigri Búkarest Sporting rúllaði yfir Veszprém Loks vann Valur leik Sigvaldi Björn magnaður í fyrsta sigri Kolstad HR og HSÍ taka höndum saman: „Engin meðalmennska hér, það er tekið á því“ Serbarnir fá aldrei aftur að dæma Háspenna er FH vann Hafnarfjarðarslaginn Hörmulegur seinni hálfleikur varð þýsku meisturunum að falli Orri skoraði þrjú er Sporting valtaði yfir Íslendingaslaginn Fínn leikur Íslendinganna í Þýskalandi dugði ekki til Þjálfarinn í byrjunarliðinu: „Mér fannst þörf á smá aga í leikinn“ Sjö mörk Jóhönnu hjálpuðu til við að landa fyrsta sigrinum Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Ihor fór mikinn í stórsigri Aftureldingar Fullkomin byrjun lærisveina Arnórs heldur áfram Ólafur með fjögur mörk í fyrsta sigri Karlskrona Aðeins einn löglegur dúkur svo Valur og FH byrja saman í Krikanum Arftaki Kristjáns óvænt hættur Guðmundur miður sín eftir stórtap: „Eitt það versta sem ég hef upplifað lengi“ Elín Klara og Sara Sif sáu um Stjörnuna Slæm byrjun Vals hélt áfram í Garðabænum Sjá meira
HK tryggði sér þátttökurétt í deildarbikarnum með sigri á Fram í N1-deild karla í kvöld. Með sigrinum fór HK um leið upp í annað sæti deildarinnar. Fram datt niður í fjórða sætið en er þó öruggt með það sæti þrátt fyrir að liðin fyrir neðan, Akureyri og Valur, eigi eftir að mætast á sunnudaginn. Þar með er ljóst að Haukar, FH, HK og Fram munu keppa í deildabikarnum á milli jóla og nýárs í þetta skiptið. Fram var skrefinu framar í fyrri hálfleik og leiddi að honum loknum, 15-13. En heimamenn mættu af miklum krafti inn í seinni hálfleikinn, skoruðu fimm í röð um miðbik hálfleiksins og litu aldrei um öxl eftir það. Leikurinn fór mjög rólega af stað og þeir fáu leikmenn sem virtust klárir í leikmenn voru flestir í liði Fram. Ingimundur Ingimundarson byrjaði vel og dró vagninn fyrir sína menn, sem og Magnús Erlendsson í markinu. Fram hafði tveggja marka forystu að loknum fyrri hálfleiknum, 15-13, en þegar að HK setti meiri kraft í sinn leik kom fljótlega í ljós að liðsheildin var einfaldlega sterkari hjá heimamönnum. Leikmenn eins og Tandri Már Konráðsson og Arnór Freyr Stefánsson markvörður komu mjög sterkir inn í leik HK-inga sem gengu á lagið. Þegar staðan var jöfn, 18-18, fór af stað afar góður leikkafli hjá HK sem skoraði fimm mörk í röð. Framarar virtust einfaldlega ráðþrota í sóknarleiknum gegn sterkri vörn HK. Þar fór Bjarki Már Gunnarsson fremstur í flokki en óhætt er að segja að hann hafi átt stórleik í kvöld. Þeir voru þó fleiri í liði HK sem skiluðu sínu. Atli Ævar á línunni var afar drjúgur, sem og þeir Bjarki Már Elísson, Ólafur Bjarki, Ólafur Víðir og Vilhelm Gauti. Leó Snær kom svo sterkur inn í hægra hornið í lokin. Sigurður Eggertsson var einn af fáum Frömumurm sem lagði eitthvað af mörkum í seinni hálfleiknum en annars var heldur fátt um fína drætti. Fyrri hálfleikurinn var ágætur en Framarar voru heldur fljótur að koðna niður við mótlætið í þeim seinni. Einar Jónsson: Áttum ekki mikið skilið úr leiknumMynd/AntonEinar Jónsson, þjálfari Fram, var vitanlega svekktur í leikslok en liðið fer nú í vetrarfríið í fjórða sæti deildarinnar eftir góða byrjun í haust. „Við vorum bitlausir í sókninni og þegar mest á reyndi í seinni hálfleik náðum við varla skotið að marki. Við áttum því miður ekki mikið skilið úr þessum leik. Fyrri hálfleikurinn var ágætur að mestu leyti og ég hefði gjarnan viljað vera með aðeins meiri forystu eftir hann." Hann segir enga lægð í Safamýrinni. „Þetta er hörkudeild og margir jafnir leikir. Ég hefði verið mjög sáttur við sigur í dag og nú skiptir máli að nýta tímann vel í fríinu, ná öllum meiðslum úr mönnum og þá mætum við tvíefldir aftur til leiks." Í lok tímabilsins komast fjögur efstu lið deildarinnar í úrslitakeppnina og því getur Einar vel unað við fjórða sætið. „Við ætlum okkur bara í úrslitakeppnina og eins og staðan er í dag erum við enn í því sæti. Ég þigg eitthvað af þessum fjórum sætum þegar deidlinni lýkur því það getur allt gerst í úrslitakeppninni." Vilhelm Gauti: Vantaði stemninguMynd/Valli„Við vorum ekki með kveikt á perunni langt fram eftir leiknum og það vantaði stemningu í okkar leik þó svo að við hefðum verið að reyna okkar besta. Hún þarf að vera í lagi í liðsíþrótt eins og handbolta," sagði Vilhelm Gauti Bergsveinsson, varnarmaður HK, eftir sigurinn á Fram. „Það var ótrúlegt að við vorum ekki nema tveimur mörkum undir í hálfleik." „Við náðum stemningunni upp í seinni hálfleik og þá vorum við sjálfum okkur líkir. Ég segi kannski ekki að sigurinn hafi verið öruggur en við vorum í góðri stöðu lengst af." Vilhelm Gauti fagnaði því sérstaklega að vera kominn í deildarbikarinn. „Það er í fyrsta sinn eftir að ég byrjaði aftur að spila sem það tekst hjá HK. Við viljum frekar hlaupa af okkur jólasteikina í keppni heldur á hlaupaæfingum í Digranesinu. Það er aðeins skemmtilegra." Kristinn: Mikilvægur sigurMynd/ValliKristinn Guðmundsson, þjálfari HK, var ánægður með sigurinn. „Þetta var mjög mikilvægur sigur enda þurfum við að fá stig gegn þeim liðum sem eru með okkur í þessum sex liða pakka. Við gáfum svolítið eftir í þeirri útileikjahrinu sem við höfum verið í og þurftum á því að halda að fara á jákvæðum nótum inn í jólafríið." Hann segir að fyrri hálfleikur hafi verið heldur dapur hjá sínum mönnum. „Hann var ofboðslega þungur og bar keim af því að það er prófatörn hjá mörgum leikmönnum. Við löguðum nokkur atriði í varnarleiknum í leikhlénu og það munaði um það. Bjarki Már Gunnarsson var fáránlega góður í miðju varnarinnar og þá kom markvarslan og sóknarleikurinn með í kjölfarið." Fleiri áttu góðan leik hjá HK og hrósaði Kristinn góðri liðsheild sinna manna. „Þetta er liðsíþrótt og það þarf að treysta á fleiri en þá sjö sem byrja," sagði Kristinn. „Við teljum okkur hafa mannskap til að ná árangri sem sannaðist í þessum leik."
Olís-deild karla Mest lesið Selfoss fór með sigur af hólmi á Laugardalsvelli Íslenski boltinn „Komnir með miklu fleiri stig en ég átti von á“ Handbolti „Varnarleikurinn var skelfilegur” Handbolti Uppgjörið: Fram - Haukar 37-34 | Framarar gengu á lagið í síðari hálfleik Handbolti Dortmund kom til baka á meðan AC Milan og Chelsea unnu örugga sigra Fótbolti FH á toppinn eftir sigur í Garðabæ Handbolti Tryggvi Snær í riðlakeppni Evrópubikarsins Körfubolti Virtist ætla að vaða í samherja sinn Fótbolti Ísak Bergmann kom Düsseldorf til bjargar Fótbolti Efast um dugnað og hugarfar Rashford Enski boltinn Fleiri fréttir „Varnarleikurinn var skelfilegur” FH á toppinn eftir sigur í Garðabæ „Komnir með miklu fleiri stig en ég átti von á“ Uppgjörið: Fram - Haukar 37-34 | Framarar gengu á lagið í síðari hálfleik Tíu marka sigur Íslands Viktor Gísli öflugur gegn PSG ÍBV og Grótta með sigra Andri Már spilaði stóran þátt í sigri Leipzig Töpuðu með ellefu í Tékklandi Haukur frábær í öruggum sigri Búkarest Sporting rúllaði yfir Veszprém Loks vann Valur leik Sigvaldi Björn magnaður í fyrsta sigri Kolstad HR og HSÍ taka höndum saman: „Engin meðalmennska hér, það er tekið á því“ Serbarnir fá aldrei aftur að dæma Háspenna er FH vann Hafnarfjarðarslaginn Hörmulegur seinni hálfleikur varð þýsku meisturunum að falli Orri skoraði þrjú er Sporting valtaði yfir Íslendingaslaginn Fínn leikur Íslendinganna í Þýskalandi dugði ekki til Þjálfarinn í byrjunarliðinu: „Mér fannst þörf á smá aga í leikinn“ Sjö mörk Jóhönnu hjálpuðu til við að landa fyrsta sigrinum Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Ihor fór mikinn í stórsigri Aftureldingar Fullkomin byrjun lærisveina Arnórs heldur áfram Ólafur með fjögur mörk í fyrsta sigri Karlskrona Aðeins einn löglegur dúkur svo Valur og FH byrja saman í Krikanum Arftaki Kristjáns óvænt hættur Guðmundur miður sín eftir stórtap: „Eitt það versta sem ég hef upplifað lengi“ Elín Klara og Sara Sif sáu um Stjörnuna Slæm byrjun Vals hélt áfram í Garðabænum Sjá meira