Leika bókatitla á aðfangadagskvöld 1. nóvember 2011 00:01 Það er eins gott að vera vel að sér um bókatitla ef maður ætlar að fá að opna pakkana sína á heimili Aldísar Guðmundsdóttur. Á heimili Aldísar Guðmundsdóttur, sálfæðikennara við MH, hefur sá siður komist á að leika Actionary við opnun pakkanna á aðfangadagskvöld. Sá getspakasti má svo opna einn pakka. Leikurinn fer þannig fram að einn er valinn til að byrja að leika og hinir reyna að geta upp á því hvað hann er að túlka. Sá sem getur rétt upp á því má opna einn pakka, síðan á hann að leika fyrir hina og svo koll af kolli. En má leika hvað sem er? „Yfirleitt höfum við haldið okkur við bókatitla, en þar sem einn ungur maður í fjölskyldunni er betur að sér um kvikmyndir en bækur höfum við leyft kvikmyndatitla líka,“ segir Aldís. Hvernig kom þessi siður til? „Ég er ekki alveg með það á hreinu,“ viðurkennir Aldís en bætir við að fjölskyldan hafi kynnst Actionary hjá vini í Bandaríkjunum árið 1993. Hún hafi samt ekki fyrr en 2000 farið að leika hann við pakkaopnunina á aðfangadagskvöld. Tekur ekki hálfa nóttina að opna pakkana með þessu móti? „Nei, yfirleitt tekur þetta rúma tvo tíma. Ein jólin fékk reyndar áðurnefndur ungur maður 80 pakka svo hann mátti opna nokkra pakka án þess að leikurinn kæmi til. Það hefur alltaf verið fín stemning í kringum þetta, mikið hlegið og mikið fjör.“- fsb Jólafréttir Jólahald Mest lesið Jóladagatal Vísis: Klukkan er sex Jólin Jólahlaðborð á sænska vísu Jól Dóttirin hannaði merkimiðana Jól Strangar reglur um flugelda Jólin Jólasveinahúfur föndraðar Jól Mosfellingar gleðjast - myndir Jól Leyndarmálinu ljóstrað upp Jólin Jólahátíð í Kópavogi - myndir Jól Hikar ekki við að fara á trúnó í jólakortaskrifunum Jól Prúðbúin jólakrútt Jólin
Á heimili Aldísar Guðmundsdóttur, sálfæðikennara við MH, hefur sá siður komist á að leika Actionary við opnun pakkanna á aðfangadagskvöld. Sá getspakasti má svo opna einn pakka. Leikurinn fer þannig fram að einn er valinn til að byrja að leika og hinir reyna að geta upp á því hvað hann er að túlka. Sá sem getur rétt upp á því má opna einn pakka, síðan á hann að leika fyrir hina og svo koll af kolli. En má leika hvað sem er? „Yfirleitt höfum við haldið okkur við bókatitla, en þar sem einn ungur maður í fjölskyldunni er betur að sér um kvikmyndir en bækur höfum við leyft kvikmyndatitla líka,“ segir Aldís. Hvernig kom þessi siður til? „Ég er ekki alveg með það á hreinu,“ viðurkennir Aldís en bætir við að fjölskyldan hafi kynnst Actionary hjá vini í Bandaríkjunum árið 1993. Hún hafi samt ekki fyrr en 2000 farið að leika hann við pakkaopnunina á aðfangadagskvöld. Tekur ekki hálfa nóttina að opna pakkana með þessu móti? „Nei, yfirleitt tekur þetta rúma tvo tíma. Ein jólin fékk reyndar áðurnefndur ungur maður 80 pakka svo hann mátti opna nokkra pakka án þess að leikurinn kæmi til. Það hefur alltaf verið fín stemning í kringum þetta, mikið hlegið og mikið fjör.“- fsb
Jólafréttir Jólahald Mest lesið Jóladagatal Vísis: Klukkan er sex Jólin Jólahlaðborð á sænska vísu Jól Dóttirin hannaði merkimiðana Jól Strangar reglur um flugelda Jólin Jólasveinahúfur föndraðar Jól Mosfellingar gleðjast - myndir Jól Leyndarmálinu ljóstrað upp Jólin Jólahátíð í Kópavogi - myndir Jól Hikar ekki við að fara á trúnó í jólakortaskrifunum Jól Prúðbúin jólakrútt Jólin