Ballið á Bessastöðum: Snotur lítil leikhúsplata Trausti Júlíusson skrifar 22. febrúar 2011 00:01 Ballið á Bessastöðum. Tónlist Ballið á Bessastöðum Tónlist úr leikriti Snotur lítil leikhúsplata Á þessari plötu eru níu lög eftir Braga Valdimar Skúlason við texta eftir Gerði Kristnýju og Braga. Þau eru hluti af leiksýningunni Ballið á Bessastöðum sem nú er sýnt í Þjóðleikhúsinu. Bragi Valdimar er rómaður textahöfundur en hann er alltaf að sýna það betur og betur að hann er líka liðtækur lagasmiður. Hann sló í gegn með eftirminnilegum hætti á plötunni Diskóeyjunni í fyrra og þó að það vanti töluvert upp á að Ballið nái sömu hæðum og Eyjan er þetta samt ágæt leikhúspoppplata og lagasmíðarnar alls ekki slæmar. Platan er unnin í poppverksmiðju Kidda og Memfismafíunnar, sem tryggir flottan hljóm og fyrsta flokks hljóðfæraleik. Útsetningarnar eru nokkuð fjölbreyttar. Poppið fær á sig reggíblæ í titillaginu og annars staðar má heyra diskó, kántrí og fleiri tilbrigði. Eins og eðlilegt er við leikhústónlist af þessu tagi eru raddirnar hátt mixaðar þannig að textarnir komist vel til skila. Leikarar sýningarinnar sjá um sönginn að mestu og skila honum ágætlega, en Sigurður Guðmundsson syngur Fagrar litlar diskókýr og Valdimar (úr samnefndri sveit) og Sigríður Thorlacius syngja Söng bráðkvadda bakarans. Lögin níu fylgja svo án söngs, sem er vel til fundið því þau virka ekki síður vel þannig. Á heildina litið snotrasta poppplata. Niðurstaða: Fín leikhúspoppplata úr verksmiðju Memfismafíunnar. Lífið Mest lesið Þorsteinn og Hulda selja í Hlíðunum Lífið Sá stórt tækifæri í fjárfestingarhlið listarinnar Menning Giskaði sig í eina milljón Lífið Katrín Tanja minnist Theo: „Hann kenndi mér hvernig á að elska“ Lífið Helgi Björns og Siggi Hall skemmtu sér konunglega Lífið „Var ekkert búin að reikna saman þessi laun“ Lífið Upp á svið í háum hælum eftir Osteostrong Lífið samstarf Innsigluðu ástina með sérhönnuðu húðflúri Lífið Þrumustuð þegar lag Barnamenningarhátíðar var frumflutt Tónlist Fólk þurfi alltaf að sætta sig við eitthvað sem því líkar illa við í fari makans Lífið Fleiri fréttir Eldborg breyttist í vélrænt helvíti Kaldrifjað morð, ungar karlrembur og kæfandi andrúmsloft Strípibúlluást sem hleypir öllu í háaloft Stormur fellur á prófinu Víkingur Heiðar á fjölbreyttri afmælisveislu með ljóslifandi hápunktum Leiksigur Ladda Elísabet fær uppreist æru Sjá meira
Tónlist Ballið á Bessastöðum Tónlist úr leikriti Snotur lítil leikhúsplata Á þessari plötu eru níu lög eftir Braga Valdimar Skúlason við texta eftir Gerði Kristnýju og Braga. Þau eru hluti af leiksýningunni Ballið á Bessastöðum sem nú er sýnt í Þjóðleikhúsinu. Bragi Valdimar er rómaður textahöfundur en hann er alltaf að sýna það betur og betur að hann er líka liðtækur lagasmiður. Hann sló í gegn með eftirminnilegum hætti á plötunni Diskóeyjunni í fyrra og þó að það vanti töluvert upp á að Ballið nái sömu hæðum og Eyjan er þetta samt ágæt leikhúspoppplata og lagasmíðarnar alls ekki slæmar. Platan er unnin í poppverksmiðju Kidda og Memfismafíunnar, sem tryggir flottan hljóm og fyrsta flokks hljóðfæraleik. Útsetningarnar eru nokkuð fjölbreyttar. Poppið fær á sig reggíblæ í titillaginu og annars staðar má heyra diskó, kántrí og fleiri tilbrigði. Eins og eðlilegt er við leikhústónlist af þessu tagi eru raddirnar hátt mixaðar þannig að textarnir komist vel til skila. Leikarar sýningarinnar sjá um sönginn að mestu og skila honum ágætlega, en Sigurður Guðmundsson syngur Fagrar litlar diskókýr og Valdimar (úr samnefndri sveit) og Sigríður Thorlacius syngja Söng bráðkvadda bakarans. Lögin níu fylgja svo án söngs, sem er vel til fundið því þau virka ekki síður vel þannig. Á heildina litið snotrasta poppplata. Niðurstaða: Fín leikhúspoppplata úr verksmiðju Memfismafíunnar.
Lífið Mest lesið Þorsteinn og Hulda selja í Hlíðunum Lífið Sá stórt tækifæri í fjárfestingarhlið listarinnar Menning Giskaði sig í eina milljón Lífið Katrín Tanja minnist Theo: „Hann kenndi mér hvernig á að elska“ Lífið Helgi Björns og Siggi Hall skemmtu sér konunglega Lífið „Var ekkert búin að reikna saman þessi laun“ Lífið Upp á svið í háum hælum eftir Osteostrong Lífið samstarf Innsigluðu ástina með sérhönnuðu húðflúri Lífið Þrumustuð þegar lag Barnamenningarhátíðar var frumflutt Tónlist Fólk þurfi alltaf að sætta sig við eitthvað sem því líkar illa við í fari makans Lífið Fleiri fréttir Eldborg breyttist í vélrænt helvíti Kaldrifjað morð, ungar karlrembur og kæfandi andrúmsloft Strípibúlluást sem hleypir öllu í háaloft Stormur fellur á prófinu Víkingur Heiðar á fjölbreyttri afmælisveislu með ljóslifandi hápunktum Leiksigur Ladda Elísabet fær uppreist æru Sjá meira