Lokatölur 2011

Þá eru lokatölur komnar úr flestum ánum en þó vantar ennþá lokatölur úr Ytri Rangá enda veiði ekki hætt þar fyrr en um helgina.  Það sem stendur svo sem uppúr þessu sumri, sem er það fjórða besta frá upphafi, er munurinn á milli ára í systuránum fyrir austann, Eystri og Ytri Rangá.  En það munar um 1400 löxum í Ytri og um 2000 löxum í Eystri.  Það er kannski ósanngjarn samanburður að bera árnar saman við bestu árin en það þykir þó vera víst að minna kom úr hafi en áður.

Miðfjarðará er að sama skapi um 1700 löxum undir tölunum frá því í fyrra en það ár var líka alveg ótrúlegt í Miðfirðinum.  Norðurá heldur sínu, og það gera Selá og Lánga svo til líka.  Aðrar ár eru með minni veiði en í fyrra, en við tökum það skýrt fram að samanburður á milli ára gefur ekki rétta mynd af því hvað telsteðlileg veiði eða ekki.  Meirihluti ánna eru yfir meðalafla eða á pari.

Svo komu ár eins og Breiðdalsá sem stukku yfir metið annað árið í röð.  Og það gerðist líka í Jöklu, bæði svæðin greinilega að koma nokkuð sterk inn.  Hér fyrir neðan er topp 10 listinn og allann listann má nálgast hér: https://angling.is/is/veiditolur/

 

Veiðivatn	Dagsetning	Heildarveiði	Stangafjöldi	Lokatölur 2010
Ytri-Rangá & Hólsá, vesturbakki.	19. 10. 2011	4870	24	6210
Eystri-Rangá	19. 10. 2011	Lokatölur 4387	18	6280
Miðfjarðará	28. 9. 2011	Lokatölur 2364	10	4043
Norðurá	14. 9. 2011	Lokatölur 2134	15	2279
Blanda	21. 9. 2011	Lokatölur 2032	16	2777
Selá í Vopnafirði	5. 10. 2011	Lokatölur 2021	8	2065
Langá	28. 9. 2011	Lokatölur 1934	12	2235
Þverá + Kjarará	21. 9. 2011	Lokatölur 1825	14	3760
Haffjarðará	21. 9. 2011	Lokatölur 1526	6	1978
Breiðdalsá	5. 10. 2011	Lokatölur 1430	8	1178