Bráðskemmtilegt veður Marta María Friðriksdóttir skrifar 19. ágúst 2011 06:00 Veðrið ætti að vera aðalumræðuefnið, alltaf!" sagði sessunautur minn með miklum þunga, þegar ég velti fyrir mér að skrifa um veðrið og komandi haust í þessum pistli mínum í dag. Hún bætti því svo við að veðrið ætti að vera aðalumræðuefnið alltaf og klykkti út með því að samræður um veður og veðurtengd málefni gætu verið svo rosalega skemmtilegar. Hvatning sætisfélagans varð til þess að veðrið og haustið, sem nálgast óðfluga, verður umræðuefni dagsins og líklega komandi daga, eins og svo oft áður. Ég er nú einu sinni Íslendingur og viðurkennum það bara, veðrið er bráðskemmtilegt umræðuefni. Það verður enda oft að umræðuefni okkar vinkonu minnar sem býr úti í Lúxemborg en er frá Íslandi. Veðrið berst reyndar mun oftar í tal á veturna og getur verið verulega spennandi, sérstaklega fyrir Íslendinginn í útlöndum sem lifir bara í rólyndisveðrinu í hjarta Evrópu. Hljómar það ekki spennandi að sólin skíni langt fram eftir kvöldi og ylji landsmönnum í ágúst, bílar festist í snjósköflum víða um land í febrúar og umferðarskilti fjúka um koll vegna veðurofsa? Þetta hefur oft reynst hið áhugaverðasta efni í líflegar samræður okkar vinkvennanna og hún spyr iðulega um veðrið á Íslandi. Hvernig er best að lýsa veðrinu á Íslandi? Það er svo margbreytilegt og skjótt skipast veður í lofti. Ég tók upp á því þegar ég var lítil að segja pabba, sem staddur var í öðrum landshluta, að það væri ekkert veður fyrir utan. Veðuráhugamanninum fannst þetta verulega óskemmtileg lýsing og innti mig frekari svara, sem ég hafði alls ekki á takteinum. Það var ekki vegna þess að ég nennti ekki að gá, heldur var besta lýsingin ekkert veður. Í dag er pabbi búinn að átta sig á því hvað ekkert veður er, það er skýjað og grátt. Ekkert veður er bara hin ágætasta lýsing, að mínu mati. Veðrið í morgun bar með sér að haustið væri á næsta leiti. Haustilmur var í loftinu, bílrúðan var rök og einmana gult og rautt laufblað blakti fyrir utan gluggann minn. Það er ekki bara veðrið og trén sem bera með sér að haustið sé skammt undan heldur gera fréttir vikunnar það einnig. Haustuppskeran er að hefjast og átta hundruð epli verða tínd af eplatré á Akranesi. Menningarnótt með öllum sínum fjölda viðburða og verkfall leikskólakennara sem hefur áhrif á þúsundir fjölskyldna. Viltu birta grein á Vísi? Sendu okkur póst. Senda grein Marta María Friðriksdóttir Mest lesið Er rúmdýnan þín hægt og rólega að murka úr þér líftóruna? Gunnar Dan Wiium Skoðun Orðræða seðlabankastjóra veldur mér áhyggjum Ágúst Bjarni Garðarsson Skoðun Skynsemi Miðflokksins Ása Lind Finnbogadóttir Skoðun Er Miðflokkurinn fyrir ungt fólk? Anton Sveinn McKee Skoðun Opið bréf til fjölmiðla Magnús Guðmundsson Skoðun Svarar ekki kostnaði að bjarga sjálfum sér Kári Helgason Skoðun Kæra sig ekki um evruna Hjörtur J. Guðmundsson Skoðun Aftur til fortíðar Birta Karen Tryggvadóttir Skoðun Er padda í vaskinum? Vilborg Gunnarsdóttir Skoðun Það er verið að hafa okkur að fíflum. Davíð Bergmann Skoðun
Veðrið ætti að vera aðalumræðuefnið, alltaf!" sagði sessunautur minn með miklum þunga, þegar ég velti fyrir mér að skrifa um veðrið og komandi haust í þessum pistli mínum í dag. Hún bætti því svo við að veðrið ætti að vera aðalumræðuefnið alltaf og klykkti út með því að samræður um veður og veðurtengd málefni gætu verið svo rosalega skemmtilegar. Hvatning sætisfélagans varð til þess að veðrið og haustið, sem nálgast óðfluga, verður umræðuefni dagsins og líklega komandi daga, eins og svo oft áður. Ég er nú einu sinni Íslendingur og viðurkennum það bara, veðrið er bráðskemmtilegt umræðuefni. Það verður enda oft að umræðuefni okkar vinkonu minnar sem býr úti í Lúxemborg en er frá Íslandi. Veðrið berst reyndar mun oftar í tal á veturna og getur verið verulega spennandi, sérstaklega fyrir Íslendinginn í útlöndum sem lifir bara í rólyndisveðrinu í hjarta Evrópu. Hljómar það ekki spennandi að sólin skíni langt fram eftir kvöldi og ylji landsmönnum í ágúst, bílar festist í snjósköflum víða um land í febrúar og umferðarskilti fjúka um koll vegna veðurofsa? Þetta hefur oft reynst hið áhugaverðasta efni í líflegar samræður okkar vinkvennanna og hún spyr iðulega um veðrið á Íslandi. Hvernig er best að lýsa veðrinu á Íslandi? Það er svo margbreytilegt og skjótt skipast veður í lofti. Ég tók upp á því þegar ég var lítil að segja pabba, sem staddur var í öðrum landshluta, að það væri ekkert veður fyrir utan. Veðuráhugamanninum fannst þetta verulega óskemmtileg lýsing og innti mig frekari svara, sem ég hafði alls ekki á takteinum. Það var ekki vegna þess að ég nennti ekki að gá, heldur var besta lýsingin ekkert veður. Í dag er pabbi búinn að átta sig á því hvað ekkert veður er, það er skýjað og grátt. Ekkert veður er bara hin ágætasta lýsing, að mínu mati. Veðrið í morgun bar með sér að haustið væri á næsta leiti. Haustilmur var í loftinu, bílrúðan var rök og einmana gult og rautt laufblað blakti fyrir utan gluggann minn. Það er ekki bara veðrið og trén sem bera með sér að haustið sé skammt undan heldur gera fréttir vikunnar það einnig. Haustuppskeran er að hefjast og átta hundruð epli verða tínd af eplatré á Akranesi. Menningarnótt með öllum sínum fjölda viðburða og verkfall leikskólakennara sem hefur áhrif á þúsundir fjölskyldna.