Jóladraumur Brynhildur Björnsdóttir skrifar 16. desember 2011 06:00 Jóladraumar eru í mörgum litum. Sumir láta sig dreyma um hvít jól af snjó og frosti, fyrir öðrum eru jólin rauð eins og klæði jólasveina, sumir eiga blá og einmanaleg jól og fyrir ekki svo mörgum árum voru engin jól með jólum nema þau væru svört, jólatréð og allt. Þá eru ótalin bleiku fiðrildajólin sem eflaust glöddu marga þegar þau voru í tísku. Sjálf hallast ég æ meir að grænum jólum. Ekki bara af því að jólatrén eru græn og grenikransarnir, heldur vegna þess að ég er hrædd um að ef gjörvöll mannkind reynir ekki að grænka af öllum mætti, og það sem fyrst, verði jólin hvorki hvít né rauð heldur grá og snauð. Og það er alveg hægt að gera jólin grænni án þess að hafa rosalega mikið fyrir því. Það eina sem þarf að gera er að opna hugann og augun pínulítið. Hér eru nokkur dæmi um slíkt: Íslendingar kaupa nú íslensk jólatré í miklum mæli, sem er mjög vel. Íslensk jólatré eru að sönnu höggvin niður í náttúrunni en þau eru ræktuð til þess arna og mikilvægast er að þau eru ekki flutt um langan veg með tilheyrandi olíunotkun. Svo vinnur fjöldi Íslendinga við skógrækt, þannig að íslensk jólatré eru atvinnuskapandi. Venjulegan jólapappír má ekki endurvinna vegna málmagna sem í honum eru, gyllinga og silfurs. En það er hægt að pakka afskaplega fallega inn í venjulegan endurunninn teiknipappír og skreyta hann síðan fallega, mála eða lita og binda borða, jafnvel nota grenigreinar eða þurrkaða ávexti til að jóla pakkann enn meira. Svo má benda viðtakandanum á að geyma borðann og allir geta auðvitað geymt jólapappírinn sem þeir fá og notað hann aftur um næstu jól. Jólagjöfin 2009, Jákvæð upplifun, er enn í góðu gildi. Frekar en að kaupa hluti sem kannski er ekki þörf fyrir er hægt að gefa upplifun eða það sem er enn þá betra: stundir. Ein besta jólagjöf sem ég hef fengið undanfarin ár var loforð um barnagæslu sem ég nýtti mér til hins ítrasta. Mig nefnilega vantaði ekki dót, en sárlega tíma. Svo er hægt að kíkja í blaðið Góð ráð um græn jól sem fylgdi með Fréttablaðinu um miðjan nóvember og er aðgengilegt á vef Umhverfisstofnunar og Vísis. Með þetta sem annað sannast hið tiltölulega nýkveðna: „Enginn getur gert allt, en allir geta gert eitthvað.“ Gleðigræn jól. Viltu birta grein á Vísi? Sendu okkur póst. Senda grein Bakþankar Brynhildur Björnsdóttir Skoðanir Mest lesið Eitruð kvenmennska Ása Lind Finnbogadóttir Skoðun Sameining Garðabæjar og Hafnarfjarðar – kostir – ókostir - skynsemi Ó. Ingi Tómasson Skoðun Leiðin til helvítis Jón Pétur Zimsen Skoðun Á undan jarðýtu komi fornleifafræðingur… Stefán Pálsson Skoðun Búum til réttlátt lífeyriskerfi Hrafn Magnússon Skoðun Samningur HSÍ við Rapyd – Opið bréf til frambjóðenda í formannskjöri Hópur stuðningsmanna Íslands í handbolta Skoðun Þau eru fá en þörfin er stór Sif Huld Albertsdóttir Skoðun Hvernig getum við notað nýjar ráðleggingar um mataræði? Óla Kallý Magnúsdóttir,Jóhanna E. Torfadóttir Skoðun Drögum úr fordómum í garð Breiðholts Alex Vor Ólafs,Jörundur Þór Hákonarson,Theodóra Líf Reykdal Skoðun Hinn nýi íslenski aðall Kolbrún Áslaugar Baldursdóttir Skoðun
Jóladraumar eru í mörgum litum. Sumir láta sig dreyma um hvít jól af snjó og frosti, fyrir öðrum eru jólin rauð eins og klæði jólasveina, sumir eiga blá og einmanaleg jól og fyrir ekki svo mörgum árum voru engin jól með jólum nema þau væru svört, jólatréð og allt. Þá eru ótalin bleiku fiðrildajólin sem eflaust glöddu marga þegar þau voru í tísku. Sjálf hallast ég æ meir að grænum jólum. Ekki bara af því að jólatrén eru græn og grenikransarnir, heldur vegna þess að ég er hrædd um að ef gjörvöll mannkind reynir ekki að grænka af öllum mætti, og það sem fyrst, verði jólin hvorki hvít né rauð heldur grá og snauð. Og það er alveg hægt að gera jólin grænni án þess að hafa rosalega mikið fyrir því. Það eina sem þarf að gera er að opna hugann og augun pínulítið. Hér eru nokkur dæmi um slíkt: Íslendingar kaupa nú íslensk jólatré í miklum mæli, sem er mjög vel. Íslensk jólatré eru að sönnu höggvin niður í náttúrunni en þau eru ræktuð til þess arna og mikilvægast er að þau eru ekki flutt um langan veg með tilheyrandi olíunotkun. Svo vinnur fjöldi Íslendinga við skógrækt, þannig að íslensk jólatré eru atvinnuskapandi. Venjulegan jólapappír má ekki endurvinna vegna málmagna sem í honum eru, gyllinga og silfurs. En það er hægt að pakka afskaplega fallega inn í venjulegan endurunninn teiknipappír og skreyta hann síðan fallega, mála eða lita og binda borða, jafnvel nota grenigreinar eða þurrkaða ávexti til að jóla pakkann enn meira. Svo má benda viðtakandanum á að geyma borðann og allir geta auðvitað geymt jólapappírinn sem þeir fá og notað hann aftur um næstu jól. Jólagjöfin 2009, Jákvæð upplifun, er enn í góðu gildi. Frekar en að kaupa hluti sem kannski er ekki þörf fyrir er hægt að gefa upplifun eða það sem er enn þá betra: stundir. Ein besta jólagjöf sem ég hef fengið undanfarin ár var loforð um barnagæslu sem ég nýtti mér til hins ítrasta. Mig nefnilega vantaði ekki dót, en sárlega tíma. Svo er hægt að kíkja í blaðið Góð ráð um græn jól sem fylgdi með Fréttablaðinu um miðjan nóvember og er aðgengilegt á vef Umhverfisstofnunar og Vísis. Með þetta sem annað sannast hið tiltölulega nýkveðna: „Enginn getur gert allt, en allir geta gert eitthvað.“ Gleðigræn jól.
Samningur HSÍ við Rapyd – Opið bréf til frambjóðenda í formannskjöri Hópur stuðningsmanna Íslands í handbolta Skoðun
Hvernig getum við notað nýjar ráðleggingar um mataræði? Óla Kallý Magnúsdóttir,Jóhanna E. Torfadóttir Skoðun
Drögum úr fordómum í garð Breiðholts Alex Vor Ólafs,Jörundur Þór Hákonarson,Theodóra Líf Reykdal Skoðun
Samningur HSÍ við Rapyd – Opið bréf til frambjóðenda í formannskjöri Hópur stuðningsmanna Íslands í handbolta Skoðun
Hvernig getum við notað nýjar ráðleggingar um mataræði? Óla Kallý Magnúsdóttir,Jóhanna E. Torfadóttir Skoðun
Drögum úr fordómum í garð Breiðholts Alex Vor Ólafs,Jörundur Þór Hákonarson,Theodóra Líf Reykdal Skoðun