Reyndi rán með sprautunál en sætti sig við pylsu og sígarettur

Kona á þrítugsaldri, sem greinilega var undir áhrifum fíkniefna, gerði tilraun til ráns í nótt, með því að hóta starfsfólki N-1 við Lækjargötu í Hafnarfirði með blóðugri sprautunál, og krefjast peninga.

Starfsfólkið náði að róa hana niður og gaf henni pylsu með öllu og sígarettur að eigin vali, en hringdi jafnframt á lögreglu. Þegar konan hafði klárað pylsuna, hélt hún á brott, án frekari krafna um peninga, en lögreglan greip hana í nágrenninu og vistaði hana í fangageymslum.