Innkalla hrásalat og kartöflusalat

Bónus varar við hrásalati og kartöflusalati sem verslunin selur en í ljós hefur komið að hráefnalýsing á umbúðum var ekki fullnægjandi. Þannig innihalda vörurnar afurð úr eggjum.

Þar sem egg og afurðir úr þeim eru þekktir ofnæmis- og óþolsvaldar eru vörurnar varasamar fyrir ákveðna neytendahópa. Vörurnar eru öruggar og heilnæmar fyrir neytendur sem ekki hafa ofnæmi eða óþol fyrir eggjum og eggjaafurðum.

Vörurnar hafa verið teknar úr sölu í verslunum Bónus á meðan merkingar eru endurbættar. Þeir neytendur sem kunna að eiga vörurnar til og hafa ofnæmi eða óþol fyrir eggjaafurðum eru beðnir um farga vörunum eða skila þeim í næstu verslun Bónus gegn endurgreiðslu.

Nákvæmari upplýsingar: Framleiðandi Ferskur Bónus – Hrásalat (Þyngd: 350g; Strikamerki: 5690587551115; Geymsluskilyrði: Kælivara) og Ferskur Bónus – Kartöflusalat (Þyngd: 350g; Strikamerki: 5690587551245; Geymsluskilyrði: Kælivara).